لاہور کنسرٹ میں ناقص انتظامات پر بوہیمیا منتظمین پر برہم
اشاعت کی تاریخ: 20th, January 2025 GMT
لاہور(شوبز ڈیسک)پاکستانی نژاد امریکی ریپر، گلوکار و موسیقار بوہیمیا کی جانب سے پنجاب کے دارالحکومت لاہور میں منعقد میوزک فیسٹیول کے دوران ناقص انتطامات پر منتظمین پر غصہ کرنے کی ویڈیو سوشل میڈیا پر وائرل ہوگئی۔
لاہور میں ’سول فیسٹیول‘ کا میوزک کنسرٹ منعقد کیا گیا، جس میں متعدد گلوکاروں اور ریپرز نے پرفارمنس دی۔
کنسرٹ میں بلال سعید، عاصم اظہر، فارس شفیع اور بوہیمیا سمیت دیگر گلوکاروں نے شاندار پرفارمنس کی۔
کنسرٹ کے دوران ناقص انتظامات کرنے کی وجہ سے بوہیمیا کی جانب سے منتظمین پر غصہ کرنے کی ویڈیو سوشل میڈیا پر وائرل ہوگئی۔
بوہیمیا کی وائرل ہونے والی مختصر ویڈیو میں گلوکار کو اسٹیج پر آنے کے بعد منتظمین پر سخت تنقید کرتے ہوئے سنا جا سکتا ہے۔
بوہیمیا اردو زبان میں بولتے دکھائی دیتے ہیں کہ وہ اسٹیج کے پیچھے پانچ گھنٹے سے بیٹھے انتظار کر رہے تھے لیکن انہیں اسٹیج پر آنے نہیں دیا جا رہا تھا۔
انہوں نے سخت لہجے میں کہا کہ منتظمین نے غلط کیا، وہ انتظار کرتے رہے لیکن انہیں آکر پرفارمنس کرنے کی اجازت نہیں دی گئی اور اب انہیں کہا جا رہا ہے کہ ان کے پاس مختصر وقت ہے۔
View this post on InstagramA post shared by Najeeba Zulfiqar (@lifeofnajeeba)
بوہیمیا کہتے ہیں کہ انہوں نے کنسرٹ میں 90 منٹ کی پرفارمنس کا پروگرام بنا رکھا تھا اور وہ اپنے مداحوں کے لیے بہت سارے گانے تیار کرکے لائے تھے لیکن اب انہیں کہا جا رہا ہے کہ ان کے پاس وقت کم ہے۔
گلوکار نے مزید کہا کہ جہاں وہ پانچ گھنٹے سے انتظار کر رہے تھے، وہیں ان کے مداح بھی کئی گھنٹوں سے ان کے منتظر تھے، سب ان کی خاطر یہاں آئے اور اب انہیں پرفارمنس کے وقت کہا جا رہا ہے کہ ان کے پاس وقت کم ہے۔
View this post on InstagramA post shared by PUBG MOBILE Pakistan ???????? (@pubgm.
گلوکار نے منتظمین کو آڑے ہاتھوں لیتے ہوئے ان کے عمل کو غلط قرار دیا اور کہا کہ اب وہ یہاں سے پرفارمنس کے بعد سیدھا جیل ہی جائیں گے۔
منتظمین پر کڑی تنقید کے بعد بوہیمیا نے کنسرٹ میں پرفارمنس کرنا شروع کی اور ان کی جانب سے انتظامیہ پر برہم ہونے کی ویڈیو وائرل ہوگئی۔
خیال رہے کہ بوہیمیا ماضی میں بھی لاہور میں ہونے والے اسی ’سول فیسٹیول‘ میں پرفارمنس کے لیے آتے رہے ہیں۔
View this post on InstagramA post shared by Galaxy Lollywood (@galaxylollywood)
ذریعہ: Daily Ausaf
پڑھیں:
مریم نواز کے آج ڈیرہ غازی خان پہنچے کا امکان‘ تیاریاں مکمل
ڈیرہ غازی خان (بیورو رپورٹ) وزیراعلیٰ پنجاب مریم نواز شریف 20 جنوری کو ڈیرہ غازی خان کا دورہ کریں گی۔ ذرائع کے مطابق دورے کے دوران وہ نئے ترقیاتی منصوبوں کا افتتاح کریں گی اور جاری منصوبوں پر بریفنگ بھی لیں گی۔ وزیراعلیٰ کے متوقع دورے کے پیش نظر انتظامیہ، پولیس، کارپوریشن اور دیگر متعلقہ ادارے متحرک ہوگئے ہیں۔ شہر کی سڑکوں کی صفائی اور سیوریج کا کام تیزی سے جاری ہے جبکہ سرکاری دفاتر کو وائٹ واش کر دیا گیا ہے۔ تمام ملازمین کو خصوصی ڈیوٹیاں تفویض کی گئی ہیں تاکہ انتظامات میں کوئی کمی نہ رہ جائے۔ وزیراعلیٰ کی سکیورٹی اور دیگر معاملات کا جائزہ لینے کے لیے کمشنر ڈاکٹر ناصر محمود بشیر کی صدارت میں ایک اعلیٰ سطحی اجلاس منعقد ہوا۔ اجلاس میں آر پی او کیپٹن (ر) سجاد حسن خان، ڈپٹی کمشنر محمد عثمان خالد، ڈی پی او سید علی کاظمی اور دیگر افسران شریک ہوئے۔کمشنر نے ہدایات جاری کرتے ہوئے کہا کہ وزیراعلیٰ کے دورے کے دوران فول پروف سکیورٹی کو یقینی بنایا جائے اور روٹس کی صفائی سمیت تمام انتظامات کو جلد از جلد حتمی شکل دی جائے۔ تمام محکموں اور افسران کو ان کی ذمہ داریاں سونپتے ہوئے رپورٹس طلب کی گئی ہیں۔ مزید برآں ضرورت پڑنے پر محکموں کے سربراہان کے اسٹیشن چھوڑنے پر پابندی عائد ہوگی۔ متعلقہ ادارے وزیراعلیٰ کے متوقع دورے کی تیاریوں کو مکمل کرنے میں مصروف ہیں تاکہ تمام انتظامات شاندار طریقے سے پایہ تکمیل تک پہنچ سکیں۔
مذاکرات میں تلخی اس لیے کہ تھوڑا سا مرچ مسالہ بھی ہونا چاہیے، علی محمد خان