این سی ایچ ڈی ڈیرہ اور ریڈ فائونڈیشن کے تعاون سے تحصیل پروآکے گائوں لنڈہ شریف اور گائوں روڑہ میں دو خواندگی مراکز کا افتتاح
اشاعت کی تاریخ: 21st, January 2025 GMT
این سی ایچ ڈی ڈیرہ اور ریڈ فائونڈیشن کے تعاون سے تحصیل پروآکے گائوں لنڈہ شریف اور گائوں روڑہ میں دو خواندگی مراکز کا افتتاح WhatsAppFacebookTwitter 0 21 January, 2025 سب نیوز
ڈیرہ اسماعیل خان( محمد ریحان) این سی ایچ ڈی ڈیرہ اسماعیل خان اور ریڈ فائونڈیشن کے تعاون سے تحصیل پروآکے گائوں لنڈہ شریف اور گائوں روڑہ میں دو خواندگی مراکز کا افتتاح کیا گیا، این سی ایچ ڈی ڈیرہ کی طرف سے ڈپٹی ڈائریکٹر محبوب عالم خان میانخیل ، اسسٹنٹ ڈائریکٹر عاصمہ صدف، ایم آئی ایس آفیسر محمد عبداللہ خان اور دیگر سٹاف نے شرکت کی
جبکہ ریڈ فائونڈیشن کی جانب سے سی ای او نعیم الحسن قریشی اور دیگر سٹاف نے شرکت کی ، خواندگی مراکز کا افتتاح گائوں لنڈا شریف کے ملک ہاشم اور ڈپٹی ڈائریکٹر این سی ایچ ڈی محبوب عالم خان میانخیل نے مشترکہ طور پر فیتہ کاٹ کر کیا، اس موقع پر اسسٹنٹ ڈائریکٹر عاصمہ صدف نے اپنے خطاب میں کہا کہ ایک عورت کے خواندہ ہونے کا مطلب ایک خاندان کا خواندہ ہونا ہے اور علاقہ کی خواتین کیلئے یہ ایک موقع ہے کہ وہ اس سے بھرپور فائدہ حاصل کریں ، ریڈ فائونڈیشن کے سی ای او نعیم الحسن قریشی نے ڈپٹی ڈائریکٹر این سی ایچ ڈی محبوب عالم میانخیل اور اے ڈی عاصمہ صدف کی ان کاوشوں کو سراہا کہ ان کی محنت سے ان خواندگی مراکز کا قیام عمل میں آیا اور مستقبل میں بھی وہ ایسے کاموں کو جاری رکھیں گے ۔
.ذریعہ: Daily Sub News
کلیدی لفظ: سی ایچ ڈی ڈیرہ
پڑھیں:
پولیس ٹریننگ سکول ڈیرہ کو بہترین ٹریننگ سکول بنائینگے،علی امین گنڈا پور
پولیس ٹریننگ سکول ڈیرہ کو بہترین ٹریننگ سکول بنائینگے،علی امین گنڈا پور WhatsAppFacebookTwitter 0 21 January, 2025 سب نیوز
ڈیرہ اسماعیل خان( محمد ریحان )وزیراعلی خیبرپختونخواہ سردار علی امین گنڈہ پور نے کہا ہے کہ پولیس ٹریننگ سکول ڈیرہ کو بہترین ٹریننگ سکول بنائینگے، صوبے کے دیگر پولیس ٹریننگ سکولوں کو بھی بہتر بنائینگے، جلد مزید بھرتی کرنی ہے، جلد لوگوں کو فیلڈ میں لائینگے ، پولیس کی 9ماہ کی ٹریننگ کو 3ماہ تک لائینگے ،پولیس کی ٹریننگ ، سہولیات اور مرعات میں ہماری حکومت کوئی کثر نہیں چھوڑ رہی ، شہدا کے بچوں کو ہم نے بروقت ان کو انکا حق دے دیا ہے یہ ہمارے لئے فخر کی بات ہے، ترقیوں کے مسئلے پر بھی میرٹ کی پالیسی کیلئے ہم نے ہدایات دے رکھی ہیں ، ان خیالات ڈیرہ اسماعیل خان میں پولیس ٹریننگ سکول کے افتتاح کے موقع پر تقریب سے خطاب کرتے ہوئے کیا
