ورلڈ بینک سے 137 ملین کا پروجیکٹ لائیواسٹاک شعبے کو مزید مستحکم کرے گا ، ناصر شاہ
اشاعت کی تاریخ: 20th, January 2025 GMT
کراچی (اسٹاف رپورٹر) صوبائی وزیر توانائی ترقی و پلاننگ سید ناصرحسین شاہ نے کہا ہے کہ سندھ حکومت اس پورے ریجن میں پبلک پرائیویٹ پارٹنرشپ میں بہت ہی اچھی کارکردگی کے ساتھ چھٹے نمبر پر ہے، چیئرمین بلاول اور وزیراعلیٰ سندھ سیدمراد علی شاہ صاحب کے ویژن ہی کے تحت حال ہی میں ورلڈ بینک سے 137 ملین کا پروجیکٹ لائیو اسٹاک شعبے کو مزید مستحکم کرنے کے لیے لایا گیا ہے۔ ان خیالات کا اظہار انہوں نے سندھ لائیو اسٹاک ایکسپو کی اختتامی تقریب سے خطاب کرتے ہوئے کیا۔ انہوںنے کہاکہ محکمہ لائیواسٹاک کو اتنا بڑا ایکسو منعقد کرنے پر مبارکباد پیش کرتا ہوں۔ انہوں نے کہا کہ لائیواسٹاک ایکسپو کا دورہ کرکے احساس ہوا کہ اتنی بڑی تعداد میں لوگ آئے اور تین دنوں میں دس لاکھ سے زائد لوگوں نے مویشی نمائش دیکھی۔ انہوں نے کہا کہ اس ایکسپو کے دوران کسانوں، بریڈرس اور سرمایہ داروں کا ایک دوسرے کے ساتھ ملنا اور ایک ساتھ مل کر اس شعبے میں کام کرنے کا موقع ملا ہے۔
.ذریعہ: Jasarat News
پڑھیں:
صدر زرداری اگلے ماہ چین کا دورہ کریں گے: وزیراعلیٰ سندھ
وزیر اعلیٰ سندھ مراد علی شاہ--- فائل فوٹووزیراعلیٰ سندھ سید مراد علی شاہ نے کہا ہے کہ صدرِ مملکت آصف علی زرداری اگلے مہینے چین کے دورے پر روانہ ہوں گے۔
کراچی میں واقع ایکسپو سینٹر میں لائیو اسٹاک نمائش میں شرکت کے دوران وزیراعلیٰ سید مراد علی شاہ نے کہا کہ یہ ایک موقع ہے کہ لائیو اسٹاک کاروبار والے معلومات کا تبادلہ کریں۔
انہوں نے کہا کہ فوڈ سیکیورٹی کے لیے مواقع سے فائدہ اٹھانا چاہیے، جھینگے کی فارمنگ اور ایکسپورٹ بڑھانے کی ضرورت ہے۔
وزیراعلیٰ سندھ نے کہا کہ اگر نوجوانوں اور وسائل پر توجہ دیں تو آئی ایم ایف پروگرام سے نکل جائیں گے۔
کراچی لائیو اسٹاک سندھ کے تحفظ اور ترقی کیلئے...
مراد علی شاہ نے مزید بتایا کہ باہر سے آنے والی ویکسین سستے میں بنا رہے ہیں۔
تقریب میں شامل صوبائی وزیر لائیو اسٹاک محمد ملکانی کا کہنا تھا کہ نمائش کا مقصد نظر انداز شعبے کی طرف توجہ دلوانا ہے۔
سیکریٹری لائیو اسٹاک کاظم جتوئی نے کہا کہ ایف ایم ڈی کے علاوہ تمام ویکسین سندھ میں بنا رہے ہیں۔
پی پی حکومت کے ہاتھوں کراچی میں تعلیمی نسل کشی نہیں ہونے دینگے، منعم ظفر