آمریت کے ادوار میں پیپلز پارٹی نے آزاد صحافت کیلئے کوششیں جاری رکھی، شرجیل میمن
اشاعت کی تاریخ: 20th, January 2025 GMT
حیدرآباد یونین آف جرنلسٹس کی تقریب سے خطاب میں صوبائی وزیر نے کہا کہ ماضی میں پیپلز پارٹی کے کردار کو خراب ظاہر کرنے کی کوشش کی گئی لیکن پیپلز پارٹی میں برادشت کا مادہ ہے، پیپلز پارٹی کا گزشتہ حکومتوں کے ادوار میں میڈیا ٹرائل بھی کیا گیا لیکن پیپلز پارٹی جمہوریت پسند پارٹی رہی اور برداشت کیا۔ متعلقہ فائیلیںاسلام ٹائمز۔ سینئر صوبائی وزیر اطلاعات، ٹرانسپورٹ و ماس ٹرانزٹ شرجیل انعام میمن نے پیر کو پریس کلب حیدرآباد میں حیدرآباد یونین آف جرنلسٹ کی حلف برداری تقریب میں شرکت کرکے حیدرآباد یونین آف جرنلسٹ (ایچ یو جے) کی نومنتخب باڈی جس میں صدر سینئر صحافی حامد شیخ، جنرل سیکریٹری علی حمزہ زیدی، سینئر نائب صدر سینئر صحافی فیض کوسو، نائب صدر سینئر صحافی الطاف کوٹی، سینئر جوائنٹ سیکریٹری فیروز ببر، جوائنٹ سیکریٹری مظفر رند، خازن دانش نفیس اور 18 مجلس عاملہ کے اراکین سے حلف لیا اور انہیں مبارکباد پیش کی۔ تقریب سے خطاب کرتے ہوئے صوبائی وزیر نے اظہار مسرت کا اظہار کرتے ہوئے کہا کہ حیدرآباد کے صحافی مجھے وزیر نہیں بلکہ اپنا عزیز سمجھتے ہیں، پیپلز پارٹی ہمیشہ صحافیوں کے فلاح و بہبود اور مسائل کے حل کے لیے کام کرتی رہی ہے۔
انہوں نے کہا کہ شہید محترمہ بینظیر بھٹو نے بھی صحافت کی آزادی کو فروغ دیا جبکہ آزادی صحافت پیپلز پارٹی کی لیڈرشپ کا ویژن رہا ہے، آمریت کے ادوار میں پیپلز پارٹی نے آزاد صحافت کے لیے کوششیں جاری رکھی، ملک میں آمریت کے دور میں صحافیوں پر ظلم ہوا اور صحافیوں کی گرفتاریاں ہوئیں۔ شرجیل انعام میمن نے مزید کہا کہ ماضی میں پیپلز پارٹی کے کردار کو خراب ظاہر کرنے کی کوشش کی گئی لیکن پیپلز پارٹی میں برادشت کا مادہ ہے، پیپلز پارٹی کا گزشتہ حکومتوں کے ادوار میں میڈیا ٹرائل بھی کیا گیا لیکن پیپلز پارٹی جمہوریت پسند پارٹی رہی اور برداشت کیا۔ انہوں نے کہا کہ سندھ میں عوام کے لیے صحت کے شعبے پر کام ہو رہا ہے، امراض قلب کا ادارہ این آئی سی وی ڈی اچھا کام کررہا ہے، صحت پیپلز پارٹی حکومت کی اولین ترجیح ہے، صحافی حکومت سندھ کے اسٹیٹ آف آرٹ کے ہسپتالوں میں سے اپنا علاج فری میں کروا سکتے ہیں۔
ذریعہ: Islam Times
کلیدی لفظ: میں پیپلز پارٹی کے ادوار میں کہا کہ
پڑھیں:
وفاق قیام پاکستان سے سندھ میں لوٹ مار کررہا ہے،قادر مگسی
