مشہور امریکی اداکار نے لاس اینجلس میں خودکشی کرلی
اشاعت کی تاریخ: 21st, January 2025 GMT
لاس اینجلس میں مقیم مشہور امریکی اداکار فرانسسکو سان مارٹن نے خودکشی کرلی ہے۔
39 سالہ اداکار مشہور ٹی وی ڈرامہ ’’ڈیز آف اوور لائف‘‘ میں اپنے کردار سے شہرت حاصل کی تھی۔
لاس اینجلس کاؤنٹی کورونر کے دفتر کے مطابق مارٹن کی موت خود کو پھانسی لگانے سے واقع ہوئی ہے۔
مونٹانا میں پرورش پانے والے مارٹن نے اپنے کیریئر کا آغاز بچوں کے تھیٹر پروڈکشنز میں اداکاری سے کیا تھا۔
وہ نوعمری میں میڈرڈ واپس آئے جہاں انھوں نے ماڈل کے طور پر کام کیا اور اداکاری کی کلاسز لیں۔ گریجویشن کے بعد وہ اسپین میں اسٹیج، ٹی وی اور فلمی پروڈکشنز میں بھی نظر آئے۔
.ذریعہ: Express News
پڑھیں:
شوٹنگ پر نہ پہنچنے والے نامور بھارتی اداکار کی لاش فلیٹ سے برآمد
بھارت کے مشہور ٹی وی اور مراٹھی فلموں کے اداکار یوگیش مہاجن کو دل کا دورہ پڑنے کی وجہ سے انتقال کر گئے۔
44 سالہ یوگیش اپنے جاری ڈرامے "شیو شکتی: تپ، تیاگ، تانڈو" میں اپنی اداکاری کے لیے مشہور تھے۔ وہ اپنے اومرگاؤں کے فلیٹ میں بے ہوش پائے گئے جب وہ شوٹنگ کے لیے نہیں پہنچے۔ اسپتال لے جانے پر ڈاکٹروں نے انہیں مردہ قرار دیا۔
یوگیش مہاجن کی اچانک موت سے ان کے ساتھی اداکار، مداح، اور انڈسٹری کے لوگ صدمے میں ہیں۔ ان کی ساتھی اداکارہ اکنگشا راوت نے اپنے جذبات کا اظہار کرتے ہوئے کہا، "یوگیش کا زندہ دل رویہ اور مزاح ہر کسی کو پسند تھا۔ یہ یقین کرنا مشکل ہے کہ وہ ہمارے درمیان نہیں رہے۔"
یوگیش نے مراٹھی فلموں جیسے "ممبئیچے شاہانے" اور "سمسارچی مایا" میں بھی شاندار اداکاری کی اور اپنی صلاحیتوں کی بدولت ایک بڑی مداحوں کی تعداد حاصل کی۔ ان کی موت نے انڈسٹری اور ان کے چاہنے والوں کے دلوں میں ایک خلاء چھوڑ دیا ہے۔
یوگیش اپنے پیچھے اپنی بیوی اور سات سالہ بیٹے کو چھوڑ گئے ہیں۔ ان کی آخری رسومات 20 جنوری 2025 کو بوریولی ویسٹ، ممبئی کے پرگتی ہائی اسکول کے قریب گوراری-2 شمشان گھاٹ میں ادا کی جائیں گی۔
ٹرمپ کا عہدہ سنبھالنے کے بعد ٹک ٹاک پر پابندی معطل کرنے پر غور