190ملین پاؤنڈ کیس چیلنج کرنے کا معاملہ؛بانی پی ٹی آئی اور بشریٰ بی بی نے وکالت نامے پر دستخط کردیئے
اشاعت کی تاریخ: 20th, January 2025 GMT
راولپنڈی(ڈیلی پاکستان آن لائن)بانی پی ٹی آئی عمران خان اور بشریٰ بی بی نے 190ملین پاؤنڈ کیس کا فیصلہ اسلام آباد ہائیکورٹ میں چیلنج کرنے کیلئے وکالت نامے پر دستخط کر دیئے۔
نجی ٹی وی چینل جیو نیوز کے مطابق وکیل خالد یوسف چودھری نے کہاکہ بانی پی ٹی آئی اور بشریٰ بی بی نے وکالت نامے پر جیل کمرہ عدالت میں دستخط کئے گئے۔
یاد رہے کہ احتساب عدالت نے 190ملین پاؤنڈ کیس میں بانی پی ٹی آئی عمران خان کو 14سال قید اور 10روپے جرمانے جبکہ بشریٰ بی بی کو 7سال قید اور 5لاکھ روپے جرمانے کی سزا سنائی تھی۔
پی ٹی آئی مطالبات پر موقف تیار کرنے کی خبر میں صداقت نہیں، عرفان صدیقی
مزید :.ذریعہ: Daily Pakistan
کلیدی لفظ: بانی پی ٹی ا ئی
پڑھیں:
فیصل واوڈا کی عمران خان،بشری بی بی کی سزا اورپی ٹی آئی کے حوالے سے تمام باتیں درست ثابت
لاہور:سینیٹرفیصل واوڈا کی عمران خان،بشری بی بی کی سزا اورپی ٹی آئی کے حوالے سے تمام باتیں درست ثابت ہوگئیں،فیصل واوڈا عرصہ سے ایک بات باربارکہتے رہے کہ 190ملین پاﺅنڈکیس ملکی تاریخ کا سب سے بڑامالی کیس ہوگا جس میں عمران خان اوربشری بی بی کو سخت سزاہوگی اوروہ ہوگئی۔
جس پی ٹی آئی کابینہ سے 190ملین پاﺅنڈ سے متعلق منظوری دلائی گئی اس کابینہ میں فیصل واوڈا وزیرتھے جب یہ معاملہ وہاں آیا تو فیصل واوڈا عمران خان اورکابینہ کے ارکان کوکہتے رہے کہ یہ ”اوپن اینڈ شٹ کیس“ ثابت ہوگا ،اس میں مقدمہ ہوگا اور اس میں سب کی پکڑ ہوجائے گی یہ نہ کریں مگر اس وقت ان کی بات کسی نے نہ سنی، منظوری کے بعد سب چپ ہوگئے مگروقت ایک سا نہیں رہتا۔
پی ٹی آئی اقتدار ختم ہونے کے بعد یہ کیس چل پڑا،اس وقت بھی فیصل واوڈا نے کہا کہ اس میں کسی کی بچت نہیں ہوگی، پی ٹی آئی والوں کو بھی پتہ تھا کہ”سب پھڑے جائیں گے“ ،اس لیے ان کے بھی وکلا کیس لٹکاتے رہے۔
190ملین پاﺅنڈ کیس یکم دسمبر2023 میں دائرہوا،نیب نے ٹرائل کے دوران 35گواہان کے بیان ریکارڈکرائے، ملزمان نے دفاع میں کوئی گواہ پیش نہ کیا، فیصل واوڈا کہتے رہے کہ عمران کے اردگرد مفاداتی اکٹھے ہیں ،وہی انہیں مروانے کے چکر میں ہیں ،یہ جرم بھی انہوں نے اپنے فائدے کےلیے ان سے کرایا،بے شرم لوگ چاہتے ہیں ان کو سزاہو ،پارٹی پران کا قبضہ رہے اوران کی باہرسیاست چلتی رہے وہ اس میں کامیاب رہے۔
اتوار کو کراچی پریس کلب میں بھی پریس کانفرنس میں فیصل واوڈا نے کہا کہ 190ملین پاﺅنڈکیس ثابت شدہ ہے ،اس میں جتنا مرضی التوا ہوجائے ،اس میں عمران اوربشری کو سزا ضرورہوگی، وہ واحد رہنما تھے جوپہلے دن سے اپنی وزارت سے لے کر آج تک ایک ہی بات کہہ رہے تھے کہ سزاہوگی، سزاکے بعد بھی پارٹی بیانات تک ہی رہے گی ، بس حکومت کو برابھلا کہے گی، مذاکرات صرف بہانہ ہیں،یہ مذاق ہورہا ہے،حکومت اور پی ٹی آئی دونوں نہیں چاہتے کہ بانی باہر آئے، وقت نے سینیٹرفیصل واوڈا کی ایک ایک بات کوسچ ثابت کردیا۔
وزیراعظم 11 سے 13 فروری تک یو اے ای کا دورہ کریں گے