Daily Ausaf:

اہل غزہ کی بے مثال جرات اور شجاعت کو سلام

اشاعت کی تاریخ: 21st, January 2025 GMT

اہل غزہ نے تاریخ انسان میں صبر واستقامت اور ظالم کے سامنے نہ جھک کر اپنے خون سے ایک نئی بےمثال تاریخ رقم ہے۔ اسرائیل کی وحشیانہ بربریت کے سامنے ثابت قدمی کی عظیم ترین تاریخ مثال اہل غزہ نے اپنے لہو اور قربانی سے قائم کی ہے تاریخ نے شاذ و نادر ہی ایسا واقعہ دیکھا ہے کہ ایک چھوٹا سا شہر پوری دنیااور عالمی طاقتوں کے ظلم سے گھبرائے بغیرثابت قدم رہا۔ غزہ، نے اپنی بےمثال ہمت کےساتھ، مظلومیت اور مزاحمت کی ایک نئی داستان تحریر کردی ہے۔ اسرائیل کی جانب سے غزہ پر ہونے والے غیر انسانی مظالم، جنہیں امریکہ، برطانیہ اور یورپی ممالک کی 15 ماہ مکمل حمایت حاصل رہی اور مسلم دنیا کی خاموشی انسانی تاریخ کے تاریک ترین ابواب میں شامل ہو چکے ہیں۔پندرہ ماہ سے زیادہ عرصے سے غزہ مسلسل بمباری کا نشانہ بنا رہا ہے۔ اسرائیلی فضائی حملوں نے گھروں، سکولوں، مساجد، چرچوں، اور ہسپتالوں کو ملبے میں بدل دیا ہے۔ اس بربریت اور مجرمانہ مہم نے 46,000 سے زیادہ بے گناہ جانوں کو قتل کر دیا، جن میں عورتیں، بچے، اور بوڑھے شامل ہیں، جبکہ ہزاروں لوگ معذور اور یتیم ہو چکے ہیں۔ پورے کے پورے خاندان صفحہ ہستی سے مٹا دئیے گئے ہیں لیکن دنیا خاموش اور بے شرم تماشائی بنی رہی ، جبکہ اسرائیل نے ایک سخت محاصرہ نافذ کئے رکھا ، جس نے غزہ کے باشندوں کو کھانے، دوائیوں، اور زندگی کی بنیادی ضروریات سے محروم کر دیا ۔ ڈاکٹرز اور صحافی، جو زخموں کا علاج کرتے اور سچائی کو سامنے لاتے ہیں، گرفتار کر لئے گئے، خاموش کر دئیے اور کئی قتل کردئیے گئے اور باقی دہشت زدہ کئے جاتے رہے ہیں۔
یہ محاصرہ غزہ کو بھوکا، زخمی اور غمزدہ کرتا رہاہے، مگر غزہ کے دلیر اور غیور بچے جوان اور بوڑھےثابت قدمی کی چٹان بنے رہے۔اس انسانی المیے کی تاریخ بے مثال ہے۔ یہ صرف ایک تنازعہ نہیں، بلکہ نسل کشی ایک منظم طریقے سے ایک قوم کو ختم کرنے کی کوشش، جو عالمی برادری کی نظروں کے سامنے ہوتی رہی ہے۔ وہ عالمی طاقتیں جو انسانی حقوق اور جمہوریت کے علمبردار ہونے کا دعویٰ کرتی ہیں، نہ صرف خاموش بلکہ اس بربریت کی حمایت کرتی رہی ہیں۔ یہ کھلا تضاد ہےکہ وہی ممالک جو انصاف اور آزادی کی بات کرتے ہیں، غزہ کے معصوم لوگوں پرظلم کی پشت پناہی کرتے رہے۔پھر بھی، غزہ کی ہمت امید کی مانند چمکتی رہی ہے۔
دنیا غزہ کے حوصلے کے سامنے کتنی چھوٹی نظر آتی ہے! اتنے بڑے مظالم کے باوجود، غزہ کے لوگوں نے انسانی تاریخ کا ایک نیا باب رقم کیا ہے۔ ان کی ثابت قدمی اور قربانی ہمیں انصاف، ایمان، اور ہمت کی طاقت کا احساس دلاتی ہے۔یہ سانحہ صرف غزہ پر حملہ نہیں بلکہ انسانیت کے اجتماعی ضمیر پر ایک داغ ہے۔ یہ ظاہر کرتا ہے کہ جب طاقت ہمدردی پر غالب آ جائے اور جغرافیائی مفادات انسانی زندگی پر حاوی ہو جائیں تو جدید دور کے اصول اور اقدار کتنے کھوکھلے ہیں مگر غزہ اب بھی کھڑا ہے۔ ہرگرنے والے بم، ہر سخت ہوتی پابندی، اور ہر کھوئی ہوئی جان کے ساتھ، غزہ کا حوصلہ اور مضبوط ہوتا رہا ہے۔ یہ دنیا کو یاد دلاتا ہے کہ زمین کا سب سے چھوٹا کونہ بھی، اگر ثابت قدم رہے، تو سب سے بڑے ظالموں کو چیلنج کر سکتا ہے۔غزہ کے لوگ مظلوم ہی نہیں، بلکہ شجاعت کے ہیرو ہیں، جو آزادی، عزت، اور انصاف کے لیے کھڑے ہیں۔ سوال یہ ہے کہ کیا دنیا ان کی پکار سننے کے لیے جاگے گی یا تاریخ اس دور کو انسانیت کی ناکامی کے طور پر یاد رکھے گی؟
اے غزہ کے عظیم لوگو، تمہاری ثابت قدمی نے دنیا کو متاثر کیا ہے۔ نسل کشی اور ظلم کے مقابلے میں، تم نے ہمیں مزاحمت اور عزت کا مطلب سکھایا ہے۔ اللہ کرے کہ تمہاری ہمت انصاف کا راستہ روشن کرے اور تاریخ غزہ کو اس کی جرات کے لئے ہی نہیں بلکہ اس کی بے مثال جدوجہد کے لیے یاد رکھے۔ 15 ماہ کے ظلم و قتل غارت سے مجرم اسرائیل اور اس کے بے ضمیر حمایت خود تھک کر سیز فائر پر مجبور ہوئے اور ذلت و ظلم کا نمونہ بن کر رہ گئےجب کہ اہل غزہ شجاعت کا افتخار بن گئے۔

.

