پاکستان غزہ میں بحالی اور تعمیر نو کے عمل میں اپنا کردار ادا کریگا: وزیراعظم
اشاعت کی تاریخ: 21st, January 2025 GMT
اسلام آباد(ڈیلی پاکستان آن لائن )وزیراعظم شہباز شریف نے کہا ہے کہ غزہ میں بحالی اور تعمیر نو کے عمل کے لئے پاکستان اپنا کردار ادا کرےگا۔
نجی ٹی وی جیو نیوز کے مطابق وفاقی کابینہ کے اجلاس میں اظہار خیال کرتے ہوئے وزیراعظم نے کہا کہ غزہ میں بہت خونریزی کے بعد جنگ بندی ہوئی، 50 ہزارسے زائد فلسطینیوں کو شہید کیا گیا۔
وزیراعظم نے کہا کہ غزہ میں شہید ہونے والوں میں زیادہ تعداد بچوں اور خواتین کی ہے، غزہ میں بحالی اور تعمیر نو کے عمل کے لئے پاکستان اپنا کردار ادا کرےگا۔
ملکی حالات پر بات کرتے ہوئے شہباز شریف کا کہا تھا کہ قتل و غارت کا بازار گرم کرنے والے پاکستان کے صریحاً دشمن ہیں، ملک دشمن نہیں چاہتے گوادر بندرگاہ فعال ہو، گوادر ایئر پورٹ سے پاکستان کی معیشت کو فائدہ ہوگا۔
انہوں نے مزید کہا کہ عالمی بینک کے ساتھ شراکت داری کا فیصلہ کیا ہے،آئی ٹی ایکسپورٹس میں بتدریج اضافہ خوش آئند ہے۔
لاہور: شادی سے بچنے کیلئے نوجوان نے کیا کیا ؟ عجیب و غریب واقعہ
مزید :.ذریعہ: Daily Pakistan
پڑھیں:
پاکستان خوشحالی کی جانب گامزن، تمام اشاریے خوش آئند ہیں، وزیراعظم محمد شہباز شریف
وزیراعظم محمد شہباز شریف نے کہا ہے کہ پاکستان خوشحالی کی جانب گامزن ہے۔ تمام اشاریے خوش آئند ہیں، درست راستے پر قائم رہیں گے تو معیشت مضبوط ہوگی۔ فتنہ الخوارج کے حوالے جو کاوشیں جاری ہیں وہ قابل ستائش ہیں، پاکستان کے عوام شہدا کے شکر گزار ہیں ان کا قرض نہیں اتارا جاسکتا، شہدا کی قربانیوں کی جتنی تعظیم کی جائے کم ہے۔
وزیراعظم محمد شہباز شریف نے وفاقی کابینہ اجلاس میں گفتگو کرتے ہوئے کہا کہ 50 ہزار سے زائد فلسطینی غزہ میں شہید ہوئے جن میں خواتین اور بچے بھی شامل ہیں۔ وہاں شہر کے شہر تباہ ہوئے، پاکستان نے ہمیشہ غزہ میں جنگ بندی کے لیے آواز اٹھائی۔ ریلیف کے لیے امدادی سامان بھی بھیجا ہے، ہم اپنا فرض ادا کریں گے۔
ان کا کہنا تھا کہ گوادر ایئرپورٹ کا باضابطہ افتتاح کردیا گیا ہے، یہ منصوبہ چین کے 2 سو 30 ملین ڈالر کی گرانٹ سے مکمل ہوا۔ پاکستان کے بڑے ایئر پورٹس میں گوادر ایئر پورٹ کا شمار ہوگا۔ چین نے اپنے وسائل سے تحفتاً یہ ایئر پورٹ تعمیر کیا۔ گوادر ایئر پورٹ پاکستان کی ترقی اور خوشحالی میں سنگ میل کی حیثیت رکھتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
3 کروڑ روپے تک کا قرضہ بلا سود ملے گا: وزیرِ اعلیٰ پنجاب مریم نواز