جیکب آباد پولیو کے5 کیسز کا انکشاف ،محکمہ صحت پر سوال اٹھنے لگے
اشاعت کی تاریخ: 20th, January 2025 GMT
جیکب آباد( نمائندہ جسارت)جیکب آباد میں ای پی آئی اور نیشنل پروگرام پر 7ما ہ میں 71لاکھ سے زائد خرچ کرنے کے باوجود نتائج زیرو ،چار ماہ میں پانچ پولیو کیس رپورٹ ہونے کے بعد محکمہ صحت اور ضلع انتظامیہ کی کارکردگی پر سوال اٹھنے لگے ۔ تفصیلات کے مطابق جیکب آباد میں ای پی آئی اور نیشنل پروگرام میں رواں مالی سال کے 7ماہ میں 71 لاکھ سے زائد بجٹ سے خرچ کرنے کے باوجود نتائج زیرو ہیںچار ماہ میں پولیو کے جیکب آباد میں پانچ کیس رپورٹ ہونے کے بعد محکمہ صحت اور انتظامیہ کی کارکردگی پر سوال اٹھائے جارہے ہیں،قومی انسداد پولیو مہم میں ضلعی حکام کے دعوے بھی پانچ کیس کے بعد مشکوک ہو گئے ہیں،ملنے والے اعداد وشمار کے مطابق ای پی آئی پروگرام کے بجٹ سے صرف جنوری میں17لاکھ 65ہزار اور نیشنل پروگرام لیڈی ہیلتھ ورکر کے بجٹ سے 9لاکھ 38ہزار کا نکالے گئے ای پی آئی کے بجٹ سے جنوری میں فیول کی مد میں 8لاکھ 90ہزار ،تشہیر کے نام پر 2لاکھ 92ہزار ،ٹریولنگ الائونس ایک لاکھ 87ہزار ،متفرقہ خرچ ایک لاکھ 49ہزار ،ٹرانسپورٹ ایک لاکھ 49ہزار مشینری 68ہزار جبکہ لیڈی ہیلتھ ورکر کے بجٹ سے جنوری میں فیول کی مد میں 7لاکھ 50ہزار اور ٹرانسپورٹ کے نام پر ایک لاکھ39ہزار کا صفایا کیا گیا اتنا بجٹ خرچ کرنے کے باوجود بھی محکمہ صحت کوئی کارکردگی نہیں دکھا سکا ہے لاکھوں روپے ہر ماہ صرف کاغذوں میں خرچ کئے جانے کا انکشاف ہوا ہے اور عملہ فیلڈ میں جانے کے بجائے گھر بیٹھے کاغذوں کے پیٹ بھر کر سب اچھا ہے کہ سبق پڑھا رہے ہیں یہی وجہ ہے کہ پولیو وائرس ضلع میں پھیل گیا ہے اور چا رماہ میں پانچ کیس رپورٹ ہونے سے محکمہ صحت اور عملے کی کارکردگی کا پول کھل گیا ہے اور پولیو وائرس کے خاتمے کے لئے عالمی اداروں کی کوششیں اور فنڈس کا ضیاع ہو رہا ہے۔ اس سلسلے میں ڈی ایچ او جیکب آباد ڈاکٹر سراج سہتو سے مؤقف لینے کی کوشش کی گئی پران کا نمبر اٹینڈ نہ ہوا۔
.ذریعہ: Jasarat News
کلیدی لفظ: جیکب ا باد پی ا ئی کے بجٹ سے ایک لاکھ
پڑھیں:
9 مئی کیسز، اے ٹی سی کو 4 ماہ میں ٹرائل مکمل کرنے کی ہدایت
---فائل فوٹوسپریم کورٹ نے انسدادِ دہشت گردی کی عدالتوں کو 9 مئی کے مقدمات کو 4 ماہ میں ٹرائل مکمل کرنے کی ہدایت کر دی۔
سپریم کورٹ میں 9 مئی ضمانت منسوخی کیس کی سماعت چیف جسٹس پاکستان یحییٰ آفریدی کی سربراہی میں 3 رکنی بینچ نے کی۔
عدالت نے متعلقہ ہائی کورٹس کو ہر 15روز میں عمل درآمد رپورٹس پیش کرنے کی بھی ہدایت کر دی۔
نامزد ملزم رضوان مصطفیٰ کے وکیل کو ویڈیو لنک کے ذریعے پیش کیا گیا۔
سپریم کورٹ آف پاکستان نے پنجاب حکومت کی جسمانی ریمانڈ کی اپیل پر سابق گورنر پنجاب عمر سرفراز چیمہ کو نوٹس جاری کر دیا۔
درخواست گزار کے وکیل نے کہا کہ 143 گواہان ہیں، 4 ماہ میں ٹرائل مکمل نہیں ہو سکے گا۔
چیف جسٹس پاکستان نے کہا کہ آپ ذرا اونچی آواز میں پڑھیں، قانون کیا کہتا ہے، 1 ماہ اضافی دے کر 4 ماہ کا وقت اسی لیے دیا تاکہ ٹرائل مکمل ہو جائے۔
دورانِ سماعت خدیجہ شاہ کے وکیل سمیر کھوسہ بھی عدالت میں پیش ہوئے انہوں نے کہا کہ میری مؤکلہ 3 کیسز میں نامزد ہے۔
درخواست گزار کے وکیل نے کہا کہ عدالت آبزرویشن دے کہ انہیں مزید کیسز میں نامزد نہ کیا جائے، ہمارے حقوق متاثر نہ ہوں، تمام کیسز میں یہ آبزرویشن دے دیں۔
چیف جسٹس پاکستان نے کہا کہ بے فکر رہیں آپ کے حقوق متاثر نہیں ہوں گے، ہم آرڈر میں خصوصی طور پر لکھ دیں گے۔
خدیجہ شاہ کے وکیل نے کہا کہ بعض کیسز میں چالان کی کاپیاں فراہم نہیں کی جاتیں۔
چیف جسٹس پاکستان نے اسپیشل پراسیکیوٹر کو ہدایت کی کہ تمام ریکارڈ فراہم کیا جانا چاہیے۔
4 اینٹی کرپشن کورٹس میں ججز تعینات ، نوٹیفکیشن جاری کردیا گیا