چیئرمین سی ڈی اے کا ایف ایٹ جناح ایونیو انٹرچینج ، ایف ٹین راونڈ آبائوٹ منصوبے اور سیکٹر سی 14کا دورہ
اشاعت کی تاریخ: 19th, January 2025 GMT
چیئرمین سی ڈی اے کا ایف ایٹ جناح ایونیو انٹرچینج ، ایف ٹین راونڈ آبائوٹ منصوبے اور سیکٹر سی 14کا دورہ WhatsAppFacebookTwitter 0 19 January, 2025 سب نیوز
اسلام آباد (آئی پی ایس )چیئرمین سی ڈی اے محمد علی رندھاوا نے ممبر انجینئرنگ اور متعلقہ افسران کے ہمراہ ایف ایٹ جناح ایونیو انٹرچینج اور ایف ٹین راونڈ آباوٹ منصوبے کا دورہ کیا اورجاری تعمیراتی سرگرمیوں کا تفصیلی جائزہ لیا۔
اتوار کو سی ڈی اے کی جانب سے جاری بیان کے مطابق چیئرمین سی ڈی اے کو منصوبے پر جاری تعمیراتی سرگرمیوں اور ان کے تکمیلی شیڈول کے حوالے سے بریفننگ دی گئی ۔بریفنگ میں بتایا کہ جناح ایونیو انٹرچینج پر فلائی اوور کے باکس گرڈرکی بیس سلیب مکمل ہو چکی ہے، منصوبے کی ورٹیکل اور فائنل سلیب رواں ماہ مکمل ہو جائے گئی،جناح ایونیو سے ایف ٹین کی جانب برج پر 2 ڈیک سلیبز کا کام مکمل کرلیا گیا ہے۔چیئرمین سی ڈی اے نے جناح ایونیو سے ملحقہ ایف ٹین برج پر مکمل کی گئی ڈیک سلیبز کے کام کا بھی معائنہ کیا۔چیئرمین سی ڈی اے نے F-10 رانڈ آباٹ پر ٹریفک کی روانی کو بہتر بنانے کے لئے انجینئرنگ ری ماڈلنگ ڈیزائن منصوبے کا بھی تفصیلی جائزہ لیا۔چیئرمین سی ڈی اے کو جناح ایونیو پر تعمیر کیے جانے پروٹیکٹڈ یوٹرن کے حوالے سے بھی بریفننگ دی گئی۔چیئرمین سی ڈی اے کو منصوبے میں آنے والے درختوں کی منتقلی کے حوالے سے بھی بریفننگ دی گئی۔بریفنگ میں بتایا کہ منصوبے کی سلپ روڈز کو ایسے ڈیزائن کیا گیا ہے کہ کوئی بھی درخت متاثر نہ ہو۔چیئرمین سی ڈی اے نے ہدایت کرتے ہوئے کہا کہ پی ایچ اے سے ٹری ٹرانسپلانٹر حاصل کرکے بڑے درختوں کی متبادل جگہوں پر کو باحفاظت منتقلی کو یقینی بنایا جائے۔چیئرمین سی ڈی اے نے تعمیراتی کاموں میں آنے والے درختوں کی مکمل حفاظت کو ہر صورت یقینی بنانے کی ہدایت کی اور کہا کہ منصوبے کو ایسے ڈیزائن کیا گیا ہے کہ اس کا کوئی بھی درخت متاثر نہ ہو۔اس موقع پر چیئرمین سی ڈی اے کو ناظم الدین روڈ پر ایف ٹین روڈ سے ملحقہ تعمیر کئے جانے والے پروٹیکٹڈ یوٹرن پر بھی متعلقہ افسران نے بریفننگ دی۔بریفننگ میں بتایا کہ پروٹیکٹیڈ یوٹرن سے ایک درخت متاثر ہو رہا تھا جس کے باعث منصوبے کے ڈیزائن میں معمولی تبدیلی کی گئی ہے۔چئیرمین سی ڈی اے نے ہدایت کرتے ہوئے کہا کہ ایف ٹین رانڈ آباٹ میں آنے والی سروس لائنز کے تحفظ کو یقینی بنایا جائے۔
