پارلیمنٹ ہاؤس کے کیفے ٹیریا میں کھانے پینے کی اشیا کے ریٹس کیا ہیں؟
اشاعت کی تاریخ: 21st, January 2025 GMT
اراکین پارلیمنٹ کی عیاشیوں کا ہمیشہ سے چرچا رہتا ہے، تصور یہ کیا جاتا ہے کہ اراکین پارلیمنٹ کو ہر ہوٹل، ایئر ٹکٹ سمیت دیگر سہولیات میں خاصی رعایت دی جاتی ہے۔
وی نیوز نے پارلیمنٹ کے کیفے ٹیریا کا دورہ کیا اور معلوم کرنے کی کوشش کی کہ پارلیمنٹ ہاؤس میں اراکین پارلیمنٹ کو کون سی اشیا کن نرخوں پر دستیاب ہیں، اور کیا اراکین پارلیمنٹ اور عام آدمی کو ایک ہی نرخ پر کھانے پینے کی اشیا فراہم کی جاتی ہیں؟۔
یہ بھی پڑھیں پارلیمنٹ ہاؤس کا نام تبدیل کرنے کا فیصلہ، نیا نام کیا ہو گا؟
وی نیوز کو پارلیمنٹ ہاؤس کے سینیئر افسر نے نام ظاہر نہ کرنے کی شرط پر بتایا کہ پارلیمنٹ ہاؤس کیفے ٹیریا میں کھانا نجی کیٹرنگ کمپنی کو دیا جاتا ہے، گزشتہ 9 ماہ سے ’اولیو کیٹرز‘ نامی کمپنی کو یہ ٹھیکہ دیا گیا تھا اور 11 جنوری کے بعد سے اب لاہور کی ایک نجی کمپنی کو یہ ٹھیکہ دے دیا گیا ہے۔
انہوں نے بتایا کہ پارلیمنٹ کے کیفے ٹیریا میں ریٹ ایک کمیٹی کی جانب سے طے کیے جاتے ہیں جبکہ ان ریٹس میں اضافے کے لیے کمیٹی سے پیشگی اجازت ضروری ہوتی ہے۔
پارلیمنٹ ہاؤس میں اس وقت دو کیفے ٹیریاز ہیں، ایک اراکین پارلیمنٹ اور ان کے مہمانوں کے لیے ہے جس کی ریٹ لسٹ الگ ہے جبکہ ایک کیفے ٹیریا نیچے والے فلور میں موجود ہے جو کہ قومی اسمبلی کے اسٹاف کے لیے ہے، اس کیفے ٹیریا کا ریٹ اراکین کے کیفے ٹیریا سے نسبتاً کم ہوتا ہے۔
اراکین پارلیمنٹ کے کیفے ٹیریا میں چائینز، پاکستانی، باربی کیو سمیت 50 مختلف کھانے پینے کی اشیا دستیاب ہیں۔ اس کیفے ٹیریا کی ریٹ لسٹ کے مطابق کلب سینڈوچ کی قیمت 400 روپے، چکن برگر کی قیمت 375 روپے، چکن کڑاہی کی قیمت 1600 روپے، مٹن کڑاہی 3 ہزار روپے جبکہ چکن بریانی 350 روپے میں دستیاب ہے۔
اس کے علاوہ دال ماش کی دو لوگوں کے لیے پلیٹ کی قیمت 285 روپے اور سبزی کی قیمت بھی 285 روپے ہے، باربی کیو آئٹم میں 9 پیس چکن بوٹی کی قیمت 750 روپے، ریشمی کباب کی قیمت 385 روپے جبکہ 9 پیس فش تکہ کی قیمت 795 روپے ہے۔
چائنیز کھانوں میں چکن منچوریئن 525 روپے، چکن چلی ڈرائی 500 روپے، چکن فرائیڈ رائس 320 روپے میں دستیاب ہیں۔
اسی طرح ناشتے میں پراٹھا 70 روپے، 2 بریڈ سلائس جیم اور مکھن کے ساتھ 175 روپے، فرائی انڈا 60 اور آملیٹ 75 روپے میں دستیاب ہے۔
اس کے علاوہ سادہ نان 25 روپے، روغنی نان 30 روپے، کلونجی نان 65 اور چیز نان 125 روپے میں دستیاب ہے، جبکہ گرین سلاد کی قیمت 125 روپے، رشین سلاد کی قیمت 235 روپے اور رائتہ اور منٹ ساس کی قیمت 95 روپے ہے۔
