انڈین ٹیم کا اپنی جرسیوں پر ’پاکستان‘ لکھنے سے انکار، نیا تنازعہ کھڑا ہوگیا
اشاعت کی تاریخ: 21st, January 2025 GMT
پاکستان کی میزبانی میں اگلے ماہ ہونے والی چیمپیئنز ٹرافی میں انڈیا نے ایک نیا تنازعہ کھڑا کردیا ہے جس کے بعد اسے سیاست کے زیر اثر کھیلوں کو متنازعہ بنانے پر تنقید کا نشانہ بنایا جارہا ہے۔
بھارتی میڈیا کی رپورٹس کے مطابق انڈین کرکٹ بورڈ نے بھارتی ٹیم کی چیمپیئنز ٹرافی کے دوران پہننے والی جرسیوں پر میزبان ملک پاکستان کا نام لکھنے سے انکار کردیا ہے۔
میڈیا رپورٹ کے مطابق انڈیا سیاست کو کرکٹ میں لارہا ہے جو کھیلوں کے لیے ٹھیک نہیں۔ پہلے انہوں نے پاکستان آنے سے انکار کردیا، پھر اپنے کپتان کو پاکستان بھیجنے پر راضی نہیں ہوئے اور اب رپورٹس آئی ہیں کہ وہ میزبان ملک کا نام اپنی جرسیوں پر لکھنے کو بھی تیار نہیں۔
یہ بھی پڑھیے:چیمپیئنز ٹرافی: انڈیا نے اسکواڈ کا اعلان کردیا، کن اہم کھلاڑیوں کی واپسی ہوئی؟
اس سے قبل انڈیا نے ایونٹ سے قبل میں پاکستان میں ہونے والے میچز کھیلنے سے انکار کرکے ہائبرڈ ماڈل پر اصرار کیا تھا جس کی وجہ سے ایونٹ کے شیڈول کے اعلان میں تاخیر ہوتی رہی اور انڈیا کے میچز دبئی میں رکھنے کا فیصلہ کیا گیا۔
اس کے بعد بھارت نے پاکستان میں ہونے والی ’کیپٹنز میٹنگ‘ میں ٹیم کے کپتان روہت شرما کو بھیجنے سے بھی انکار کردیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
champions trophy india JERSY انڈیا جرسی چیمپیئنز ٹرافی.ذریعہ: WE News
کلیدی لفظ: انڈیا چیمپیئنز ٹرافی چیمپیئنز ٹرافی سے انکار
پڑھیں:
سلیمان خیل قبیلے کے زمینی تنازعہ کو حل کیا جائے، سردار ناصر خان
سلیمان خیل قبیلے کے زمینی تنازعہ کو حل کیا جائے، سردار ناصر خان WhatsAppFacebookTwitter 0 12 April, 2025 سب نیوز
علاقے میں سکول، ہسپتال، سڑکوں سمیت بنیادی ضروریات پوری کی جائیں، الحاج عجب خان
اسلام آباد() سلمان خیل قومی تحریک پاکستان کےرہنماؤں نے وزیر اعظم پاکستان میاں محمدشہباز شریف اور آرمی چیف جنرل حافظ عاصم منیر سے پرزور مطالبہ کیا ہے کہ سلیمان خیل قبیلے کے آبائی علاقے گل کچھ سمبازہ زرہ ڈگری تحصیل قمر الدین کازیرمیں انکے زمینی تنازعہ کو حل کیا جائےاور وہاں
پرسکول، ہسپتال ، روڈ ز اور بنیادی ضروریات کو پورا کیا جائے اور اس حوالے سے آرمی چیف کی سربرای میں ایک کمیٹی تشکیل دی جائے ،بصورت دیگر عید کے بعد ژوب میں سلیمان خیل علی خیل قبائل کے گرینڈ جرگے بلانے پر مجبور ہونگے، سلمان خیل قومی تحریک پاکستان کےسربراہ سردار ناصر خان، مرکزی وائس چیئرمین الحاج عجب خان، عطا اللہ سلمان خیل، عالم خان ، و دیگر نے نیشنل پریس کلب اسلام آباد میں پریس کانفرنس کرتے ہوئے کیا،
سردار ناصر خان سلیمان خیل قومی تحریک کے سر براہ سردار ناصر خان سلیمان خیل نے پریس کا نفرنس کرتے ہوئے کہا کہ ہمارے علاقوں میں کچھ قبائل نے قومی مارشل لاء لگا رکھا ہے جس میں انہوں نےہمارے راستے بند کر رکھے ہیںاور تمام ترسرکاری وسائل ہمارے خلاف استعمال کر رہے ہیں، ہمارے آبائی علاقے گل کچھ سمبازہ لہڑی زرہ ڈگری جو کہ افغان بارڈر کے نزدیک واقع ہے کو گزشتہ 75 سالوں سے میں زندگی کی تمام بنیادی ضروریات سے محروم رکھا ہے، ہمیں ایک قبیلہ نے تعصب کی بنیاد پر بنیادی ضروریات زندگی مثلا” سکول ،ہسپتال، صاف پانی اور سڑکوںسے محروم کر رکھا ہے، کیونکہ ایم این اے ، ایم پی اے علاقے میں ووٹ لینے کے لئے تو آتے ہیں لیکن منتخب ہو کر ایک قبیلہ کی بلیک میلنگ سے کوئی کام نہیں کراتے، ان لوگوں کا بیورو کریسی میںبہت زیادہ اثر و رسوخ ہے،
اس موقع پرمرکزی وائس چیئرمین الحاج عجب خان نے کہاں کہ ہمارے قبیلے سلیمان خیل علی خیل قبائل کے لوگ 75 سالوں سے ذاتی دشمنیوں، بیروزگاری، امن وامان کی وجہ سے اپنے علاقے چھوڑ کر پنجاب سندھ و دیگر علاقوں میں آباد ہوگئے جنہوں نے شناختی کارڈ بھی انہی ضلعوں میں بنالئے ہیں ،انہوں نے مزید کہا کہ ہم نے ہرممکن کوشش کی کہ زمینوں کا مسئلہ قبائلی جرگوں و ضلعی سطحوں پر ہر حل ہوتاہم مخالف قبیلے میں سے کوئی بھی یہ ماننے کیلئے تیار نہیں ہے،سلیمان خیل قوم نے ہمیشہ وطن عزیز کی سالمیت اور دفاع کے لئے بغیر تنخواہ کے بہت ساری خد ما ت سر انجام دی ہیں جو کسی سے بھی ڈکی چھپی نہیں ہیں
لہذاٰ ہم وزیر اعظم پاکستان میاں محمدشہباز شریف اور آرمی چیف جزل حافظ عاصم منیر سے پرزور مطالبہ کرتے ہیں کہ آرمی چیف کی زیر نگرانی ایک کمیٹی بنائی جائے جس میں سلیمان خیل قبیلے کے آبائی علاقے گل کچھ سمبازہ زرہ ڈگری تحصیل قمر الدین کا زیر میں ہمارے زمینی تنازعہ کو حل کیا جائے اور وہاں پر سکول، ہسپتال ، روڈ ز اور بنیادی ضروریات زندگی فراہم کی جائیں بصورت دیگر ہم عید کے بعد ژوب میں سلیمان خیل علی خیل قبائل کے گرینڈ جرگے بلانے پر مجبور ہونگے۔
جڑانوالہ، بس اور رکشہ میں تصادم، ایک ہی خاندان کے 8 افراد سمیت 11 جاں بحق