کیا کورونا نے پھر سر اٹھالیا، سندھ میں کیسز بڑھ رہے ہیں؟
اشاعت کی تاریخ: 20th, January 2025 GMT
وزیر صحت سندھ ڈاکٹرعذرا پیچوہو نے کراچی میں کورونا پھیلنے کی خبر کے حوالے سے ایک بیان جاری کیا ہے جس میں انہوں نے کیسز کی تعداد اور عارضے کی شدت کی نوعیت کسے آگاہی دی ہی۔
یہ بھی پڑھیں: کورونا وائرس ممکنہ طور پر لیب سے پھیلا، امریکی کانگریس کمیٹی کا انکشاف
ڈاکٹرعذرا پیچوہو نے کہا ہے کہ کراچی میں کورونا کے پھیلنے کی خبر غلط ہے۔ انہوں نے مزید کہا کہ 100 افراد کے کورونا ٹیسٹ ہوئے جن میں 7 میں کورونا مثبت آیا جو موسمی فلو اور انفلوئنزا میں مبتلا تھے اور ان کا احتیاطاً کورونا ٹیسٹ کروایا گیا تھا۔
وزیر صحت نے کہا کہ کورونا پوزیٹیو لوگوں میں فلو کی بہت ہلکی علامات تھیں لہٰذا کورونا میں مبتلا افراد کو ہلکی علامات کے سبب گھر بھیج دیا گیا تھا۔
’دنیا بھر میں کورونا اب فلو کی طرح ٹریٹ کیا جاتا ہے‘انہوں نے کہا کہ دنیا بھر میں اب کورونا کو فلو کی طرح ہی ٹریٹ کیا جاتا ہے اور اب یہ موسمی فلو کی طرح ہے جس سے گھبرانے کی قطعاً ضرورت نہیں۔
دوسری جانب محکمہ صحت سندھ نے کرونا اور انفلوئنزا ایچ ون این ون کیسز پر اسپتالوں میں ہنگامی گائیڈ لائنز جاری کردی۔
ڈی جی ہیلتھ سندھ نے ہدایت جاری کی ہے کہ تمام ڈسٹرکٹ ہیلتھ افسران اپنےماتحت ہیلتھ سینٹرکی انتظامیہ کوالرٹ رکھیں، تمام طبی اور غیر طبی عملہ ماسک پہنیں، نزلہ، زکام اور کھانسی کے شکار مریض ویکسین لازمی لگوائیں۔
انہوں نے ہدایت کی ہے کہ تمام افسران ہفتہ وار مریضوں کی تفصیلات محکمہ صحت کو روانہ کریں، کورونا یا انفلوائنزا کی علامات ہونے پر فوری آئسولیٹ کریں۔
مزید پڑھیے: برطانیہ: کورونا کے دوران ناقص حکمت عملی کے باعث زیادہ اموات ہوئیں، انکوائری رپورٹ
واضح رہے کہ 2 روز قبل ماہر متعدی امراض پروفیسر سعید خان نے بتایا تھا کہ کراچی کے ڈاؤ اسپتال میں کھانسی، بخار کی علامات کے ساتھ آنے والے 25 سے 30 فیصد مریضوں میں کورونا مثبت آرہا ہے۔
ان کا کہنا تھا کہ 10 سے 12 فیصد مریضوں میں انفلوئنزا ایچ 1 این 1 کی تصدیق ہورہی ہے، 5 سے 10 فیصد بچوں میں آر ایس وی اور سانس کے دیگر وائرس کی تصدیق ہورہی ہے، اکثر مریض ٹیسٹ نہیں کرواتے جس کے باعث بیماریوں کی تصدیق نہیں ہوتی۔
پروفیسر سعید خان نے بتایا تھا کہ ان تمام وائرسز کی علامات آپس میں ملتی جلتی ہیں، ان علامات میں بخار، کھانسی، سانس لینے میں دشواری شامل ہیں، کورونا کی علامات میں ذائقہ اور خوشبو کا ختم ہونا بھی شامل ہیں۔
مزید پڑھیں: کیا پاکستان میں انٹرنیٹ کی بندش نے معیشت کو کورونا سے زیادہ نقصان پہنچایا؟
انہوں نے بتایا تھا کہ سردیوں میں یہ بیماریاں تیزی سے پھیلتی ہیں، ہوا کے نکاس کا ناقص نظام وائرسز کے پھیلاؤ کی بڑی وجہ بنتا ہے۔
