وزیراعظم شہباز شریف کی میاں نواز شریف سے ملاقات، اہم امور پرمشاورت
اشاعت کی تاریخ: 19th, January 2025 GMT
وزیراعظم محمد شہباز شریف نے جاتی امرا میں اپنے بھائی اور مسلم لیگ (ن) کے سربراہ میاں محمد نواز شریف سے ملاقات کی ہے، ملاقات میں دونوں رہنماؤں نے اہم سیاسی و قومی اہمیت کے امورپرتبادلہ خیال کیا ہے۔
اتوار کو مسلم لیگ ن لاہور کی جانب سے جاری پریس ریلیز میں کہا گیا ہے کہ وزیراعظم محمد شہباز شریف نے مسلم لیگ ن کے سربراہ میاں محمد نواز شریف سے جاتی امرا میں ملاقات کی ہے جس میں وزیر اعظم میاں محمد شہباز شریف نے میاں نواز شریف کو ملک کی موجودہ سیاسی ومعاشی صورت حال سے آگاہ کیا اوراہم امور پرمشاورت کی ہے۔
پریس ریلیز کے مطابق وزیراعظم میاں محمد شہباز شریف نے میاں نواز شریف کو بتایا کہ ملک کی معاشی بدحالی دور کرنے کے لیے حکومت کی کوششیں رنگ لائی ہیں، اب ملک میں مہنگائی کے بڑھتے ہوئے گراف میں خاطر خواہ کمی آئی ہے۔
اس موقع پر مسلم لیگ (ن) کے صدر میاں محمد نواز شریف نے مہنگائی میں کمی اورعوام کو ریلیف کی فراہمی کے لیے حکومتی اقدامات اور کوششوں پراطمینان کا اظہار کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امور اہمیت بے روزگاری پاکستان جاتی امرا حکومت سیاسی و قومی مسلم لیگ ن مشاورت مہنگائی میاں شہباز شریف نواز شریف وزیر اعظم وی نیوز.ذریعہ: WE News
کلیدی لفظ: اہمیت بے روزگاری پاکستان جاتی امرا حکومت سیاسی و قومی مسلم لیگ ن مشاورت مہنگائی میاں شہباز شریف نواز شریف وی نیوز محمد شہباز شریف نے میاں محمد نواز شریف مسلم لیگ
پڑھیں:
اوورسیز پاکستانیز کنونشن: وزیراعظم شہباز شریف نے کونسے اہم اعلانات کیے؟
اورسیز پاکستانیز کنونشن کے تیسرے روز تقریب میں وزیراعظم محمد شہباز شریف اور آرمی چیف جنرل سید عاصم منیر سمیت اہم سیاسی و سماجی شخصیات نے شرکت کی۔
اس کنونشن میں دنیا بھر میں مقیم 1200 سے زائد اوورسیز پاکستانی شریک ہیں جو اس تقریب کے لیے خصوصی طور پر پاکستان پہنچے ہیں۔
اوورسیز پاکستانیز کنونشن سے خطاب کرتے ہوئے وزیراعظم پاکستان شہباز شریف نے اوورسیز پاکستانیوں کی خدمات کو سراہتے ہوئے ان کے لیے کچھ اہم اعلانات کیے۔ وہ اعلانات کیا ہیں؟ آئیے جانتے ہیں۔
سمندر پار پاکستانیوں کے لیے خصوصی عدالتوں کا قیاموزیراعظم شہباز شریف نے سمندر پار پاکستانیوں کے مقدمات کے لیے خصوصی عدالتیں قائم کرنے کا اعلان کردیا۔
اوورسیز پاکستانیز کنونشن سے خطاب میں شہباز شریف کا کہنا تھا کہ سمندر پار پاکستانیوں کے لیے اسلام آباد میں خصوصی عدالتیں قائم کر دی گئی ہیں اور پنجاب میں کام جاری ہے۔
