سجاول،بچے سے اجتماعی زیادتی کامقدمہ درج نہ ہوسکا
اشاعت کی تاریخ: 21st, January 2025 GMT
سجاول(نمائندہ جسارت) چند دن قبل سجاول سندھ میں دیوان شوگر ملز کے قریب بڈھو تالپر کے رہائشی ایک بچے ریاض پارہیڑی کو پانی کا کین پہنچانے کے بہانے غلام مصطفی جسکانی، ذیشان جسکانی سمیت تین افراد نے اپنے ساتھ لیکر دیوان شوگر ملز کے کمرے میں بند کرکے اس کے ہاتھ پائوں باندھ کر تینوں ملزمان نے اجتماعی زیادتی کا نشانہ بنایا تھا جس کی خبریں اور ویڈیوز مختلف ٹی وی چینلز پر نشر ہوئیں اور اخباروں میں بھی شائع کی گئیں۔ایس ایس پی سجاول نے اہل خانہ کی فریاد پر نوٹس لیتے ہوئے ایس ایچ او میرپوربٹھورو کو واقعے کی ایف آئی دائر کرنے کی ہدایت جاری کی مگر متاثرہ بچے کے اہل خانہ کا کہنا ہے کہ میر پور بٹھورو پولیس کے ایس ایچ او نے انصاف کا انوکھا رنگ رچا دیا مبینہ جنسی درندگی والوں کے اوپر ایف آئی آر داخل کرنے سے صاف انکار کردیا۔انہوں نے کہا کہ ایس ایچ او میر پور بٹھورو ملزمان کی پشت پناہی کر رہا ہے،ایس ایس پی سجاول کے حکم کے باوجود ملزمان کے خلاف ایف آئی آر دائر نہ ہو سکی ہے متاثرہ بچے کے اہل خانہ انصاف کی امید کس سے رکھیں جو ایس ایس پی کی نہیں مانتے وہ غریب مسکین مظلوم کی کہاں مانیں گے۔ یاد رہے کہ کچھ دن پہلے دیوان شوگر مل کے اندر کم عمر بچہ ریاض کے ہاتھ پاؤں باندھ کر زیادتی کی گئی تھی،ایس ایس پی کے حکم پر متاثرہ بچہ ریاض اپنے اہل خانہ کے ساتھ سجاول سے میرپور بٹورو تھانے پر پہنچا تو میرپور بٹورو ایس ایچ او میر محمد نئی ایف آئی آر درج کرنے سے انکار کر دیا ۔ایس ایس پی سجاول سے گزارش کرتے ہیں کہ مظلوم بچے کے ساتھ انصاف کیا جائے۔
.ذریعہ: Jasarat News
کلیدی لفظ: ایس ایس پی ایس ایچ او اہل خانہ ایف ا ئی
پڑھیں:
سجاول: سنی رابطہ کونسل کی جانب سے شان امیر معاویہ ؓکے عنوان سے پروگراموں کا انعقاد
سجاول (نمائندہ جسارت) 22 رجب المرجب یومِ وفات کاتب وحی حضرت سیدنا امیر معاویہ ؓکی عظیم قربانیوں، فتوحات اور دینی خدمات کو خراج تحسین پیش کرنے پر سنی رابطہ کونسل کی جانب سے شان امیر معاویہ ؓکے عنوان سے مختلف علاقوں میں الگ الگ پروگراموں کا انعقاد کیا گیا، 12 جنوری کی رات بعد نمازِ عشاء گائوں حاجی خان ہتھیار میں پروگرام کا انعقاد ہوا جس سے برادر علامہ عبد الجبار حیدری کے بھائی مولانا عبد الکریم حیدری نے خصوصی شرکت فرمائی۔ 16 جنوری کو بعد نمازِ مغرب جامع مسجد خالد بن ولیدؓ میں پروگرام ہوا جس سے مولانا ہدایت اللہ سومرو، قاری مختار مستوئی، محمد الیاس فاروقی اور عاشق علی راہموں نے خطاب کیا، 17 جنوری کو بعد نمازِ مغرب گائوں عمر پسیو اور بعد نمازِ عشاء گائوں فتح محمد سومرو میں پروگرام ہوا جس سے مولانا ہدایت اللہ سومرو، مولانا نصیر احمد چانڈیو، حافظ اسماعیل الحداد اور عاشق علی راہموں نے خطاب کیا اور 22 رجب المرجب تک تحصیل کے مختلف علاقوں میں شان امیر معاویہ ؓکے عنوان سے پروگرام ہوں گے۔
حکومت نے پیٹرول اور ڈیزل کی قیمتوں اضافہ کر دیا