شیر کے ساتھ سیلفی لینا شہری کو مہنگا پڑ گیا
اشاعت کی تاریخ: 20th, January 2025 GMT
صوبائی دارالحکومت لاہور میں شیر کے ساتھ سیلفی لینا شہری کو مہنگا پڑ گیا،شیر کے حملے میں شہری شدید زخمی ہوگیا جسے ہسپتال منتقل کر دیا گیا، سبزہ زار میں واقع فارم ہاوس پر رکھے گئے شیر کےساتھ سیلفی بنانے کی کوشش شہری کو مہنگی پڑگئی، پولیس کے مطابق عظیم نامی شخص سبزہ زار کے علاقے میں شہری میاں عمر ڈولا کے فارم ہاوس پر شیر دیکھنے گیا تھا۔ عظیم نے شیر کے پنجرے کا جنگلا کھول کر تصویر بنانے کی کوشش کی۔شہری نے شیر کو قریب سے دیکھنے کیلئے شیر کے پنجرے میں چلا گیا۔انجان انسان کو قریب دیکھ کر پنجرے میں قید شیر نے جنگلا کھلا دیکھ کر شہری پر حملہ کردیا جس سے شہری زخمی ہوگیا۔ زخمی شہری کو طبی امداد کیلئے ہسپتال منتقل کردیا گی شیر کے حملے سے شہری کے سر، چہرے اور بازو پر زخم آئے ہیں۔پولیس کا کہنا ہے کہ متاثرہ شہری کی درخواست پر شیر کے مالک کے خلاف کارروائی کی جا سکتی ہے۔ فارم ہاوس کا مالک میاں عمر نے اس سے قبل یوٹیوبر رجب بٹ کو شادی پر شیر کا بچہ تحفے میںدیا تھا ۔واضح رہے کہ اس سے قبل بھی لاہور میں شیر نے تین شہریوں کو زخمی کردیاتھا۔ بعدازاں سکیورٹی گارڈز نے گھر سے باہر آنے والے پالتو شیر کو مار ڈالا تھا۔ بتایا گیا تھا کہ ہربنس پورہ کی نجی ہاوسنگ سکیم میں پالتو شیر اچانک پنجرے سے باہر نکل آیا تھااور شہریوں پر جھپٹ پڑا جس کے نتیجے میں 3 افراد زخمی ہوگئے تھے۔ پولیس کےمطابق ہربنس پورہ کی نجی ہاﺅسنگ سکیم میں علی عدنان نامی شخص نے اپنے ڈیرے پر شیر پال رکھا تھا۔ شیر ڈیر ے سے باہر نکل کرسڑک پر آگیا جسے دیکھ کر لوگ خوف زدہ ہوگئے تھے۔پالتو شیر ڈیرے پر پنجرے سے نکل کر نالے پر پہنچا تھاجس نے تین افراد پر حملہ کیا تھا جس سے معمولی زخمی تینوں افرادکو طبی امداد کیلئے ہسپتال منتقل کردیا گیاتھا۔خوف زدہ شہریوں نے فوری ون فائیو پر پولیس کواطلاع دی۔ اسی دوران ہاوسنگ اسکیم کے سکیورٹی گارڈز نے فائرنگ کرکے شیر کو ڈھیر کردیا۔واقعہ کی اطلاع ملنے پر پولیس اور وائلڈ لائف کی ٹیمیں بھی موقع پر پہنچ گئیں تھیں جبکہ پولیس کی جانب سے مزید کارروائی شروع کر دی گئی تھی ۔
.ذریعہ: Nawaiwaqt
پڑھیں:
سام سنگ گلیکسی ایس 25 کی لیک ویڈیو نے صارفین کو مایوس کردیا؟
کچھ دنوں قبل سام سنگ گلیکسی ایس 25 سیریز کی ایک پروموشنل ویڈیو لیک ہوئی تھی جس نے صارفین کو لانچنگ سے قبل ہی اسمارٹ فون کا بصری تجربہ فراہم کیا تھا تاہم کمپنی کی جانب سے باقاعدہ درخواست کے بعد اسے ہٹا دیا گیا ہے۔
ویڈیو اب بھی سوشل میڈیا پلیٹ فارمز پر گردش کر رہی ہے اور اس میں سام سنگ کے تازہ ترین فون میں اے آئی ٹیکنالوجی کو بطور فون کا سب سے بڑا سیلنگ پوائنٹ دکھایا گیا ہے۔
ایپل کی طرح، گلیکسی ایس 25 فونز اے آئی خصوصیات سے لیس ہیں۔ سام سنگ کے اندر سے رپورٹس سامنے آئی ہیں جس میں دعویٰ کیا گیا ہے کہ فون میں اے آئی لارج لینگویج ماڈلز سے چلنے والے Bixby کے ساتھ ساتھ Google Gemini کے خصوصی فیچرز ایپل کے اے آئی فیچرز کو خاک میں ملا دیں گے۔
تاہم اسے متعارف کرائے جانے سے پہلے لیک ہونے والی ویڈیو میں تشہیر کردہ فون کے فیچرز صارفین کو دوسرے عام اے آئی فونز کی طرح ہی لگے۔
ویڈیو میں دکھایا گیا کہ فون کے ڈسپلے پر کچھ خاص ٹولز ہیں جیسے رات کے وقت کی ویڈیو ریکارڈنگ کو اچھی طرح سے بہتر بنایا گیا ہے اور ساتھ ہی وائس ریکارڈنگ میں غیرضروری آوازوں کو ہٹایا جاسکتا ہے۔
لیکن بہت سی اپ گریڈیشن دوسرے اے آئی اسمارٹ فونز کی طرح ہیں۔
سافٹ ویئر کے علاوہ نئے فون میں بیٹری کی گنجائش، چارجنگ کی رفتار، کیمرے اور ڈسپلے ایک جیسے ہوں گے۔ گیلیکسی ایس 25 کا ہارڈ ویئر سے متعلق سب سے بڑا سیلنگ پوائنٹ Snapdragon 8 Elite chipset ہے جو بڑے پیمانے پر پرفارمنس کا حامل ہے۔
گیلیکسی ایس 25 الٹرا کی باقاعدہ ڈیلیوری جمعہ، 7 فروری سے شروع ہونے کی توقع ہے۔ یہ ڈیلیوری ان لوگوں تک جائے گی جنہوں نے 5 دن پہلے پری آرڈر کیا ہوگا۔
وزیراعظم 11 سے 13 فروری تک یو اے ای کا دورہ کریں گے