پنشن کو کم از کم اجرت کے برابرکیاجائے‘ خالد خان
اشاعت کی تاریخ: 20th, January 2025 GMT
نیشنل لیبر فیڈریشن کراچی کے صدر خالد خان نے کہاکہ E.O.B.I سب جانتے ہیں کہ اس ادارہ میں اربوں روپے کی کرپشن کی گئی اور محنت کشوں کو بڑھاپے میں ملنے والی سہو لت سے بھی محروم کیاجارہاہے ادارہ کے چیئرمین اور بڑے افسران محل نمادفتروں میں بیٹھ کر عیاشیا ں کررہے ہیں اور ساتھ ہی ساتھ بڑی بڑی گاڑیوںکی کرپشن بھی کررہے ہیں جب کہ ان کا اصل کام فیکٹریوں اوراداروں میں کام کرنے والے ہر محنت کش کارجسٹریشن کرناہے تاکہ بڑھاپے میں اُس کو کچھ مالی سہارا مل سکے لیکن شومی قسمت کہ یہاں بھی مزدوروں کے ساتھ نازیباسلوک روا رکھا گیا ہے۔ رجسٹریشن کاعمل انتہائی سست اور ملی بھگت کے ساتھ کیا جاتا ہے۔ پنشن بک انتہائی دشواریوں کے بعد دی جاتی ہے جب کہ پروجیکٹرپر بریفنگ بڑی خوش نمادکھائی جاتی ہے ۔
آج بھی ہمارے ملک کے بزرگ پنشنرز
دربدرکی ٹھوکریں کھا رہے ہیں کوئی بھی ان بزرگ محنت کش پر رحم نہیں کھاتا پنشنرز کا پر سان حال نہیں۔ آج بھی ایک محنت کش اپنی فیکٹری سے اپنی عمرکے 60 سال پورے کرنے کے بعدجب EOBI کے ریجنل آفس سے رجوع کرتاہے تو اس عمررسیدہ شخص کو EOBI کے نمائندے کسی بھی طرح کا کوئی بھی تعاون نہیں کرتے ان کو صحیح معلومات بھی نہیں دی جاتی بلکہ ان بزرگ رہنما ئوں سے باربار ریجنل آفس کے چکرلگواتے ہیں۔ ان کی ماہانہ پنشن کے حوالے سے خاطرخواہ جواب نہیں دیتے بلکہ یوں کہیے کہ ان بوڑھے پنشنرزکے ساتھ بدتمیز ی سے پیش آتے ہیں۔
پنشن کومینمم ویج سے منسلک کیا جائے:۔ موجودہ مہنگائی میں10 ہزارروپے پنشن بہت کم ہے ۔قانون میں جوفارمولادیاہے اس کے مطابق بھی پنشن نہیں ملتی۔پنشن کو حاضروقت منیمم ویج کے برابر کیا جائے اورمینم ویج کی طرح ہرسال اضافہ کو یقینی بنایاجائے ۔
قانون میں ہے کہ اگرکسی بھی جگہ پر 5 یااس سے زیادہ مزدورکام کررہے ہیں تووہ رجسٹرہونا چاہیے یہEOBI کے ادارے کی ذمہ داری ہے کہ بڑے بڑے صنعتوں اور کاروباری اداروں کی رجسٹریشن کو یقینی بنائیں۔ جب کہ ایسانہیں بلکہ ہزاروں ملازمین کام کرتے ہیں اورچند سوملازمین رجسٹرڈ ہیں۔ جیسا کہ ایکسائیڈ بیٹری سائٹ ایریا فیروز ٹیکسٹائل ملز، لکی ٹیکسٹائل ملز، ارٹیسٹک ملز، ڈینم کلاتھنگ وغیرہ ماربل سیکٹر، پاور لومز، ہوزری گارمینٹس فیکٹریاں، بیکریاں اور نجی سیکورٹی گارڈ وغیرہ کمپنیاںشامل ہے ۔
پنشنرز کو دشواریوں کاسامنا :۔ محنت کشوںکو پنشن کیسوں میں غیر ضروری کاغذات طلب کرنے اورباربارچکرلگوانے کے عمل کی روک تھام کی جائے اور45 دن کا جو ٹائم دیتے ہیںاسی کے اندرپنشن بک ملنی چاہیے۔
