میرپورخاص، محکمہ ایکسائزنارکوٹکس کی نااہلی،شراب کے اڈے قائم
اشاعت کی تاریخ: 20th, January 2025 GMT
میرپورخاص(نمائندہ جسارت)ایکسائز نار کوٹکس محکمہ کی نااہلی شہر بھر میں ایک درجن سے زائد گنجان آبادیوں والے علاقوں میں نجی شراب کے اڈے قائم روزانہ کی بنیاد پر نوجوانوں اور کم عمر لڑکوں کو بڑی تعداد میں شراب کی فروخت کے ساتھ واٹس اپ گروپ پر سپلائی جاری۔ تفصیلات کے مطابق شہر کے مختلف علاقوں میں نقلی شراب مسلمانوں اور خاص کر کم عمر نوجوانوں میں فروخت ہونے والے شراب اور گلیوں میں کھلے عام منی وائن شاپ کے خلاف نشاندہی کے باوجود کارروائیاں نہیں کی جا رہی۔ ذرائع کے مطابق چاندنی چوک پر مسجد سے 150 فٹ پر موجود شراب کی وائن شاپ سے سرعام مسلمانوں میں شراب فروخت کی اطلاعات ہیں اس کے علاوہ سیٹلائٹ ٹاؤن میں منو نامی شخص شراب واٹس اپ گروپ پر سپلائی جاری رکھے ہوئے ہے جبکہ این کے پمپ لفٹ مشین کے قریب خوشحال شراب فروش کھلے عام شراب فروخت کررہا ہے پاک کالونی میں دانش نامی شخص کھلے عام شراب فروخت کرنے میں ملوث ہونے کی اطلاعات ہیں جبکہ میر کا پلاٹ میں وشال نامی شخص شراب کی فروخت کررہا ہے اس کے علاوہ کھپرو ناکہ چوک کے اطراف میں گھنشام نامی شخص دو نمبر انگلش شراب فروخت کرنے میں ملوث ہیں۔ذرائع کے مطابق میرپورخاص شہر بھر کے علاوہ ضلع بھر کی دیگر تحصیلوں میں بھی نجی غیر قانونی وائن شاپ کے خلاف کارروائی عمل میں نہیں لائی جارہی ہے کارروائی نہ ہونے کے سبب نوجوان نسل کی رگوں میں زہر شامل کیا جارہا ہے تو دوسری جانب یہ نوجوان اور شراب کے موالی شراب پی کر سڑکوں اور محلوں میں غل غپاڑہ کرتے نظرآتے ہیں ۔شہری حلقوں نے محکمہ ایکسائز نارکوٹکس کے صوبائی وزیر ،ڈی جی نارکوٹکس سمیت آئی جی سندھ ،ڈی آئی جی اور ایس ایس پی میرپور خاص سے مطالبہ کیا ہے کہ شہر کے گنجان آبادیوں میں چلنے والے غیر قانونی وائن شاپ کو فوری طور پر ختم کرکے اس گھنائونے کام میں ملوث افراد کے خلاف کارروائی عمل میں لائی جائے۔
.ذریعہ: Jasarat News
کلیدی لفظ: وائن شاپ
پڑھیں:
کولن منرو نے پی ایس ایل میں نیا ریکارڈ قائم کر دیا
پی ایس ایل سیزن دس کے افتتاحی میچ میں اسلام آباد یونائیٹڈ نے لاہور قلندرز کو آٹھ وکٹوں سے شکست دے کر ایونٹ کا فاتحانہ آغاز کیا راولپنڈی اسٹیڈیم میں کھیلے گئے اس میچ میں اسلام آباد یونائیٹڈ نے لاہور قلندرز کی جانب سے دیا گیا ایک سو چالیس رنز کا ہدف اٹھارویں اوور میں حاصل کر لیا میچ کے ہیرو اسلام آباد یونائیٹڈ کے جارح مزاج اوپنر کولن منرو رہے جنہوں نے بیالیس گیندوں پر انسٹھ رنز کی ناقابل شکست اننگز کھیل کر ٹیم کی فتح میں مرکزی کردار ادا کیا اس اننگز کے دوران انہوں نے نہ صرف لاہور کی بولنگ لائن اپ کو بے بس کیا بلکہ پی ایس ایل میں ایک نیا ریکارڈ بھی قائم کیا کولن منرو اب پاکستان سپر لیگ کی تاریخ میں سب سے زیادہ نصف سنچریاں بنانے والے غیر ملکی کھلاڑی بن گئے ہیں لاہور کے خلاف ان کی یہ تیرہویں ففٹی تھی جس کے ساتھ انہوں نے کوئٹہ گلیڈی ایٹرز کے سابق کپتان رائلی روسو کا بارہ نصف سنچریوں کا ریکارڈ توڑ دیا پی ایس ایل میں سب سے زیادہ ففٹی اسکور کرنے والے غیر ملکی بیٹرز کی فہرست میں کولن منرو کے علاوہ لوک رونکی جیسن رائے اور شین واٹسن جیسے نامور کھلاڑی بھی شامل ہیں منرو کی اس شاندار کارکردگی سے نہ صرف ٹیم کو قیمتی کامیابی ملی بلکہ انہیں ایک نیا سنگ میل عبور کرنے کا اعزاز بھی حاصل ہوا
ٹریفک انجینیئرنگ بیورو میئر کراچی کو سونپنے، ہیوی گاڑیوں کی حد رفتار 30 مقرر کرنے کا اعلان