بند کمروں میں بیٹھ کر فیصلے عوام پر تھوپے جا رہے ہیں، مصطفیٰ نواز کھوکھر
اشاعت کی تاریخ: 21st, January 2025 GMT
فوٹو: اسکرین گریب
سینئر سیاستدان مصطفیٰ نواز کھوکھر نے کہا ہے کہ بند کمروں میں بیٹھ کر فیصلے عوام پر تھوپے جا رہے ہیں۔ سیاسی جماعتوں کو اپنے ایجنڈے سے نکل کر آگے بڑھنا ہوگا۔
اسلام آباد میں اپوزیشن رہنماؤں کے ہمراہ پریس کانفرنس کرتے ہوئے مصطفیٰ نواز کھوکھر کا کہنا تھا کہ ملک کو اس وقت بچانے کی اشد ضرورت ہے، موجودہ حکومت نے بحران کو بڑھانے میں کندھا استعمال کیا۔
اسلام آباد ہائی کورٹ نے سابق سینیٹر مصطفیٰ نواز کھوکھر کی ممکنہ آئینی ترمیم کا ڈرافٹ پبلک کرنے، عوامی رائے لینے کا حکم دینے کی درخواست پر سماعت کی۔
انہوں نے کہا کہ ہم نے اس بات پر اتفاق کیا کہ جمہوریت کی بحالی ایجنڈا ہونا چاہیے، سیاسی جماعتوں کو اپنے ایجنڈے سے نکل کر آگے بڑھنا ہوگا۔
مصطفیٰ نواز کھوکھر کا کہنا تھا کہ اگلے چند دنوں میں اپوزیشن ایجنڈا طے کرنے کا مشاورتی اجلاس ہوگا، ایک بڑا ایجنڈا بنا کر ملک کو بحرانوں سے نکالا جائے گا۔
ایک ایجنڈا ہے ملک میں آئین کی بحالی ہو، عمر ایوباس موقع پر گفتگو کرتے ہوئے پی ٹی آئی رہنما عمر ایوب کا کہنا تھا کہ ہم سب کا ایک ایجنڈا ہے کہ ملک میں آئین کی بحالی ہو، جلد اپوزیشن اتحاد کی جماعتوں کا اتفاق ہوگا۔
انہوں نے یہ بھی کہا کہ دریائے سندھ کے سیدھے ہاتھ افراتفری ہے، خیبر پختونخوا اور بلوچستان میں حالات سنگین ہو چکے ہیں، مہنگائی اور غربت عروج پر پہنچ چکی ہے، ملک سے 14 ارب ڈالر باہر جاچکے ہیں۔
عدالتیں اپاہج ہو رہی ہیں اور یہ تباہ کن ہے، اسد قیصرسابق اسپیکر قومی اسمبلی اور پی ٹی آئی رہنما اسد قیصر کا کہنا تھا کہ پوری قوم اپنے آئینی حقوق کےلیے کھڑی ہو جائے۔ 1973 کا آئین پاکستان کے لیے اہم کارنامہ تھا، 26ویں آئینی ترمیم نے آئین کو تباہ کر دیا ہے۔
انہوں نے یہ بھی کہا کہ عدالتیں اپاہج ہو رہی ہیں اور یہ تباہ کن ہے، مزدور کسان اور سیاسی قیادت کو اکٹھے کرنے جا رہے ہیں۔ جو اس وقت خیبر پختونخوا اور بلوچستان میں چل رہا یے انتہائی تشویشناک ہے۔
پی ٹی آئی رہنما کا کہنا تھا کہ اگر پراکسی وار شروع ہو گئی تو خدانخواستہ کہاں جائیں گے؟
.ذریعہ: Jang News
کلیدی لفظ: کا کہنا تھا کہ نواز کھوکھر
پڑھیں:
’تم خود غرض ہو دوسروں کے خاندان بیچ رہے ہو‘: رجب بٹ کی پھر فہد مصطفیٰ پر تنقید