پروفیسر سعید خان نے ہدایت کی تھی کہ شہری احتیاطی تدابیر لازمی اپنائیں، ماسک پہنیں اور خود کو ڈھانپ کر رکھیں اور ہر سال انفلوئنزا کی ویکسین لازمی لگوائیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ڈاکٹر عذرا فضل پیچوہو سندھ کورونا کیسز کورونا.ذریعہ: WE News
کلیدی لفظ: سندھ کورونا کیسز کورونا میں کورونا کی علامات انہوں نے فلو کی تھا کہ
پڑھیں:
گزشتہ برس 7 ہزار 608 بچوں پر تشدد و جنسی زیادتی کے واقعات رپورٹ
سسٹین ایبل سوشل ڈویلپمنٹ آرگنائزیشن نے اپنی سال 2024 کی رپورٹ جاری کر دی جس کے مطابق سال 2024 میں 7ہزار 608 بچوں پر تشدد و جنسی زیادتی کے واقعات رپورٹ ہوئے جب کہ ملک بھر میں یومیہ 21 بچے تشدد کا نشانہ بنے۔
سسٹین ایبل سوشل ڈویلپمنٹ آرگنائزیشن (ایس ایس ڈی او) کی رپورٹ کے مطابق سال 2024 میں پاکستان بھر میں بچوں پر جنسی زیادتی و تشدد کے 7608 واقعات رپورٹ ہوئے جو یومیہ اوسطاً 21 مقدمات بنتے ہیں، رپورٹ کے مطابق تشدد کے واقعات کے باوجود زیادہ تر کیٹیگریز میں سزا کی شرح 1 فیصد سے بھی کم رہی۔
رپورٹ میں سال 2024 میں پاکستان میں بچوں پر جنسی زیادتی و تشدد کے واقعات کا تجزیاتی مطالعہ کیا گیا ہے۔
رپورٹ میں بچوں کے خلاف جرائم جیسے جسمانی اور جنسی تشدد، اغوا، بچوں کی سوداگری، کم عمری کی شادی اور چائلڈ لیبر کے حوالے سے صوبائی اعداد و شمار پیش کیے گئے ہیں۔
ایس ایس ڈی او نے یہ تمام ڈیٹا رائٹ ٹو انفارمیشن ایکٹ (RTI) کے ذریعے سے حاصل کیا ہے۔
رپورٹ کے مطابق سال 2024 میں پاکستان بھر میں جنسی زیادتی کے 2954، اغوا کے 2437، جسمانی تشدد کے 683، بچوں کی سوداگری کے 586، چائلڈ لیبر کے 895 اور کم عمری کی شادی کے 53 واقعات رپورٹ ہوئے لیکن ان میں سزا کی شرح نہایت مایوس کن رہی۔
جسمانی اور جنسی زیادتی کے کیسز میں قومی سطح پر سزا کی شرح صرف 1 فیصد رہی، اغوا کے کیسز میں سزا کی شرح 0.2 فیصد رہی، جب کہ بچوں کی اسمگلنگ اور چائلڈ لیبر میں نسبتاً بہتر رہی، بچوں کی سوداگری کی شرح 45 اور چائلڈ لیبر کی شرح 37 فیصد رہی، کم عمری کی شادی کے مقدمات میں کسی کو بھی سزا نہیں سنائی گئی۔
صوبہ پنجاب میں سب سے زیادہ 6 ہزار 083 کیسز رپورٹ ہوئے جن میں جسمانی تشدد کے 455 مقدمات میں صرف سات مجرموں کو سزا ملی۔
رپورٹ کے مطابق جنسی زیادتی کے 2 ہزار 506 مقدمات میں صرف 28، اغوا کے 2ہزار 189 مقدمات میں صرف چار مجرموں کو سزا دی گئی۔ تاہم بچوں کی سوداگری کے 457 کیسز میں 267، چائلڈ لیبر کے 450 کیسز میں 66 مجرموں کو سزا ملی، جبکہ کم عمری کی شادی کے 26 مقدمات میں کوئی سزا نہیں ہوئی۔
خیبر پختونخوا میں کل 1102 واقعات رپورٹ ہوئے، جن میں جسمانی تشدد کے 208 اور جنسی زیادتی کے 366 مقدمات شامل تھے ، لیکن ان میں کسی کو سزا نہیں دی گئی۔ صوبے میں اغوا کے 93، بچوں کی سوداگری کے 6 ، کم عمری کی شادی کے تین اور چائلڈ لیبر کے 426 کیسز رپورٹ ہوئے، جن میں صرف چائلڈ لیبر سے متعلق کیسز میں 267 مجرموں کو سزا دی گئی۔