نواب شاہ (نمائندہ جسارت )قیام پاکستان سے لے کر آج تک وفاق اور پنجاب نے سندھ میں لوٹ مار کی ہے، سندھ کو کمزور کرکے اسے ٹکڑے کرنے کی سازش کی جارہی ہے۔ ان خیالات کااظہارسندھ ترقی پسند پارٹی کے چیئرمین ڈاکٹر قادر مگسی نے ریگل چوک پردریائے سندھ پر کینال نامنظور جلسے سے خطاب کررہے ہیں۔ انہوںنے کہا کہ سندھ ہماری ماں اور سندھوں ہماری زندگی ہے جس کے لیے جدوجہدجاری ہے ،پاکستان کے قیام سے لے کر اب تک وفاق اور پنجاب کی سندھ سے لوٹ مار جاری ہے، حکمران عوام سے الیکشن میں ووٹ لیکر ایوانوں میں سودے بازی کرتے ہیں ، سندھ پر قبضہ کرکے اسے ٹکڑے کرنے کی سازش کی جارہی ہے،سندھ میں نئے صوبہ کی بات کی جاتی ہے ایم کیو ایم کے ڈاکٹر خالد مقبول صدیقی کا صوبہ کا بل سندھ اسمبلی میں موجود ہے،آرمی چیف جنرل عاصم منیر یا وزیراعظم کی آمد پر نئے صوبہ کے قیام کی بات کی جاتی ہے سندھ میں پیپلز پارٹی کی حکومت ہے مگر سندھ کے لوگ مایوس ہیں، آج سندھ کے نوجوان روزگار نہ ملنے کے سبب خودکشی پر مجبور ہیں ،نائب قاصد کی نوکری تک کے پیسے لیے جاتے ہیں ،تمام محکموں میں کرپشن کاراج ہے، پیپلز پارٹی اقتدار میں آکر اپنے لوگوں کو نوازنے میں مصروف ہے ،، تمام تر تکلیفوں کے بعد سندھ کا شہری تھک چکاہے پاکستان کی تعمیر پر سندھیوں نے بڑا دل کرکے سب قوموںکو بھائی کہہ کر خوش آمدید کہا، آصف علی زرداری نے سندھ کی 20 لاکھ ایکڑ زمین ہاریوں میں تقسیم کے نام پر بڑا ظلم شروع کیا ہے، زرداری صاحب اب سندھ کے لوگ مزید ظلم برداشت نہیں کرینگے ،ٹھٹھہ،کینجرجھیل،تھر ، کارونجھر سمیت سندھ کی قیمتی زمینوںپر قبضے کیے جارہے ہیں،چھ کروڑ عوام سندھ کے پانی پر پلتے ہیں، دریائے سندھ پر دوسرا بڑا ظلم دریا پر کینال تعمیر کرکے کیا جارہا ہے ،ہزاروں سالوں سے بہتے دریائے سندھ کے پانی کی تقسیم ہمیں قبول نہیں ،وفاقی حکومت کہتی ہے کہ دریائے سندھ پر چھ کینال تعمیر کرینگے ،آج سے پہلے بھی منصفانہ تقسیم کے نام پر ڈیم اور کینال تعمیر کیے گئے مگر انصاف کے تقاضے پورے نہیں کیے گئے اگر دریائے سندھ پر یہ کینال تعمیر ہوئے تو سکھر کے بعد دریائے سندھ میںپانی نہیں ہوگا ،سندھ کے لوگوں سے کہتا ہوں کینالوں کی تعمیر روکنے کے لیے جدوجہد کرو،کینال کی تعمیرات روکنے کے لیے ہم سب کو ملکر سندھ کے حق کے لیے لڑنا ہوگا ،ہم آصف علی زرداری، شہباز شریف سمیت ہر اس شخص سے لڑینگے جو دریائے سندھ کا پانی فروخت کرنا چاہتا ہے، پیپلز پارٹی کہتی ہے کہ ہم دریائے سندھ پر کینال کی تعمیر کے خلاف ہیں پیپلز پارٹی نے آجتک سندھ اسمبلی میں کینال منصوبہ کے خلاف قرارداد پیش نہیں کی مسلم لیگ کی حکومت آصف علی زرداری اور بلاول بھٹو کی وجہ سے قائم ہے اگر آج پیپلز پارٹی وفاقی حکومت سے الگ ہو جائے تو حکومت گر جائیگی مگر پیپلز پارٹی سندھ سے مخلص نہیں ہے ۔
ن لیگ کا آفس جلانے کے دوسرے مقدمے پر کارروائی ملتوی