پی آئی اےکی نیو گوادر انٹرنیشنل ایئرپورٹ کے لئےپہلی پرواز کراچی سے روانہ
اشاعت کی تاریخ: 20th, January 2025 GMT
اسلام آباد (اُردو پوائنٹ اخبارتازہ ترین - اے پی پی۔ 20 جنوری2025ء) پاکستان انٹرنیشنل ایئر لائن (پی آئی اے ) کی نیو گوادر انٹرنیشنل ایئرپورٹ کے لئےپہلی پرواز پی کے 503 کراچی سے روانہ ہو گئی ، یہ پرواز 46 مسافروں کو لے کر 9 بج کر 50 منٹ پر گوادر کےلئےروانہ ہوئی۔
(جاری ہے)
پیرکو پی آئی اے کے ترجمان نے بتایا کہ جہاز مقامی وقت کے مطابق 11 بج کر 15 منٹ پر نئے گوادر انٹرنیشنل ایئرپورٹ پر پہلی کمرشل پرواز کی حیثیت سے لینڈ کرے گا۔
ترجمان نے کہا کہ پہلی کمرشل پرواز کا استقبال وزیر دفاع و ہوابازی خواجہ محمد آصف کریں گے ، افتتاحی پرواز کو واٹرکینن کے ذریعے سلامی دی جائے گی ، پاکستان ایئرپورٹ اتھارٹی ، پی آئی اے اور دیگر سٹیک ہولڈرز نے نیو گوادر انٹرنیشنل ایئرپورٹ کی اپریشنلائزیشن کے تاریخی موقع کے لئے تمام انتظامات مکمل کر رکھے ہیں ۔\932.ذریعہ: UrduPoint
کلیدی لفظ: تلاش کیجئے گوادر انٹرنیشنل ایئرپورٹ
پڑھیں:
سیالکوٹ ایئرپورٹ کے لیے سنگ میل : پنجاب اسمبلی نے PRA سروسز ٹیکس میں چھوٹ کی قرارداد منظور کر لی
سیالکوٹ (نیوز ڈیسک)اللہ تعالیٰ کے فضل و کرم سے سیالکوٹ اور اس کے عوام نے ایک بڑی کامیابی حاصل کر لی ہے۔ ایک تاریخی پیش رفت کے طور پر، پنجاب اسمبلی نے سیالکوٹ انٹرنیشنل ایئرپورٹ پر پنجاب ریونیو اتھارٹی (PRA) کے تحت خدمات پر عائد ٹیکس میں چھوٹ کی سفارش کی قرارداد منظور کر لی ہے۔ یہ اقدام خطے کی معاشی ترقی اور برآمدات کے فروغ کی جانب ایک نمایاں قدم قرار دیا جا رہا ہے۔
یہ اہم کامیابی معزز خواجہ منشاء اللہ بٹ صاحب کی مسلسل محنت اور قیادت کا نتیجہ ہے، جنہوں نے سیالکوٹ کے مفادات کے تحفظ اور ترقی کے لیے ہر فورم پر آواز بلند کی۔ اس قرارداد کی منظوری سے سیالکوٹ ایئرپورٹ کو دیگر پاکستان سول ایوی ایشن اتھارٹی (PCAA) کے ہوائی اڈوں کے برابر مواقع میسر آئیں گے، جس سے نہ صرف ایئرپورٹ کی آپریشنل کارکردگی میں بہتری آئے گی بلکہ علاقائی سطح پر تجارتی سرگرمیوں اور سرمایہ کاری کو بھی فروغ ملے گا۔
اس موقع پر خواجہ محمد آصف صاحب کی قائدانہ رہنمائی اور مستقل تعاون پر بھی گہرے شکریے کا اظہار کیا گیا، جنہوں نے ہر قدم پر سیالکوٹ کے لیے راہنمائی اور حمایت فراہم کی۔ ان کے علاوہ دیگر تمام اسٹیک ہولڈرز جنہوں نے اس اقدام کی کامیابی میں کردار ادا کیا، ان کا بھی شکریہ ادا کیا گیا۔
یہ پیش رفت نہ صرف سیالکوٹ انٹرنیشنل ایئرپورٹ کے لیے ایک نیا باب کھولتی ہے بلکہ پورے خطے کے لیے ترقی، روزگار اور تجارتی مواقع کی نئی راہیں ہموار کرتی ہے۔ سروسز ٹیکس کی اس ممکنہ چھوٹ سے خطے میں پائیدار ترقی اور معاشی خوشحالی کے امکانات روشن ہو گئے ہیں۔
مزیدپڑھیں:جرمنی کا ویزا، پاکستانی شہریوں کے لئے بڑا اعلان
عمران خان کی بہنوں اور دیگر خواتین کیساتھ جو ہوا اس کا حساب ضرور لیں گے، گنڈاپور