سندھ میں کورونا اور H1N1 کے کیسز میں اضافہ، ڈی ایچ اوز کو فوری اقدامات کی ہدایات
اشاعت کی تاریخ: 19th, January 2025 GMT
کراچی:
سندھ میں کورونا اور ایچ ون این ون کے کیسز میں اضافے کے پیش نظر ڈی جی ہیلتھ سروسز سندھ نے تمام ڈسٹرکٹ ہیلتھ آفسیرز کو فوری اقدامات کی ہدایات جاری کردی۔
ہدایت کے مطابق تمام مراکز صحت میں کورونا اور ایچ ون این ون کی سخت نگرانی کو یقینی بنایا جائے تاکہ کسی بھی کیس کا جلد پتہ چل سکے اور فوری علاج فراہم کیا جا سکے، مشتبہ اور تصدیق شدہ کیسز کی بروقت رپورٹنگ کی جائے۔
ہدایات میں کہا گیا ہے کہ اسپتالوں میں عملے کے لیے حفاظتی سامان (PPE) کی دستیابی کو یقینی بنایا جائے تاکہ صحت کے کارکن محفوظ رہیں اور انفیکشن کا پھیلاؤ روکا جا سکے۔ویکسینیشن کے فوائد کو عوام تک پہنچانے کے لیے کمیونٹی میں شعور اجاگر کیا جائے تاکہ لوگ ویکسینیشن کروا سکیں۔
سرکاری اور نجی صحت مراکز میں انفیکشن کنٹرول کے مؤثر اقدامات نافذ کیے جائیں تاکہ بیماری کا پھیلاؤ روکا جا سکے۔عوامی آگاہی مہم شروع کی جائے جس میں ماسک پہننے، ہاتھ دھونے اور سماجی فاصلہ رکھنے پر زور دیا جائے تاکہ لوگوں کو بیماری سے بچنے کے طریقوں سے آگاہ کیا جا سکے۔
کورونا اور ایچ ون این ون کی علامات کے بارے میں آگاہی پھیلائی جائے تاکہ لوگ بروقت علاج حاصل کر سکیں اور بیماری کے پھیلاؤ کو روکا جا سکے۔
ہر ہفتے کیسز اور ان پر کیے گئے اقدامات کی تفصیلی رپورٹ متعلقہ اداروں کو بھیجی جائے تاکہ صورتحال کا جائزہ لیا جا سکے اور فوری اصلاحی اقدامات کیے جا سکیں۔
محکمہ صحت نے ان تمام اقدامات کی سختی سے پیروی کرنے کی تلقین کی ہے تاکہ عوام کی صحت کا تحفظ ممکن بنایا جا سکے۔
.ذریعہ: Express News
کلیدی لفظ: کورونا اور اقدامات کی جائے تاکہ جا سکے
پڑھیں:
مارگلہ ویو پوائنٹ پر عوام کو کون سی سہولیات مہیا کی جائیں گی؟
مارگلہ کی پہاڑی چوٹی پر واقع مونال اور دیگر ریسٹورنٹس کو مکمل طور پر مسمار کر دیا گیا ہے لیکن عمارتوں کا ملبہ ہٹائے جانے کا سلسلہ ابھی جاری ہے۔
وائلڈ لائف مینجمنٹ کے ایک ممبر نے نام ظاہر نہ کرنے کی شرط پر وی نیوز کو بتایا کہ مونال ریسٹورنٹ کی جانب سے مارگلہ ہلز پر جان بوجھ کر گندگی پھیلائی جا رہی ہے تاکہ یہ تاثر دیا جا سکے کہ جب وہ خود یہاں تھے تو انہوں نے اس جگہ کو بہت صاف ستھرا رکھا ہوا تھا اور ریسٹورنٹ ختم ہونے کے بعد سے گندگی میں اضافہ ہورہا ہے۔
یہ بھی پڑھیں: مارگلہ ہلز پر دیگر ریسٹورنٹس بھی مسمار کیے جائیں، سپریم کورٹ نے اعتراض پر رپورٹ طلب کرلی
منصور شیروانی اسلام آباد سے تعلق رکھتے ہیں اور وہ مارگلہ ہلز و وائلڈ لائف کے حوالے سے لوگوں کو آگاہی دیتے ہیں۔ انہوں نے وی نیوز کو بتایا کہ مونال اور دیگر ریسٹورنٹس کی جگہ پر جو نیا منصوبہ بنایا جا رہا ہے اس کا مقصد مارگلہ ہلز نیشنل پارک کی پہاڑی چوٹی کو بحال کرنا، وہاں کے قدرتی ماحول کو محفوظ کرنا، اس ٹیریٹری میں موجود جانوروں کو محفوظ کرنا اور عوام کو ایک صحت افزا تفریحی مقام فراہم کرنا ہے۔
منصور شیروانی نے کہا کہ اس کو مارگلہ ویو پوائنٹ بنایا جائے گا جس کے لیے وہاں صفائی کرواکر پودے بھی لگائے جائیں گے، عوام کے لیے بینچز کی تنصیب ہوگی، ایک تالاب بنایا جائے گا، ایک فرسٹ ایڈ روم بنایا جائے گا اور مختلف بورڈز نصب کیے جائیں گے جن پر مارگلہ میں موجود جانوروں اور پودوں کے بارے میں معلومات درج ہوں گی۔
مزید پڑھیے: مونال کی بندش کے بعد، مارگلہ ہلز پر کون سا نیا منصوبہ شروع کیا جارہا ہے؟
انہوں نے کہا کہ ’یہ پروجیکٹ ابھی مکمل نہیں ہوا لیکن جب ہو جائے گا تو یہ دنیا کے بہترین ویو پوائنٹس میں سے ایک ہوگا اور ہر شخص بلاتفریق یہاں آکر قدرتی ماحول سے لطف اندوز ہو سکے گا‘۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام اباد مارگلہ پہاڑیاں مارگلہ نیشنل پارک مارگلہ ہلز مارگلہ ویوپوائنٹ مونال
پی ٹی آئی دورِ حکومت میں معیشت کو تباہ کن نقصان پہنچایا گیا، شہباز شریف