گرچرن سنگھ اسپتال سے ڈسچارج: ’سر پر بہت قرضے ہیں، دعاوں کی ضرورت ہے‘
اشاعت کی تاریخ: 19th, January 2025 GMT
ممبئی : مقبول سیریل "تارک مہتا کا الٹا چشمہ" میں روشن سنگھ سودھی کا کردار ادا کرنے والے اداکار گرچرن سنگھ اسپتال سے ڈسچارج ہو گئے ہیں۔
مداحوں میں اداکار کی طبیعت کو لے کر تشویش پائی گئی تھی، لیکن اب وہ صحت مند ہیں اور گھر واپس آ گئے ہیں۔
گرچرن سنگھ نے اپنے انسٹاگرام اکاؤنٹ پر ایک ویڈیو کے ذریعے مداحوں کو اپنی صحت کے بارے میں آگاہ کیا۔ ویڈیو میں انہوں نے کہا، "دوستوں، میں گھر پر ہوں۔ ٹھیک ہوں۔ میری خواہش ہے کہ میں دوبارہ اپنے پیروں پر کھڑا ہو جاؤں۔"
ویڈیو میں گرچرن نے اپنی مالی مشکلات پر بھی بات کی۔ انہوں نے کہا، "حالات ایسے ہیں کہ مالی طور پر آپ سب سمجھ سکتے ہیں۔ سر پر بہت قرضے ہیں جو اتارنے ہیں۔ آپ سب کی دعاؤں اور سپورٹ سے سب ممکن ہوگا۔"
گرچرن سنگھ کو حالیہ دنوں میں شدید حالت میں اسپتال داخل کرایا گیا تھا۔ ان کے قریبی دوست بھکتی سونی نے انکشاف کیا کہ گرچرن نے اسپتال میں داخل ہونے سے پہلے 19 دن تک کھانا اور پانی نہیں لیا تھا۔
گرچرن نے مداحوں سے اپیل کی کہ وہ ان کے لیے دعا کریں اور ان کی مالی مشکلات کے اس مشکل وقت میں انہیں سپورٹ کریں۔ انہوں نے کہا، "دل سے کام کرنا چاہتا ہوں، محنت کرنا چاہتا ہوں۔ آپ سب کے سپورٹ سے ہی یہ ممکن ہوگا۔"
.
ذریعہ: Express News
کلیدی لفظ: گرچرن سنگھ
پڑھیں:
شادی کی ویڈیوز شیئرسے متعلق اداکار گوہر رشیدنے بڑی بات بتا دی
اداکار گوہر رشید نے واضح کیا ہے کہ انہوں نے سوشل میڈیا پر شادی کی جو مبہم ویڈیوز شیئر کی تھیں، ان کی حقیقت سے متعلق وہ جلد مداحوں کو آگاہ کریں گے۔
گوہر رشید نے انسٹاگرام پر چند مبہم ویڈیوز شیئر کی تھیں، جن میں انہیں کبریٰ خان، اشنا شاہ اور علی رحمٰن سمیت دیگر اداکاروں کے ہمراہ شادی تقریبات کے لیے ڈانس کی تیاریاں کرتے دیکھا گیا۔اداکار نے ڈانس تیاریوں کی ویڈیوز کو شیئر کرتے ہوئے ’میرے یار کی شادی‘ جیسے ہیش ٹیگز بھی استعمال کیے۔ان کی جانب سے ویڈیوز کو شیئر کیے جانے کے بعد سوشل میڈیا پر افواہیں پھیلیں کہ وہ خود جلد اداکارہ کبریٰ خان سے شادی کے بندھن میں بندھنے والے ہیں۔
ان کی ویڈیوز وائرل ہونے کے بعد ایک شوبز ویب سائٹ نے بھی اپنے ذرائع سے دعویٰ کیا کہ گوہر رشید اور کبریٰ خان فروری 2025 تک شادی کے بندھن میں بندھ جائیں گے۔بعد ازاں گوہر رشید کی نکاح خواں کی موجودگی میں کاغذات پر دستخط کرنے کی ایک ویڈیو بھی وائرل ہوئی تھی۔
اب انہوں نے ایک مختصر انٹرویو میں بتایا ہے کہ وہ جلد ہی شیئر کی گئی مبہم ویڈیوز کی حقیقت سے متعلق مداحوں کو آگاہ کریں گے۔کراچی میں ایک تقریب کے دوران صحافی ملیحہٰ رحمٰن سے مختصر بات میں گوہر رشید نے کہا کہ ابھی وہ مذکورہ معاملے پر کچھ نہیں کہ سکتے لیکن جلد ہی وہ مداحوں کو حقیقت سے آگاہ کریں گے۔
انہوں نے واضح کیا کہ مذکورہ مبہم ویڈیوز کسی ڈرامے یا فلم کی شوٹنگ کی نہیں تھیں بلکہ ان کے کسی یار کی شادی کی تیاریوں اور تقریبات کی ہیں۔گوہر رشید نے کہا کہ وہ جلد ہی مداحوں کو اس حقیقت سے آگاہ کریں گے کہ ان کی جانب سے شیئر کردہ مبہم ویڈیوز ان کے کس یار کی شادی کی تھیں۔
وزیراعلی سندھ نے وزیراعظم کو خط لکھ کر نیشنل ہائی وے اتھارٹی کی جانب سے سندھ کے لیے کم فنڈز مختص کرنے پر احتجاج کیا