190 ملین پاؤنڈ حکومت کے اکاؤنٹ میں آچکے ہیں: فوادچودھری کا بڑا دعویٰ
اشاعت کی تاریخ: 20th, January 2025 GMT
ویب ڈیسک: سابق وفاقی وزیر فواد چودھری نے کہا 190 ملین پاؤنڈ کی رقم حکومت پاکستان کے اکاؤنٹ میں ہے، 2 سال یہ سپریم کورٹ میں رہے 22 ارب روپے ان پر پرافٹ مل گیا، یہ پیسے حکومت پاکستان کی ملکیت ہے۔
نجی نیوز چینل کے پروگرام میں بات کرتے ہوئے سابق وزیر فواد چودھری کا کہنا تھا کہ اگر کسی نے 190 ملین ڈالر کے حساب سے رشوت لینی ہے تو کیا وہ نواز شریف کی لندن کے پراپرٹی ایون فیلڈ کے ساتھ اپنا اپارٹمنٹ نہیں لے سکتا تھا، یا ٹائم اسکوئر میں۔ جو لوگ عمران خان کو جانتے ہیں وہ یقین نہیں کریں گے کہ کیسا احمقانہ الزام اُن پر لگایا گیا ہے۔
غزہ جنگ بندی معاہدہ ہماری تاریخی کامیابی، خطے میں امن بحال ہو گا: ٹرمپ
190 ملین پاونڈ کیس میں فرح گوگی، بشریٰ بی بی ملزم نہیں ہیں، شوکت خانم کو ہرسال چندے کی مد میں 9 ارب روپے اکٹھے ہوتے ہیں، ہسپتال ان پیسوں کی تحقیقات نہیں کرسکتا کہ یہ کس کس نے عطیہ کیے ہیں، اسی طرح القادر یونیورسٹی ایک مفت تعلیمی ادارہ ہے جس کو ٹرسٹیز چلاتے ہیں۔
فواد چودھری نے کہا کہ اگر کسی نے پیسے دیے ہیں کہ اس سے تعلیمی ادارہ بنالیں، تو اس کو رشوت تصور کرنا حیران کن بات ہے، 190 ملین پاؤنڈ کیس کی اپیل اسلام آباد ہائیکورٹ میں ہوگی۔
خسرہ وبا تیزی سے پھیلنے لگی،3 بچوں کی جان لے گئی
فواد چودھری کا کہنا تھا کہ عمران خان کے خلاف فیصلے آنے کے بعد تقریباً ڈیڑھ گھنٹہ علی امین گنڈا پور کی بانی پی ٹی آئی سے بات ہوئی ہے۔
بعد ازاں بیرسٹر گوہر نے یہ بیان دیا ہے کہ ہم مذاکرات کے لئے تیار ہیں، لگتا ہے کہ مذاکرات آگے بڑھیں گے اور تلخیاں کم ہوجائیں گی۔
.ذریعہ: City 42
کلیدی لفظ: فواد چودھری
پڑھیں:
پہلا وزیراعظم ہے جسے رشوت لینے پر نکالا گیا: مریم نواز
وزیراعلیٰ پنجاب مریم نواز شریف نے کہا ہے کہ طلباء کو کبھی نہیں کہوں گی کہ اپنے ملک پر حملہ کردو۔ہونہار اسکالرشپ پروگرام کے تحت چیکس تقسیم کی تقریب سے خطاب کرتے ہوئے وزیراعلیٰ پنجاب مریم نواز شریف نے کہا کہ آپ سب کو ہونہار اسکالر شپ جیتنے پر مبارکباد دیتی ہوں. جتنے آپ کے ماں باپ خوش ہیں میں اس سے زیادہ خوش ہوں. ہونہار اسکالرشپ پاکستان کی تاریخ کا سب سے بڑا پروگرام ہے، مجھے معلوم تھا پنجاب میں ہونہار بچوں کی کمی نہیں۔انہوں نے کہا کہ اوکاڑہ چھوٹا نہیں بلکہ خوبصورت اور میرے دل کے قریب ہے. آج آپ سے دل کی باتیں کرنے آئی ہوں، کبھی کبھی وزیر تعلیم پنجاب کو ڈانٹ بھی دیتی ہوں. مجھے نہیں پتہ تھا آپ لوگ اس محبت اور پیارسے استقبال کرو گے، لیپ ٹاپ کی پہلی شپمنٹ آگئی ہے میں خود آکرآپ کو دوں گی۔ان کا کہنا تھا کہ اگلے سال ایک لاکھ ای بائیکس طالبعلموں میں مفت تقسیم کروں گی، ریاست ماں کی طرح ہوتی ہے. پنجاب میں اس وقت 700 سڑکیں بن رہی ہیں، بہت جلد اوکاڑہ میڈیکل کالج بھی بنائیں گے، کسی بچے سے نہیں پوچھا آپ کا تعلق کس جماعت سے ہے، اوکاڑہ یونیورسٹی میں بورڈنگ کی سہولت قائم کی جائے گی. طلبا کو اسکالر شپ 100 فیصد میرٹ پر دی جارہی ہے۔مریم نواز شریف نے کہا کہ آئندہ سال 50 ہزار طلبا کو اسکالرشپ دی جائیں گی، اکیلے صوبے کے فیصلے نہیں کرسکتی آپ کا ساتھ چاہیے. صوبے کی ترقی کے لیے آپ میری طاقت بنیں، یہ دھرتی آپ کی ماں ہے اس سے وفاداری کرنے کا بہت بڑا صلہ ہے. ماں باپ کی دعاؤں سے میں آج وزیراعلیٰ کی کرسی پر بیٹھی ہوں. آج بھی ہر روز گھر سے نکلنے سے پہلے والد کو سلام اور دعا لے کر نکلتی ہوں. گھر واپس جاؤں تو پہلے والد کے کمرے میں جاکر انہیں سلام کرتی ہوں۔ وزیراعلیٰ پنجاب کا کہنا تھا کہ طلبا کو کبھی نہیں کہوں گی اپنے ملک پر حملہ کردو، ملک کو نفرت نہیں اتحاد کی ضرورت ہے. ملک کو انتشار اور فساد نہیں، امن کی ضرورت ہے.مخالفین نے جلسوں میں مجھ پر ذاتی تنقید کی، طلبا کو ہتھیار اٹھانے کا کبھی نہیں کہوں گی. جنہیں ورغلایا گیا وہ بچے آج جیلوں میں ہیں. نوجوان سوشل میڈیا پر آنکھیں بند کرکے یقین نہ کریں. نوجوانوں کو ورغلانے والا سکون کی نیند کیسے سوسکتا ہے؟انہوں نے مزید کہا کہ ہمیں چور کہا گیا، کہا گیا ملک کو لوٹ کر کھاگئے. تمام ترقیاتی منصوبوں پر نواز شریف کا نام ہے. نواز شریف نے کبھی ایک روپے کی کرپشن نہیں کی. مجھے اپنے والد کے ساتھ کھڑے ہونے کی سزادی گئی. آج اس پر خود چوری ثابت ہوگئی ہے. وہ خود رشوت لیتے رنگے ہاتھوں پکڑا گیا. پہلا وزیراعظم ہے جسے رشوت لینے پر نکالا گیا. بشریٰ بی بی نے ہیرے کی انگوٹھی مانگی، جب انتشار ختم ہوتا ہے تو پاکستان ترقی کرتا ہے۔
حکومت اور اسٹیبلشمنٹ نے دنیا بھر اپنا چہرہ داغدار کرا لیا،شعیب شاہین