لہٰذا نیشنل لیبرفیڈریشن موجودہ وفاقی حکومت سے یہ مطالبہ کرتی ہے کہ بوڑھے محنت کشوں ،بیوائوں اوریتیموں پررحم کھایا جائے اور انہیں ذلیل ورسوا ہونے سے بچایاجائے EOBI سے متعلق ان اہم مسائل پر غور وفکر کرتے ہوئے ان کو فوری حل کیاجائے۔ نیشنل لیبر فیڈریشن بوڑھے محنت کش پنشنرز کو تنہانہیں چھوڑے گی۔ NLF ان کے ساتھ شانہ بشانہ کھڑی ہے ۔ مزدوراس ادارہ سے بھی مایوس ہیں اس ادارے پر بھی خاص توجہ دے کر مزدوروں کی تیز ترین رجسٹریشن کرائی جائے اورسرمایہ داروں کے ظلم وبربریت سے نجات دلائی جائے۔
.ذریعہ: Jasarat News
پڑھیں:
وقف بل کے خلاف قرارداد نہ لانے کیلئے نیشنل کانفرنس کو وضاحت کرنی چاہیئے، التجا مفتی
پی ڈی پی کی لیڈر کا کہنا تھا کہ نیشنل کانفرنس اور بی جے پی کیساتھ پہلے مفاہمت تھی کہ ہم وقف پر بات نہیں کرینگے۔ اسلام ٹائمز۔ جموں و کشمیر پیپلز ڈیموکریٹک پارٹی (پی ڈی پی) کی لیڈر التجا مفتی نے وقف بل پر نیںشنل کانفرنس (این سی) کو شدید تنقید کا نشانہ بناتے ہوئے کہا کہ این سی نیلامی میں اوقاف کی جائیدادیں اپنے لوگوں کو دیا کرتی تھی۔ انہوں نے کہا کہ ڈاکٹر فاروق عبدللہ کو بتانا چاہتے ہیں کہ جب تین دن اسمبلی چل رہی تھی ان کے بیٹے جو وزیراعلٰی ہیں ان دنوں کہاں تھے۔ ان کا الزام ہے کہ بی جے پی اور این سی کے درمیان یہلے ہی مفاہمت تھی کہ ہم وقف بل پر بات نہیں کریں گے۔ التجا مفتی جو کہ پی ڈی پی کی صدر محبوبہ مفتی کی بیٹی بھی ہے نے ان باتوں کا اظہار منگل کو میڈیا نمائندوں کے سوالوں کے جواب دینے کے دوران کیا۔ وقف بل ڈاکٹر فاروق عبدللہ کے ایک بیان پر انہوں نے کہا کہ جب پہلے وقف کی نیلامی ہوتی تھی تو نیںشنل کانفرنس کے وقف جائیداد اپنے لوگوں کو دیتی تھی۔
ان کا کہنا تھا ڈاکٹر فاروق عبدللہ کو بتانا چاہتے کہ آج ان کا بیٹا وزیراعلٰی ہے، جب اسمبلی تین دنوں تک چلی، وقف بل کے خلاف قراردادیں لانے نہیں دی گئیں۔ اس وقت وہ کیا کررہے تھے وہ ٹولیپ گارڈن میں کرن رجیجو کے ساتھ ٹہل رہے تھے۔ انہوں نے کہا کہ نیشنل کانفرنس کا وزیراعلٰی ہے ان کے پاس 50 ارکان اسمبلی ہیں جبکہ کرناٹک، مغربی بنگال اور تامل ناڈو نے اس بل کے خلاف قراردادیں لانے کا فیصلہ لیا۔ ان کا کہنا تھا کہ این سی اور بی جے پی کے ساتھ پہلے مفاہمت تھی کہ ہم وقف پر بات نہیں کریں گے۔ انہوں نے کہا کہ ڈاکرفاروق کو واضح کرنا چاہیئے کہ ان کہ پارٹی نے اسمبلی میں وقف بل کے خلاف قرار داد کیوں نہیں لائی۔
التجا مفتی نے کہا کہ جموں و کشمیر میں واحد مسلم اکثریتی ریاست ہے نہ صرف جموں و کشمیر کے لوگوں کی بلکہ ملک بھر کے مسلمانوں کی نظریں ہماری طرف ہیں لیکن حکومت نے ان کے حوصلے پست کئے ہیں۔ پی ڈی پی کی لیڈر نے کہا کہ جموں و کشمیر ملک کی واحد مسلم اکثریتی ریاست ہے نہ صرف جموں و کشمیر کے لوگوں کی بلکہ ملک بھر کے مسلمانوں کی نظریں ہماری طرف ہیں لیکن حکومت نے ان کے حوصلے پست کئے ہیں۔ انہوں نے کہا کہ عدالت میں زیر سماعت معاملہ کہنا ایک بہانہ ہے۔
پارٹی رہنماوں کے ایک دوسرے پر الزامات، عمران خان نے وارننگ دیدی