ذریعہ: Daily Ausaf

کلیدی لفظ: کے سامنے اہل غزہ غزہ کے

پڑھیں:

چین : تاریخ کی بدترین آندھی، 800 سے زائد پروازیں منسوخ، درخت جڑوں سے اکھڑ گئے

بیجنگ (اوصاف نیوز)چینی دارلالحکومت بیجنگ سمیت شمالی حصوں میں تاریخ کا بدترین طوفان،طوفانی ہواؤں کے باعث سینکڑوں پروازیں منسوخ ، ریل سروس بھی معطل کر دی گئی۔

انٹرینشل خبر رساں ادارے روئٹرز کے مطابق سنیچر کی صبح دارالحکومت کے دو بڑے ہوائی اڈوں پر 838 پروازیں منسوخ کی جا چکی تھیں جبکہ اس میں اضافے کا امکان ہے۔

یاد رہے کہ چین میں ہواؤں کی رفتار 93 میل فی گھنٹہ (150 کلومیٹر فی گھنٹہ) تک پہنچ گئی ہے جو گذشتہ نصف صدی میں بیجنگ میں ریکارڈ کی جانے والی سب سے تیز رفتار طوفانی ہوائیں ہیں۔

یہ بھی یاد رہے کہ بیجنگ نے 10 سال بعد پہلی بار تیز ہواؤں کے لیے اورنج الرٹ جاری کیا ہے جبکہ سنیچر کو تیز ہواؤں کے جھکڑ چلنے کی پیش گوئی کی گئی ہے جس کے باعث سیاحتی اور تاریخی مقامات عارضی طور پر بند کر دیئے گئے ہیں۔

واضح رہے کہ چین میں ہوا کی رفتار کو ایک سے 17 کے پیمانے پر ناپا جاتا ہے۔ چین کے محکمہ موسمیات کے مطابق سطح 11 تک کی ہوا ’سنگین نقصان‘ پہنچا سکتی ہے جبکہ 12 اور اس سے اوپر کی سطح پر ہوا ’انتہائی تباہی‘ کا باعث بن سکتی ہے۔چین میں ہفتے کے اختتام پر ہواؤں کی سطح 11 سے 13 کے درمیان رہنے کی توقع ہے۔

اس الرٹ کے پیش نظر ملازمین کو جلدی گھر چلے جانے کو کہا گیا جبکہ تعلیمی عمل معطل کیا گیا اور کھلی جگہ ہونے والی تقاریب منسوخ کر دی گئی ہیں۔شمالی چین میں سنیچر اور اتوار کو ایسی شدید ہوائیں چلنے کا الرٹ دیا گیا جو انسان تک کو اپنے ساتھ اڑا لے جا سکتی ہیں۔

چین میں حکام نے لاکھوں لوگوں کو گھروں کے اندر رہنے کی تاکید کی ہے جبکہ کچھ سرکاری ذرائع ابلاغ نے متنبہ کیا ہے کہ ان ہواؤں میں 50 کلوگرام سے کم وزن والے لوگ باآسانی ’ہوا میں اڑا سکتے ہیں۔‘

حکام کا کہنا ہے کہ منگولیا سے جنوب مشرق کی طرف بڑھنے والے ایک سرد بھنور کی وجہ سے 150 کلومیٹر فی گھنٹہ کی رفتار سے چلنے والی ہوائیں بیجنگ، تیانجن اور ہیبی کے علاقے کے دیگر حصوں کو اپنی لپیٹ میں لیں گی۔

یہی وجہ ہے کہ ایک دہائی میں پہلی بار، بیجنگ نے آندھی کیلئے اورنج الرٹ جاری کیا ہے جو کہ چار درجہ موسمی انتباہی سسٹم میں دوسرا سب سے خطرناک درجہ ہے۔

سال کے اس وقت منگولیا کی جانب سے تیز ہوائیں چلنا کوئی غیر معمولی بات نہیں ہے لیکن خدشہ ہے کہ اس بار یہ ہوائیں علاقے میں برسوں میں دیکھی جانے والی کسی بھی چیز سے زیادہ تیز ہوں گی۔

حکام نے بتایا کہ سنیچر کو جب تیز ہوائیں آئیں گی تو بیجنگ میں 24 گھنٹوں کے اندر درجہ حرارت میں 13 ڈگری سینٹی گریڈ کمی کا امکان ہے۔بیجنگ کی موسمیاتی سروس نے کہا ہے کہ ’یہ انتہائی تیز ہوائیں ہیں، طویل عرصے تک چلتی ہیں اور وسیع علاقے کو متاثر کرتی ہیں اور یہ انتہائی تباہ کن ہیں۔‘

جماعت اسلامی کے سابق نائب امیر پروفیسر خورشید احمد انتقال کرگئے