انہوں نے کہا کہ دوسرے صوبے بھی خصوصی عدالتوں پر کام کریں گے اور سمندر پار پاکستانی ویڈیو لنک پر پیش ہوسکیں گے۔
تمام یونیورسٹیوں میں اوورسیز بچوں کے لیے 5 فیصد کوٹہ مختصوزیر اعظم نے اعلان کیا کہ تمام یونیورسٹیوں میں سمندر پار پاکستانیوں کے بچوں کا 5 فیصد کوٹہ مختص کیا جارہا ہے۔
جامعات میں 10 ہزار سیٹوں میں سے 5 فیصد نشستیں اوورسیز پاکستانیوں کی ہوں گی اور میڈیکل کالجز میں اوور سیزپاکستانیوں کا کوٹہ 15 فیصد ہوگا۔
وزیراعظم کاکہنا تھا کہ اوورسیز پاکستانیوں کے 3 ہزار بچوں کو میڈیکل کالج میں داخلہ دیا جائے گا۔ اوورسیز پاکستانیوں کے 5 ہزار بچوں کو ہنر سکھایا جائے گا۔ اورسیز پاکستانیوں کے لیے سرکاری ملازمتوں میں عمرکی حد میں 5 سال کی چھوٹ ہے۔
میر پور خاص میں بین الاقوامی ایئرپورٹ کا حکمان کا کہنا ہے کہ پنجاب میں ان لائن سیل ڈیڈ رجسٹریشن کا آغاز کردیا گیا ہے۔ سمندرپار پاکستانیوں کے لیے ایک خصوصی آفس مختص کردیا گیا ہے۔ بورڈآف ریونیو پنجاب میں اوورسیز پاکستانیوں کی سہولت کے لیے خصوصی سیل بنایا ہے۔ میرپورآزاد کشمیر میں بین الاقوامی ایئرپورٹ کی فزیبلٹی بنانے کے احکام جاری کر دیے ہیں۔
15 اوورسیز پاکستانیوں کے لیے سول ایوارڈز کا اعلانوزیراعظم نے کہا کہ مارچ میں سمندرپار پاکستانیوں نے 4.1 ارب ڈالر کی ریکارڈ ترسیلات بھیجیں، بیرون ملک پاکستانیوں کی ترسیلات ہماری مجموعی ایکسپورٹس سے زیادہ ہیں اور زیادہ ترسیلات بھیجنے والے 15 پاکستانیوں کو ہر سال ایوارڈز دیے جائیں گے۔
ان کا مزید کہنا تھاکہ اوورسیز پاکستانیوں کو ان کی خدمات پر سول ایوارڈ دیے جائیں گے۔
وزیراعظم کا کہنا تھا کہ آج ہمارے پاکستانی یورپ، امریکا، خیلج سے یہاں تشریف لائے، ایک کروڑ پاکستانی دنیا کے مختلف خطوں میں آباد ہیں، اوورسیزپاکستانیوں نے اپنے شبانہ روز محنت سے رزق حلال کمایا اور تمام ممالک میں پاکستان کے وقار میں اضافہ کیا۔
انہوں نے کہا کہ ایک کروڑسے زائد اوورسیز پاکستانیوں نے اپنے وطن کی خدمت کی، بیرون ملک پاکستانیوں نے محنت اور لگن سے اپنا مقام بنایا، اوورسیز پاکستانی ہمارے سفیر بھی ہیں، اوورسیز پاکستانی ہمارے سروں کے تاج ہیں، اورسیز پاکستانیوں نے طب، انجینئرنگ اوردیگرشعبوں میں نام کمایا۔
وزیراعظم شہباز شریف نے کہا کہ پاکستان کے 24 کروڑ عوام اورسیز پاکستانیوں کو سلام پیش کرتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اورسیز پاکستانیز کنونشن اوورسیز پاکستانی اوورسیز پاکستانی ایئرپورٹ سہولیات اوورسیز پاکستانی کوٹہ اوورسیز پاکستانیوں کے لیے ایوارڈ سمندر پار پاکستانیوں کے لیے خصوصی عدالتیں وزیراعظم شہباز شریف
قومی اسمبلی کا اجلاس کورم پورا نہ ہونے کے باعث پیر تک ملتوی