ایک اور محنت کش کچے کے ڈاکوؤں کے ہاتھوں اغوا، وِڈیو سامنے آگئی
اشاعت کی تاریخ: 21st, January 2025 GMT
کراچی:
ایک اور محنت کش کچے کے ڈاکوؤں کے ہاتھوں اغوا ہوگیا، جس پر شدید تشدد کرتے ہوئے ڈاکوؤں کی جانب سے تاوان کا مطالبہ کیا گیا ہے۔
پولیس نے 18 دسمبر 2024ء کو اغوا ہونے والے شخص کا مقدمہ شاہ لطیف ٹاؤن تھانے میں درج کرلیا۔ 19 جنوری کو درج کیے گئے مقدمے میں انسداد دہشت گردی کی دفعہ بھی شامل کی گئی ہے۔
مغوی کے قریبی رشتے دار کے مطابق محنت کش اللہ یار پیشے سے الیکٹریشن اور پنجاب کے شہر سرگودھا کا رہنے والا ہے جو ممکنہ طور پر الیکٹریشن کا بڑا کام دینے کے بہانے اغوا کیا گیا۔ اللہ یار کی رہائی کے لیے پہلے 60، پھر 50 اور اب 40 لاکھ روپے طلب کیے جارہے ہیں۔
مغوی کے بہنوئی محمد ریاض کے مطابق تاوان کی رقم کی عدم ادائیگی کی صورت میں اللہ یار کو قتل کیے جانے کی دھمکی بھی دی گئی ہے۔ اغوا کاروں نے اللہ یار کی پہلی وڈیو 21 دسمبر 2024ء کو بھیجی تھی اور اب پھر اغوا کاروں نے اللہ یار کی ایک اور وڈیو بھیجی ہے، جس میں اس کے جسم پر تشدد کے نشانات واضح ہیں۔
بہنوئی محمد ریاض نے بتایا کہ اللہ یار کو اغوا کار بہیمانہ تشدد کا نشانہ بنا رہے ہیں۔ اغوا سے متعلق پہلے روز ہی پولیس کو آگاہ کر دیا گیا تھا، تاہم ایف آئی آر اب درج کی گئی ہے۔ اغوا سے قبل اللہ یار نے دوستوں کو بتایا تھا کہ الیکٹریشن کا بڑا کام مل رہا ہے۔ کام کرنے اندرون سندھ جانے کا کہہ رہا تھا اور پھر وہ لاپتا ہوگیا۔
انہوں نے مزید بتایا کہ اللہ یار اپنی بیوہ ماں اور بیوہ بہن کا سہارا اور انتہائی غریب ہے۔ اللہ یار کی ماں کےپاس رِہائی کے لیے دینے کو کچھ بھی نہیں ہے۔ پولیس حکام سے اپیل ہے کہ اللہ یار کو جلد اور بحفاظت بازیاب کروایا جائے۔
واضح رہے کہ کراچی کے علاقے رضویہ سوسائٹی سے بھی کئی روز پہلے 3 نوجوان اغوا ہوچکے ہیں جب کہ مغویوں کی بازیابی میں پولیس تاحال ناکام دکھائی دیتی ہے۔
.
ذریعہ: Express News
کلیدی لفظ: اللہ یار کی
پڑھیں:
کراچی: بچے کا اغوا کے بعد قتل، زیادتی کی تصدیق
نارتھ کراچی میں ایک بچے صارم کے اغوا کے بعد قتل کیس کی ابتدائی پوسٹ مارٹم میں اس سے زیادتی کی تصدیق ہو گئی۔
سینیئر سپرنٹینڈینٹ پولیس انیل حیدر کے مطابق صارم کی گردن کی ہڈی ٹوٹی پائی گئی اورگلا دبا کرقتل کیا گیا۔
یہ بھی پڑھیں: کراچی: 11 روز سے لاپتا 8 سالہ بچے کی لاش کہاں سے ملی؟
یاد رہے کہ نارتھ کراچی سے لاپتا ہونے والے 7 سالہ صارم کی لاش 18 جنوری کو پانی کی ٹینکی سے ملی تھی۔
شک کی بنیاد پر بچے کے قریبی رشتے دار کو حراست میں لے کر اس کا ڈی این اے بھی کرایا جارہا ہے۔
پولیس سرجن کے مطابق بچے کے جسم پر مختلف زخموں کے نشانات بھی موجود تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
گھر کو آگ لگ گئی گھر کے چراغ سے