کیفے ٹیریا میں سوپ 150 روپے، فرنچ فرائز 150 روپے، 6 پیس فنگر فش 750 روپے، چائے کا کپ 100 روپے، قہوا 60، کافی 175، فریش جوش اور شیکس 250 روپے میں دستیاب ہیں۔
اسی طرح میٹھے میں کھیر 150 روپے، فروٹ ٹرائفل 150 روپے، چاکلیٹ براؤنی 2 پیس 175 روپے میں دستیاب ہے۔
یہ بھی پڑھیں پارلیمنٹ ہاؤس کی مسجد سے نمازیوں کے جوتے چوری، ’سہولتکاری کس نے کی‘؟
پارلیمنٹ ہاؤس میں اسٹاف کے لیے موجود کیفے ٹیریا میں دال کی پلیٹ 130 روپے، چکن قورمہ 230 روپے، چکن پلاؤ 250 روپے، پراٹھا 60 روپے، آملیٹ 70 روپے اور چائے 60 روپے میں دستیاب ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اراکین پارلیمنٹ اشیا کی قیمت پارلیمنٹ کیفے ٹیریا پارلیمنٹ ہاؤس وی نیوز.ذریعہ: WE News
کلیدی لفظ: اراکین پارلیمنٹ اشیا کی قیمت پارلیمنٹ ہاؤس وی نیوز اراکین پارلیمنٹ پارلیمنٹ ہاؤس دستیاب ہیں کی قیمت کے لیے
پڑھیں:
ڈالر کی اونچی اڑان شروع، قیمت 281 روپے کی سطح سے اوپر چلی گئی
لاہور(اُردو پوائنٹ اخبارتازہ ترین۔ 20 جنوری2025ء) ڈالر کی اونچی اڑان شروع، قیمت 281 روپے کی سطح سے اوپر چلی گئی، مارکیٹ میں ڈالر کی طلب میں مسلسل اضافے کی وجہ سے اوپن کرنسی مارکیٹ میں پاکستانی روپے کی قدر مزید گر گئی۔ تفصیلات کے مطابق پیر کو انٹربینک میں روپے کی قدر میں اضافہ ریکارڈ کیا گیا، جبکہ اوپن مارکیٹ میں ڈالر کی قیمت بڑھ گئی۔ پیر کے روز انٹربینک مارکیٹ میں کاروبار کے اختتام پر ڈالر کی قدر 06پیسے کی کمی سے 278روپے 65پیسے کی سطح پر بند ہوئی، اس کے برعکس اوپن کرنسی مارکیٹ میں ڈالر کی قدر 06پیسے کے اضافے سے 281 روپے 17 پیسے کی سطح پر بند ہوئی۔ دوسری جانب کاروباری ہفتے کے آغاز پر سونا بھی مہنگا ہو گیا۔ بین الاقوامی بلین مارکیٹ میں سونے کی قیمت میں اضافے کے سبب مقامی مارکیٹ بھی اضافہ ہوگیا۔(جاری ہے)
تفصیلات کے مطابق عالمی مارکیٹ میں فی اونس سونے کی قیمت 5ڈالر کے اضافے سے 2708 ڈالر کی سطح پر آگئی۔ اضافے کے باعث مقامی صرافہ مارکیٹوں میں بھی 24قیراط کے حامل فی تولہ سونے کی قیمت 500روپے کے اضافے سے 282900روپے اور فی دس گرام سونے کی قیمت بھی 429روپے کے اضافے سے 242541 روپے کی سطح پر آگئی۔ سونے کی قیمت میں اضافے کے برعکس فی تولہ چاندی کی قیمت 9روپے کی کمی سے 3372روپے اور فی دس گرام چاندی کی قیمت بھی 8روپے کی کمی سے 2890 روپے کی سطح پر آگئی۔
شہباز شریف کی کابینہ کو کس نے روکا ہے؟ این سی اے سے ہونے والا معاہدہ پبلک کردے