سندھ میں بچوں پر تشدد کے کل 354 کیسز رپورٹ ہوئے جن میں جسمانی اور جنسی زیادتی کے 19، اغوا کے 152، بچوں کی سوداگری کے 121 اور کم عمری کی شادی کے 24 کیسز شامل تھے۔ ان میں بھی کسی کو سزا نہیں ملی۔
صوبہ بلوچستان میں مجموعی طور پر 69 کیسز رپورٹ ہوئے، جن میں جسمانی تشدد کا ایک، جنسی زیادتی کے 63 اور اغوا کے 43 کیسز شامل ہیں۔ صوبے میں صرف جنسی زیادتی اور اغواء کے کیسز میں دو دو سزاؤں کی تصدیق ہوئی۔
اس موقع پر ایس ایس ڈی او کے ایگزیکٹو ڈائریکٹر سید کوثر عباس نے کہا کہ رپورٹ میں صرف وہ کیسز شامل ہیں جو رپورٹ ہوئے، جبکہ اصل تعداد اس سے کہیں زیادہ ہو سکتی ہے۔
ان کا کہنا تھا کہ پنجاب میں رپورٹنگ کا نظام نسبتاً بہتر ہے، دیگر تمام صوبوں کو بھی اپنے طریقہ کار کو مضبوط بنانے کی ضرورت ہے تاکہ تشدد کے واقعات کی بروقت اور شفاف رپورٹنگ ممکن ہو۔
انہوں نے تمام صوبوں میں سزا کی نہایت کم شرح پر تشویش کا اظہار کرتے ہوئے خصوصی بچوں کی عدالتوں کے قیام اور فوری قانونی اصلاحات کا مطالبہ کیا ہے۔
سید کوثر عباس نے بتایا کہ ایس ایس ڈی او کی رپورٹ میں چائلڈ پروٹیکشن کے موجودہ نظام کو بہتر بنانے کے لیے متعدد تجاویز بھی دی گئی ہیں۔ ان میں وہ ادارے جو بچوں پر تشدد کی رپورٹنگ میں ناکام رہیں ان پر مالی جرمانے عائد کرنے کی تجویز شامل ہے۔
رپورٹ میں متاثرہ بچوں کی مدد کے لیے فنڈز مختص کرنے کا مطالبہ بھی کیا گیا ہے۔ ایس ایس ڈی او کی رپورٹ میں تمام پیشہ ور افراد کے لیے بچوں پر تشدد کی لازمی رپورٹنگ، تین سطحی احتسابی نظام ( تحریری انتباہ سے کے کر لائسنس کی منسوخی تک) اور مقدمات کی فوری سماعت کے لیے بچوں کی خصوصی عدالتوں کا قیام تجویز کیا گیا ہے۔
اس کے علاوہ رپورٹ میں تجویز دی گئی ہے کہ نفسیاتی، ڈیجیٹل، اور معاشی استحصال کو قانون میں شامل کیا جائے۔
فرانزک کی روشنی میں تحقیقات کو مضبوط بنانے، گواہوں کے تحفظ اور ثبوت اکٹھا کرنے کے لیے خصوصی تربیت یافتہ یونٹس قائم کیے جائیں۔ مجرموں کی نگرانی کے لیے مربوط ڈیٹا سسٹم، ٹئیرڈ رجسٹری اور محفوظ گھروں پر مشتمل معاونت فراہم کی جائے۔
چائلڈ پروٹیکشن کمیٹیوں کا قیام، مذہبی اور مقامی افراد کی شمولیت، خطرے کی نشاندہی کے لیے ٹیکنالوجی کا استعمال اور پسماندہ علاقوں میں ثقافتی طور پر ہم آہنگ آگاہی مہمات تجویز کی گئی ہیں۔ اسکولوں میں بچوں کی حفاظت سے متعلق تربیت اور میڈیا کے لیے اخلاقی رپورٹنگ کے رہنما اصولوں کی تشکیل بھی رپورٹ کا حصہ ہیں۔
ایس ایس ڈی او نے خبردار کیا ہے کہ بچوں کے خلاف تشدد کے حوالے سے اگر اب بھی فیصلہ کن اقدام نہ کیا گیا تو پاکستان میں ایک اور نسل بچوں کے تحفظ کے نظام کی ناکامی کا شکار ہو جائے گی۔
کراچی میں ٹارگٹڈ آپریشن کے دوران تحریک طالبان پاکستان کا دہشتگرد گرفتار