خیبر پختونخوا: آن لائن ڈومیسائل کا حصول عذاب کیوں بن گیا؟
اشاعت کی تاریخ: 20th, January 2025 GMT
خیبر پختونخوا حکومت نے عوام کو سہولت دینے کے دعوے کے ساتھ گزشتہ سال جنوری میں آن لائن ڈومیسائل کا اجرا کیا تھا، لیکن یہ نظام اب عوام کے لیے مزید مشکلات کا باعث بن رہا ہے۔ قانون کے مطابق، ڈومیسائل 10 دنوں کے اندر جاری کرنا چاہیے، لیکن اب اس کے حصول میں مہینوں لگ جاتے ہیں۔
ڈومیسائل برانچ میں تعینات جونیئر کلرک احسن علی نے وی نیوز کو بتایا کہ سسٹم میں مسائل اور متعلقہ اہلکاروں کی مصروفیت سے اس عمل میں تاخیر ہوتی ہے۔
رائٹ ٹو پبلک سروس کے ڈسٹرکٹ مانیٹرنگ آفیسر سہیل احمد نے وی نیوز کو بتایا کہ حکومت کی طرف سے عوام کو نوٹیفائیڈ سروسز فراہم کرنے میں اگر کوئی ادارہ غفلت کا مظاہرہ کرتا ہے تو اس کی شکایات رائٹ ٹو پبلک سروس کے آفس میں درج کروائی جا سکتی ہے۔
ڈومیسائل تعلیمی اداروں میں داخلوں اور ملازمت کے حصول کے لیے ایک لازمی دستاویز ہے جس کا حصول بروقت یقینی بنانے کی ضرورت ہے۔
’بفہ پکھل‘ کے رہائشی بشیر احمد اور مانسہرہ کی رہائشی نبیلہ بی بی ڈومیسائل کے حصول میں مشکلات کے حوالے سے کیا کہتی ہیں؟ جانیے اس رپورٹ میں ۔۔۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.ذریعہ: WE News
پڑھیں:
ٹنڈوجام ،بازار رہائشی علاقے سیوریج کے پانی ڈوب گئے
ٹنڈو جام (نمائندہ جسارت)ٹنڈوجام کے گلیاں بازار تیسرے دن بھی سیوریج کے گندے پانی میں ڈوبے رہے تجارتی مارکیٹیں بند تاجر احتجاج کرنے صوبائی وزیر کے فارم ہاوس جا پہنچے میونسپل کارپورپشن کے خلاف بھی عوام کا احتجاج عوام پریشان گندے پانی کی وجہ سے بدبو پھیلانے لگی ۔ تفصیلات کے مطابق ٹنڈوجام رستم شہید روڑ عبدالستار ایدھی چوک کمار محلہ پاکستان چوک شاہی بازار اسٹیشن روڑ ایم ٹی ایم روڑ تالپور کاکالونی سمیت دیگر علاقے اور تجارتی مارکیٹیں تین دن سے ٹنڈوجام کی مین سیوریج لائن بیٹھ جانے کی وجہ سے گندے پانی میں ڈوبی ہوئیں ہیں اور میونسپل کارپورشن کا عملہ ابھی تک اسے تیار نہیں کر سکا ہے جس کی وجہ سے عوام اور تاجر برادری بڑی مشکلات کا شکار ہے انجمن تاجران برادری کے رہنما انورالحق وڑائچ کی قیادت میں آج تاجروں کا ایک وفد صوبائی سنیئر وزیر شرجیل انعام میمن کے فارم ہاوس پر ان سے ملاقات کرکے انھیں اس مسلے سے آگاہ کرنے کے لیے پہنچی تو انوار الحق کے مطابق ان کی آمد پر روارل ہاوس کا مرکزی دروازہ جو ہر وقت کھولا رہتا ہے اسے بند کر دیا اور ان سے ہاوس کے اندر سے کوئی ملاقات کرنے کے لیے نہیں پہنچا ان کے مطابق راول ہاوس میں ہر اتوار کو عوامی مسلے جاننے کے لیے ملاقات کی جاتی ہے لیکن آج ان پر یہ دروازہ بند ہے اور وہ یہاں پر ہی اپنا احتجاج ریکارڑ کرارہے اور صوبائی وزیر اور حلقے کے ایم پی اے سے درخواست کر رہے ہیں وہ ٹنڈوجام کی عوام کے مسلے حل کرنے پر خصوصی توجہ دیں اور بوسیدہ اور ناکار ہ سیوریج لائن کی جگہ نئی لائن ڈالنے کے لئے احکامات جاری کریں دوسری جانب میرکانی کالونی کے رہاشیوں نے بھی میڈیا سنٹر کے باہر مظاہرہ کیا اور کہا کہ بلدیہ کی ناہل کی وجہ سے پورا علاقہ پریشان ہے اگر وہ عوامی مسائل حل نہیں کر سکتے تو پھر مستفی ہو کر عوام پر رحم کریں تاکہ عوام اپنے مسائل کے حل کے لیے نئے نمائندے منتخب کر لے علاوہ ازیں سیوریج کے پانی کی وجہ والدین کے لیے بچوں کا اسکول بھیجنا مسلہ بن گئے ہے جب کہ اسکول کے میں دروازے پر سیوریج کا گندہ پانی کھڑا ہونے کی وجہ بچے اسکول آنے سے قاصر ہیں جب کہ اسٹاف کو اس گندے پانی سے گزر کر اپنی ڈیوٹی پر اسکول مٰیں پہنچنا پڑ رہا ہے۔
حکومت اور اسٹیبلشمنٹ نے دنیا بھر اپنا چہرہ داغدار کرا لیا،شعیب شاہین