دنیا نے بانی پی ٹی آئی کا اصل چہرہ دیکھ لیا وہ کرپٹ لیڈر ہیں،عطاتارڑ
اشاعت کی تاریخ: 20th, January 2025 GMT
لاہور (صباح نیوز) وفاقی وزیر اطلاعات و نشریات عطا تارڑ نے کہا ہے کہ 190ملین پاؤنڈ ملکی تاریخ کا سب سے بڑا ڈاکا تھا، ن لیگ کی حکومت آنے سے ملک میں مہنگائی کم ہوئی ہے، دنیا بھر میں پاکستانی اسٹاک مارکیٹ کی تعریف کی جارہی ہے، الیکشن میں جو وعدے کیے وہ آج پورے ہو رہے ہیں۔ عطا اللہ تارڑ نے حلقہ این اے 127 کی یونین کونسل 238 کے دورے کے دوران اپنے خطاب میں کہا کہ یہ کہتے ہیں کہ ہائی کورٹ میں کیس پر اپیل میں جائیں گے تو یہ جہاں مرضی جائیں، ان کے پاس 190 ملین پائونڈ کا جواب نہیں ہے۔ وفاقی وزیر اطلاعات و نشریات نے کہا کہ جس طرح میں نے پی ٹی آئی کی قانونی ٹیم کو چیلنج کیا تو کوئی سامنے نہیں آیا۔انہوں نے کہا کہ 190ملین پاؤنڈ ملکی تاریخ کا سب سے بڑا ڈاکا تھا، بند لفافے کی منظوری کرا کے اربوں روپے کی کرپشن کی گئی، 25 کروڑ کا گھر بنایا گیا، ہیرے کی انگوٹھیاں لی گئیں۔ وزیر اطلاعات نے کہا کہ جس روز عمران خان کو سزا ہوئی، اسٹاک مارکیٹ ایک ہزار پوائنٹس اوپر گئی، پی ٹی آئی نے سیاست کو زہر آلود کیا، یہ کہیں بھی چلے جائیں، ان کے پاس 190ملین پاؤنڈ کا جواب نہیں، اپنا جرم چھپانے کے لیے مذہب کارڈ استعمال کیا جارہا ہے۔ان کا کہنا تھا کہ میں نے جب سے سیاست شروع کی ہے تب سے یہ پوچھ رہا ہوں کہ عمران خان کا ذریعہ آمدن کیا ہے، ان کے پاس کون سی آمدنی آرہی تھی جس سے یہ 25 کروڑ کا گھر بنایا گیا یا فرحت شہزادی کو لے کر دی گئی۔ عطا تارڑ نے کہا کہ بانی کو 200کنال کی زمین کس نے دی اور کہاں سے آئی؟ دراصل یہ اس چیز کی رشوت تھی جو این سی اے نے پیسہ پاکستان کو دیا لیکن عمران خان اور ان کی اہلیہ نے یہ پیسہ ان ہی کے حوالے کردیا جس سے ضبط کیا گیا تھا، یہ تقریبا 80 سے 90 ارب کا گھپلا ہے۔
.ذریعہ: Jasarat News
کلیدی لفظ: نے کہا کہ
پڑھیں:
حامد صاحب!آپ سینئر وکیل ہیں، الفاظ کا چناؤ دیکھ کر کریں،آئینی بنچ نے بانی پی ٹی آئی کے وکیل کو تنبیہ کر دی
اسلام آباد(ڈیلی پاکستان آن لائن)سپریم کورٹ آئینی بنچ میں بانی پی ٹی آئی کی مبینہ انتخابی دھاندلی کیخلاف درخواست پرجسٹس جمال مندوخیل نے کہاکہ پہلے بھی انتخابات میں دھاندلی کا ایشو اٹھا تھا، انکوائری کیلئے آرڈیننس لانا پڑا تھا،کارروائی کااختیار ہمارے پاس نہیں تھا اس لئے آرڈیننس بنانا پڑا، 184کے تحت دائرہ اختیار عدالت کانہیں ہے،وکیل حامد خان نے کہا یہ عدالت کی کمزوری ہے کہ اب تک سوموٹو نہیں لے سکی،عدالت نے کہا کہ حامد صاحب!آپ سینئر وکیل ہیں، الفاظ کا چناؤ دیکھ کر کریں۔
نجی ٹی وی چینل دنیا نیوز کے مطابق سپریم کورٹ آئینی بنچ میں بانی پی ٹی آئی کی مبینہ انتخابی دھاندلی کیخلاف درخواست پر سماعت ہوئی،جسٹس امین الدین کی سربراہی میں بنچ نے سماعت کی،وکیل حامد خان نے کہا کہ آرٹیکل 184(3)میں دائرہ اختیار دیا گیا ہے یا نہیں،عدالت نے کہاکہ آپ سمجھتے ہیں کہ الیکشن کمیشن جانبدار ہے تو متعلقہ فورم پر جانا چاہئے تھا، جسٹس جمال مندوخیل نے کہاکہ فارم 45یا47میں فرق ہے تو کوئی ایک صحیح ہوگا، فارم کو جانچنے کیلئے پوری انکوائری کرنا ہوگی۔
سندھ اور پنجاب میں تیل و گیس کے شعبے سے خوشخبری
جسٹس محمد علی مظہر نے کہاکہ حامد صاحب!آپ آئندہ سماعت پر تیاری کے ساتھ آئیں،حامد خان نے کہا کہ میں اعتراضات در کرنے آیا تھا، آپ میرٹ پر بات کررہے ہیں،عدالت نے کہاکہ کیا خیبرپختونخوا سے بلوچستان تک ساراالیکشن ہی غلط تھا؟جسٹس جمال مندوخیل نے کہاکہ ہر حلقہ کی علیحدہ انکوائری ہوگی،ہر امیدوار اپنے حلقہ کے الزامات کا بتائے گا، پہلے بھی انتخابات میں دھاندلی کا ایشو اٹھا تھا، انکوائری کیلئے آرڈیننس لانا پڑا تھا،کارروائی کااختیار ہمارے پاس نہیں تھا اس لئے آرڈیننس بنانا پڑا، 184کے تحت دائرہ اختیار عدالت کانہیں ہے،وکیل حامد خان نے کہا یہ عدالت کی کمزوری ہے کہ اب تک سوموٹو نہیں لے سکی،عدالت نے کہا کہ حامد صاحب!آپ سینئر وکیل ہیں، الفاظ کا چناؤ دیکھ کر کریں،ڈپٹی اٹارنی جنرل نے کہاکہ معاملہ پر ڈپٹی سپیکر نے بھی ایک کمیٹی بنائی ہے،جسٹس جمال مندوخیل نے کہا کہ ہمارااس کمیٹی سے کوئی سروکار نہیں،عدالت نے بانی کے وکیل کو رجسٹرار آفس کے اعتراضات پر تیاری کیلئے وقت دیدیا۔
نیوگوادر ایئرپورٹ کا آج افتتاح،پہلی پرواز 46مسافروں کو لیکر روانہ
مزید :
عزیر بلوچ پولیس اہلکار سمیت 3افراد کے قتل کے مقدمے میں بری