کراچی میں نادرا کی بائیک سروس کا آغاز
اشاعت کی تاریخ: 20th, January 2025 GMT
پہلی مرتبہ نئے شناختی کارڈز بنوانے والے شہری اس سروس سے استفادہ حاصل نہیں کر سکیں گے، انہیں پہلی مرتبہ قومی شناختی کارڈ کے حصول کیلئے نادرا کے سینٹر آنا پڑے گا۔ اسلام ٹائمز۔ نادرا نے شہر کراچی میں بائیکر سروس کا آغاز کر دیا، نئی سہولت کے ذریعے شہری گھر بیٹھے قومی شناختی کارڈز کے متفرق کاموں کیلئے استفادہ کر سکیں گے۔ تفصیلات کے مطابق نادرا ریجنل ہیڈ آفس کراچی میں تقریب کے دوران ڈی جی نادرا کراچی ریجن احتشام شاہد نے قومی شناختی کارڈز کی درخواستوں کی پراسسینگ کیلئے درکار آلات پر مشتمل بائیک کی چابیاں بائیکرز کے حوالے کیں۔ ابتدائی طور پر نادرا حکام کی جانب سے شہریوں کے قومی شناختی کارڈز کی تجدید اور پتے اور دیگر تفصیلات کی تبدیلیوں کیلئے تین بائیکس متعارف کروائی گئی ہیں، پہلی مرتبہ نئے شناختی کارڈز بنوانے والے شہری اس سروس سے استفادہ حاصل نہیں کر سکیں گے، انہیں پہلی مرتبہ قومی شناختی کارڈ کے حصول کیلئے نادرا کے سینٹر آنا پڑے گا، بائیک سروس میں مزید بائیکوں کی تعداد میں آنے والے کچھ عرصے کے دوران بتدریج اضافہ کیا جائے گا۔
کراچی کے علاوہ یہ سروس حیدرآباد اور میرپورخاص میں بھی دستیاب ہوگی، اس موقع پر میڈیا سے گفتگو میں ڈی جی نادرا کراچی ریجن احتشام شاہد کا کہنا تھا کہ کراچی کے شہری نادرا کی ہیلپ لائن سے خود کو رجسٹرڈ کرا سکتے ہیں، بائیکر سہولت سے نیا کارڈ نہیں بن سکے گا، البتہ پہلے سے بنے کارڈز کی تجدید سمیت دیگر سروسز سے استفادہ کیا جا سکے گا۔ ان کا کہنا ہے کہ اس قبل گھر پر جو سروس مہیا کی جاتی تھیں وہ سینئر سیٹزن کیلئے مخصوص تھی، تاہم نئی سروس سے ہر شہری استفادہ کر سکتا ہے، ڈی جی نادرا کے مطابق قومی شناختی کی اصل فیس کے علاوہ ایک ہزار روپے اضافی رقم وصول کی جائے گی۔
ذریعہ: Islam Times
کلیدی لفظ: شناختی کارڈز قومی شناختی پہلی مرتبہ
پڑھیں:
فیصل آباد فوٹو جرنلسٹ ایسوسی ایشن پریس کلب (رجسٹرڈ) کی جانب سے ممبران میں یونین کارڈز تقسیم، صدر و سیکرٹری سمیت سینئرز کی بھرپور شرکت
فیصل آباد (اردوپوائنٹ اخبار تازہ ترین۔14اپریل 2025) فیصل آباد فوٹو جرنلسٹ ایسوسی ایشن پریس کلب (رجسٹرڈ) کے زیرِ اہتمام ایک پروقار تقریب میں یونین کے ممبران میں باقاعدہ یونین کارڈز تقسیم کیے گئے۔ اس موقع پر یونین کے صدر محمد طاہر نجفی، جنرل سیکرٹری بشیر احمد تایا، سینئر فوٹو جرنلسٹ نعیم چوہدری، رانا لیاقت، خلیل الرحمن، اور ادریس چغتائی سمیت دیگر معزز سینئرز کی خصوصی شرکت نے تقریب کو چار چاند لگا دیے۔صدر محمد طاہر نجفی نے اپنے خطاب میں کہا کہ فوٹو جرنلسٹس میڈیا کا ایک مضبوط ستون ہیں، جو جان جوکھوں میں ڈال کر حقائق کو قوم کے سامنے لاتے ہیں۔ یونین اپنے ان محنت کش ممبران کے ساتھ کھڑی ہے اور ہر ممکن تعاون جاری رکھے گی۔جنرل سیکرٹری بشیر احمد تایا نے کہا کہ یونین کارڈز کی تقسیم کا مقصد ممبران کو باضابطہ حیثیت دینا اور انہیں فیلڈ میں شناخت فراہم کرنا ہے تاکہ وہ مزید اعتماد کے ساتھ اپنا پیشہ ورانہ فریضہ انجام دے سکیں۔(جاری ہے)
تقریب میں جن فوٹو جرنلسٹس کو یونین کارڈز دیے گئے ان میں ظفر اللہ خان، تصور عباس، اسد اللہ، عقیل پرویز، رضا علی جاوید، ملک سعید، رانا عدنان غنی، دلاور عباس، قیصر اقبال، شیخ شرافت، شبیر، علی حسن، عثمان بٹ، نادرمان، راشد علی، زہیب ذوالفقار، شوکت لازر، مصطفی، رومان رومی، ندیم شاہ، شاہد بٹ، رفیق ساگر، مرزا ہارون، یاسر سہیل، جمال شاہ، مرزا نعیم، کرم لائی، بابر علی، شبیب سلطان، عبدالرحمن، مرزا منان، انیس صدیق، اور میاں علی شامل تھے۔یونین کارڈز کی اس تقسیم کو ممبران نے سراہا اور اسے ایک حوصلہ افزا اقدام قرار دیا۔ تقریب کا اختتام خوشگوار ماحول اور باہمی اتحاد کے عزم کے ساتھ کیا گیا۔
ریاست مخالف پروپیگنڈا، 20 پی ٹی آئی رہنماؤں کے وارنٹ جاری کرنے کا فیصلہ