’آپ باضابطہ طور پر دوبارہ زندہ ہو گئی ہیں‘، خاتون کے ساتھ پیشے آنے والا دلچسپ واقعہ
اشاعت کی تاریخ: 20th, January 2025 GMT
امریکی ریاست میری لینڈ میںغلطی سے مردہ قرار دی گئی خاتون کو شدید پریشانی کا سامنا کرنا پڑا ہے۔
میری لینڈ کے علاقے گیتھرسبرگ کی رہائشی خاتون نکول پاؤلینو نے اپنے ڈرائیور کے لائسنس کی تجدید کے لیے درخواست دی، جس پر اسے معلوم ہوا کہ وہ وفات پاچکی ہے۔
یہ بھی پڑھیں: غزہ: ڈاکٹروں نے مردہ ماں کے رحم میں موجود بچے کو بچا لیا
خاتون ’خوفزدہ اور حیران‘ رہ گئی کیونکہ ایک دستاویز دکھائی گئی جس کے متن کے مطابق وہ میری لینڈ موٹر وہیکل ایڈمنسٹریشن کے نظام میں باضابطہ طور پر مرچکی تھی۔
خاتون نے کہ کہا ’یہ معلوم ہونے کے بعد ایسا لگتا ہے کہ میں مر چکی ہوں، میں تھوڑا ڈر گئی، میں جھوٹ نہیں بولوں گی، میں حیران ہوں کیوں کہ میں زندہ ہوں اور یہاں ہوں، لیکن مردہ بھی قرار دی گئی ہوں۔‘
بعد ازاں میری لینڈ موٹر وہیکل ایڈمنسٹریشن کے عہدیداروں نے پاؤلینو کو مطلع کیا کہ وہ اپنے لائسنس کی تجدید نہیں کرسکتی ہیں، اس سے پہلے کہ اسے یو ایس انٹرنل ریونیو سروس کی طرف سے ایک خط موصول ہوا جس میں اسے ’متوفی ٹیکس دہندہ‘ کے طور پر بیان کیا گیا ہے۔
یہ بھی پڑھیں: خاتون قرض حاصل کرنے کے لیےمردہ انکل کو بینک لے آئی
اس ایک غلطی کی وجہ سے خاتون کو کئی طرح کے مسائل کا سامنا کرنا پڑا، اس کے تین بچوں کا ہیلتھ انشورنس منسوخ کر دیا گیا، جس سے میڈیکل بلوں کا ایک سلسلہ شروع ہو گیا اور وہ اپنے دمہ کے لیے درکار انہیلر حاصل کرنے سے قاصر رہیں۔
“خاتون نے مزید کہا ’اس سے واقعی میری زندگی کے معمولات میں خلل آیا ہے۔
میری لینڈ موٹر وہیکل ایڈمنسٹریشن کے مطابق یہ ایک غلط فہمی تھی، کسی اور کی وفات ہوئی، جس کے اندراج کے دوران سوشل سیکیورٹی نمبر میں ایک ہندسہ غلط ہو گیا اور پالینو کا نمبر درج کرلیا گیا۔
سوشل سیکیورٹی ایڈمنسٹریشن نے این بی سی 4 واشنگٹن کو بتایا کہ اب خاتون کا ریکارڈ درست کرلیا گیا ہے۔
یہ بھی پڑھیں: 40 منٹ تک مردہ رہنے والی خاتون کے ہُوشربا انکشافات
دوسری جانب پاؤلینو نے بھی این بی سی 4 کو بتایا کہ انہیں سوشل سیکیورٹی ایڈمنسٹریشن کی طرف سے ایک خط موصول ہوا جس میں کہا گیا تھا کہ غلطی کو درست کر دیا گیا ہے اور وہ باضابطہ طور پر دوبارہ زندہ ہو گئی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news امریکا مردہ مردہ خاتون موٹر وہیکل ایڈمنسٹریشن میری لینڈ.ذریعہ: WE News
کلیدی لفظ: امریکا مردہ خاتون میری لینڈ میری لینڈ
پڑھیں:
ایران کو دھمکیاں دینے والا امریکہ انرجی بحران کی زد میں، 5 ریاستوں کو بجلی کی بندش کا سامنا
ٹرمپ نے سوشل میڈیا پر بجلی کی بندش کی تصویر کے ساتھ ایک پوسٹ کو ری پوسٹ کر کے لکھا تھا کہ اس طرح حکومتیں گرتی ہیں۔ اسلام ٹائمز۔ اسلامی جمہویہ ایران اور امریکہ کے درمیان مذاکرات کے موقع پر پانچ ریاستوں میں پچاس ہزار سے زائد عمارتوں میں رہائش پذیر امریکی صارفین کی بجلی منقطع ہو گئی ہے۔ میڈیا رپورٹس کے مطابق امریکہ میں اس وقت پچاس ہزار سے زیادہ عمارتوں میں بجلی نہیں ہے۔ ریاستہائے متحدہ میں بجلی پیدا کرنے والی کمپنیوں کی طرف سے بتایا گیا ہے کہ یہ صورتحال اس وقت درپیش ہے جب امریکی حکومت عمان میں ایران کے ساتھ بالواسطہ مذاکرات کی تیاری کر رہی ہے۔ اس سے قبل ٹرمپ نے سوشل میڈیا پر بجلی کی بندش کی تصویر کے ساتھ ایک پوسٹ کو ری پوسٹ کر کے لکھا تھا کہ "اس طرح حکومتیں گرتی ہیں۔" ایک طرف امریکہ ایران کو دھمکیاں دے رہا ہے اور دوسری طرف مشی گن، میری لینڈ، جارجیا، کیلیفورنیا، اور الاباما میں بجلی کی بندش جاری ہے، کچھ علاقوں میں 4 گھنٹے سے زیادہ کی بندش ہے۔
قومی اسمبلی کا اجلاس پیر کو شام 5 بجے شروع ہوگا، 12 نکاتی ایجنڈا جاری