تقریب میں ایڈیشنل آئی جی ٹریننگ اختر عباس ، ڈسٹرکٹ پولیس آفیسر ڈیرہ سجاد احمد صاحبزادہ ، پی ٹی آئی کے فوکل پرسن برائے ترقیات نواز خان ،ایس پی طیب جان سمیت پولیس کے اعلی افسران و جوانان موجود تھے، وزیراعلی خیبرپختونخواہ کی آمدپر ان کا ایڈیشنل آئی جی ٹریننگ اختر عباس اور ڈی پی او ڈیرہ سجاد احمد صاحبزادہ نے شاندار استقبال کیا، بچوں نے ان کو گلدستے پیش کئے، پولیس ٹریننگ سکول کی نقاب کشائی کرکے افتتاح کیا گیا، وزیراعلی خیبرپختونخواہ نے نئے قائم ہونیوالے پولیس ٹریننگ سکول کے مختلف حصوں کا معائنہ کیا، اس موقع پر زیر تربیت پولیس جوانوں نے موک ایکسرسائز پیش کی ،وزیراعلی خیبرپختونخواہ سردار علی امین گنڈہ پور نے کہا کہ مجھے خوشی ہے کہ ہمارا تعلق خیبرپختونخواہ سے ہے جس کے اوپر پوری دنیا کی نظریں ہیں ،ہمارا لمبا بارڈر ہے صوبے میں امن قائم کرنا ہمارے لئے ایک بڑا چیلنج ہے
ہمیں تمام شہدا اور غازیوں پر فخر ہے کہ جنہوں نے اپنی جانوں کے نظرانے پیش کئے اور ہمارے اور قوم کے بچوں کے مستقبل کو محفوظ بنایا ،غازیوں پر بھی فخر ہے کہ وہ ان مشکل حالات میں بھی اپنے صوبہ، اپنے ملک کیلئے بہادری سے مقابلہ کررہے ہیں ، اور ایسے لوگوں کا مقابلہ کر رہے ہیں جو سپر پاور کو شکست دے چکے ہیں ، انہوں نے کہا کہ بعض اوقات خیبرپختونخواہ کا موازنہ دیگر صوبوں کے امن سے کیا جاتاہے جیسے ان صوبوں میں کچے کے ڈاکوئوں کیساتھ موازنہ کیا جاتا ہے اس میں کافی فرق ہے، جن لوگوں نے سپر پاور کو شکست دی لیکن الحمد اللہ وہ لوگ اب تک ہماری فورسز کو شکست نہیں دے سکے، پولیس امن کے قیام میں بنیادی کردار ادا کررہی ہے جوکہ ہمارے لئے فخر ہے۔سردار علی امین خان گنڈہ پور نے مزید کہاکہ جب سے ہماری حکومت آئی ہے ہمارے سامنے پولیس کے حوالے سے جو بھی مسائل سامنے آئے ہیں ہم نے دل کھول کر ان مسائل کو حل کیا ہے، پولیس کو جتنی زیادہ سہولیات ہم دینگے وہ بہتر ماحول میں اپنے فرائض سرانجام د ینگے، اگلے دو ماہ کے اندر پولیس کی سہولیات اور حفاظت کیلئے سامان پہنچ جائیگا اور کچھ سامان پہنچ چکا ہے، پولیس کے پاس بلٹ پروف گاڑیاں نہیں تھیں لیکن پولیس دہشتگردوں کا مقابلہ کررہی تھی میں نے سوچا کہ اگر وزیراعلی بلٹ پروف گاڑی میں گھومتا ہے تو پولیس کے جوانوں کے پاس بھی ہونی چاہیئں،جس کا آغاز ڈیرہ اسماعیل خان سے ہوچکا ہے، رواں ماہ پولیس کیلئے ایسی جدید گاڑیاں فراہم کی جائیں گی جس طرح صوبے کا وزیراعلی اور وزرا جن گاڑیوں میں سفرکرتے ہیں ، پولیس موبائل بھی بلٹ پروف نہیں ہیں جس کی وجہ سے جانی نقصان زیادہ ہوتاہے، رواں ماہ 30پولیس موبائل بلٹ پروف کی جارہی ہیں جبکہ جلد مزید130پولیس موبائلز کو بلٹ پروف کر دیا جائیگا، پولیس کے پاس جزبہ ہے لیکن سہولیات کی کمی ہے، انشا اللہ جزبہ کیساتھ ساتھ پولیس کو جدید سہولیات سے آراستہ کرینگے۔
حزب اللہ کے حامی امام کا ٹرمپ کی تقریب حلف برداری میں شرکت کا اعلان