رجب بٹ نے ایک بار پھر فہد مصطفیٰ پر تنقید کرتے ہوئے کہا ہے کہ سینئر وہی ہوتا ہے جو خود کو قابلِ عزت بنائے، عزت کرو گے تو عزت ملے گی۔
مشہور پاکستانی یوٹیوبر اور ڈیجیٹل کری ایٹر رجب بٹ ایک بار پھر خبروں کی زینت بن گئے، وہ اپنے متنازع بیانات کی وجہ سے اکثر تنقید کی زد میں آتے ہیں، خصوصاً حالیہ دنوں میں اداکار و میزبان فہد مصطفیٰ کے خلاف دیے گئے بیانات کے بعد ان پر خاصی تنقید کی گئی۔
رجب بٹ کو ان کے پرفیوم 295 کے نام پر ہونے والی بحث کے بعد سخت عوامی ردِ عمل کا سامنا کرنا پڑا، اس وقت وہ ملک سے باہر موجود ہیں۔
حال ہی میں انہوں نے دبئی کی معروف پوڈکاسٹ میں شرکت کی، جہاں انہوں نے فہد مصطفیٰ سے متعلق اپنے متنازع بیان کی وضاحت کی اور ساتھ ہی اداکار کو ایک مشورہ بھی دیا۔
رجب بٹ نے کہا کہ سینئر وہی ہوتا ہے جو خود کو قابلِ عزت بنائے، عزت کرو گے تو عزت ملے گی، اگر میں کسی نویں جماعت کے طالب علم کو کچھ برا بولوں گا تو وہ مجھے وہیں چپ کرا دے گا، سینئرز کو سینئرز کی طرح برتاؤ کرنا چاہیے، بس اتنی سی بات ہے، میرے دادا کہتے تھے کہ سینئرز کی سب سے بڑی خوشی یہ ہوتی ہے کہ وہ اپنے جونیئرز کی کامیابی کو دیکھیں، تمہیں تسلیم کرنا چاہیے کہ ہم آ چکے ہیں۔
انہوں نے کہا کہ ہر کوئی اپنے خاندان کو بیچ رہا ہے، تم خود غرض ہو کیونکہ تم دوسروں کے خاندان بیچ رہے ہو، اگر ڈرامے ٹی وی چینلز پر ہٹ ہیں تو تم انہیں اپنے یوٹیوب چینلز پر کیوں اپ لوڈ کرتے ہو جن کے 60 ملین سبسکرائبرز ہیں؟ اگر تم یہ کرو تو یہ تمہارا کام ہے، اگر ہم کریں تو ہم خاندان بیچ رہے ہیں؟ مجھے فہد مصطفیٰ پہلے جیتو پاکستان کی وجہ سے اچھے لگتے تھے، میں نے کبھی ان کے ڈرامے نہیں دیکھے کیونکہ میں ڈرامہ دیکھنے والا نہیں ہوں، لیکن ان کے اُس بیان کے بعد میں نے ان کی عزت کھو دی۔
پوڈکاسٹ میں رجب بٹ نے فہد مصطفیٰ کو مشورہ دیتے ہوئے کہا کہ میں فہد مصطفیٰ کو کیا مشورہ دوں؟ جب بھی کوئی جونیئر تمہیں نظر آئے، اسے سراہو، بجائے اس کے کہ اسے نیچا دکھا کر اپنی ہی نظر میں اپنی عزت کھو بیٹھو۔
رجب بٹ کا یہ بیان سوشل میڈیا پر ایک بار پھر موضوعِ بحث بن گیا ہے۔
کچھ صارفین ان کی جرأت کو سراہ رہے ہیں، تو کچھ ان کے لہجے اور انداز پر تنقید کر رہے ہیں۔
فہد مصطفیٰ کی جانب سے اس بیان پر تاحال کوئی ردِ عمل سامنے نہیں آیا ہے۔
Post Views: 3
کراچی میں ٹارگٹڈ آپریشن کے دوران تحریک طالبان پاکستان کا دہشتگرد گرفتار