حکمران کینال بنانے سے بازنہ آئے تو پنجاب کے راستے بند کردیں گے ،ڈاکٹرقادرمگسی
اشاعت کی تاریخ: 20th, January 2025 GMT
شہدادپور (نمائندہ جسارت) حکمرانوں کو سندھ دشمن فیصلے کرنے نہیں دے گے کینال بنانے سے باز نہ آئے تو پنجاب کے راستے بند کر دے گے۔سندو دریا پر کینال بنانے میں وفاق کے ساتھ آصف زرداری بھی ملوث ہے۔ ان خیالات کا اظہار سندھ ترقی پسند پارٹی کے چیئرمین ڈاکٹر قادر مگسی نے شہدادپور میں سندو دریا پر پنجاب کی ڈکیتی کے خلاف مہم سندھ ہماری ماں سندھو دریا ہمارا سانس ہے کے عنوان سے جاری عوامی شعور مہم کے احتجاجی جلسے سے خطاب کرتے ہوئے کہی۔انہوں نے کہا کہ سندھ کے وجود کو مٹانے اور یہاں کے 6کروڑ افراد کو مفلس کرنے کے لیے سندو دریا سے غیر قانونی کینال نکال کر پنجاب کی طرف رخ کر کے سندھ کے پانی پر قبضہ کیا جا رہا ہے۔سندھ کے پانی پر شہباز شریف کی حکومت کے سہولت کار آصف زرداری اور اقتدار پرست جاگیر دار سردار کر رہے ہیں۔انہوں نے مزید کہا کہ عوام کسی صورت اس منصوبے کو قبول نہیں کریں گے۔ہم اپنے سانس کے آخری دم تک مزاحمت کریں گے۔حکمرانوں کو یہ منصوبہ واپس لینے پر مجبور کر دے گے۔احتجاجی جلسے سے پارٹی رہنماؤں گلزار احمد سومرو، حیدر شاہانی، نثار علی کیریو، ہوت علی، ڈاکٹر سومار منگریو،امتیاز سموں اورخدا بخش درس ودیگر نے بھی خطاب کیا۔
.ذریعہ: Jasarat News
پڑھیں:
سیاست میں انتقام کا عنصر ملک و جمہوریت کیلئے نقصان دہ ہے،کاش سعید شیخ
کراچی (اسٹاف رپورٹر)امیر جماعت اسلامی سندھ کاشف سعید شیخ نے کہا ہے کہ سیاست میں انتقام کا عنصر ملک و جمہوریت کے لیے نقصاندہ ہے۔ عدل وانصاف کے بغیر کوئی ملک و معاشرہ آگے نہیں بڑھ سکتا۔ دریائے سندھ پر 6 نہروں کی تعمیر سے لیکر لاکھوں ایکڑ زمین کمپنی سرکار کے حوالے کرنا سندھ کے حقوق پر ڈاکہ ہے جو کہ ارسا قانون سمیت جمہوریت آئین اور عدل وانصاف کے برخلاف ہے۔ انہی ناانصافیوں کی وجہ سے ہمارا ملک دو حصوں میں تقسیم اور مشرقی پاکستان بنگلہ دیش بن گیا۔ حکمرانوں کے حوس اقتدار اور اسٹیبلشمنٹ کی چالاکیوں سے قومی جماعتوں میں بھی خدشات بڑھ رہے ہیں۔ ان خیالات کا اظہار انہوں نے 26 جنوری کو حیدرآباد میں منعقد ہونے والی پانی کانفرنس کی تیاریوں و اہداف کے جائزہ اجلاس سے خطاب کے دوران کیا۔صوبائی امیر کا مزید کہنا تھاکہ پانی کانفرنس ان شاء اللہ سندھ کے بڑے مسئلہ کے حل کی جانب پیش قدمی ثابت ہو گا اور عوام کے سامنے پیپلز پارٹی کا دوہرا معیار جو عوام دشمنی پر مبنی ہے سامنے لائے گا،اس موقع پر صوبائی نائب امیر محمد افضال آرائیں، جنرل سیکریٹری محممد یوسف، نائب قیمین مولانا آفتاب ملک ، سہیل احمد شارق،نواب مجاہد بلوچ ، الطاف ملاح اور لوئر سندھ کے ضلعی امراء موجود تھے۔
منہدم عمارتوں کی ازسرنو تعمیر سے شدید خطرات لاحق