بریفننگ منصوبے کے تمام حصوں پر 24 گھنٹے تعمیراتی سرگرمیاں شیڈول کے مطابق جاری ہیں ۔چیئر مین سی ڈی اے نے جناح ایونیو انٹرچینج پر اب تک کے تعمیراتی کاموں پر اظہار اطمینان کیا۔بعد ازاں چیئرمین سی ڈی اے محمد علی رندھاوا نے سرینا انٹرچینج منصوبے پر جاری تعمیراتی سرگرمیوں کا تفصیلی جائزہ لیا۔چیئرمین سی ڈی اے کو بریفننگ میں بتایا کہ سہروردی روڈ پر سرینا انڈر پاس کو فنشنگ کے بعد ٹریفک کیلئے مکمل کھول دیا گیا ہے۔بریفننگ میں بتایا کہ سری نگر ہائی وے پر زیر تعمیر دونوں انڈر پاسسز کو رواں ماہ ٹریفک کیلئے کھول دیا جائے گا۔اس موقع پر چیئرمین سی ڈی اے نے ہدایت کرتے ہوئے کہا کہ منصوبے کو خوبصورت بنانے کیلئے لینڈ سکیپنگ اور ہارٹیکلچر ورک کے کام کو یقینی بنایا جائے،منصوبے کے اطراف دیدہ زیب مستقل لائٹس اور ڈیجیٹل سکرینز بھی نصب کی جائیں۔انہوں نے کہاکہ تعمیراتی کاموں کے اعلی معیار کو ہر حال میں یقینی بنایا جائے،کنسلٹنٹس اور ریزیڈنٹ انجنئیرز سائٹ پر معیار اور تیز تر تعمیراتی سرگرمیوں کو یقینی بنائیں۔چیئرمین سی ڈی اے نے بتایا کہ ان منصوبوں کی تکمیل سے اسلام آباد شہر کے انفراسٹرکچر میں جدت کے ساتھ ٹریفک کے دیرینہ مسائل پر قابو اور شہریوں کو سگنل فری سہولیات میسر ہوگی۔
علاوہ ازیں چیئرمین سی ڈی اے محمد علی رندھاوا نے ممبر انجنئیرنگ اور متعلقہ افسران کے ہمراہ سیکٹر C-14 کا دورہ کیا جہاں پر سیکٹر C-14 میں جاری ترقیاتی سرگرمیوں کا تفصیلی جائزہ لیا۔ سیکٹر C-14 میں جاری ڈیولپمنٹ کے کام کے حوالے سے متعلقہ افسران نے چیئرمین سی ڈی اے کو بریفننگ دی۔بریفننگ میں بتایا گیا کہ سیکٹر C-14 اسلام آباد کی پرائم لوکیشن اور مارگلہ ہل پارک کے دامن میں واقع ایک شاندار رہائشی منصوبہ ہے،سیکٹر C-14 کے روڈ انفراسٹرکچر کا تقریبا 90 فیصد سے زائد کام مکمل کیا جاچکا ہے، بریفننگ میں بتایا کہ سیکٹر C-14 میں ڈرینج اور سیوریج کا 50 فیصد سے زائد کام بھی مکمل کرلیا گیا ہے۔اس موقع پر چیئرمین سی ڈی اے نے ہدایت کرتے ہوئے کہا کہ سیکٹر C-14 کے ترقیاتی کاموں میں مزید تیزی لائی جائے، سیکٹر C-14 کے الاٹیز کو آخری قسط کی ادائیگی کے ساتھ قبضہ حوالے کر دیا جائے گا۔انہوں نے کہاکہ سیکٹر C-14 کے ترقیاتی کاموں کے اعلی معیار کو ہر صورت یقینی بنایا جائے۔ چیئرمین سی ڈی اے محمد علی رندھاوا کو بریفننگ دیتے ہوئے بتایا گیا کہ سیکٹر C-14 کے باقی ماندہ ترقیاتی کاموں کو بھی جلد ہی مکمل کرلیا جائے گا۔چیئرمن سی ڈی اے نے کہا کہ اسلام آباد کے دیگر سیکٹرز کے ترقیاتی کاموں میں حائل رکاوٹوں کو جلد دور کیا جائے،نئے سیکٹرز کی تعمیراتی سرگرمیوں میں تیزی لاکر جلد ازجلد تکمیل کو یقینی بنایا جائے۔چیئرمین سی ڈی اے نے کہا کہ بڑھتی ہوئی آبادی کے پیش نظر سی ڈی اے اسلام آباد کے شہریوں کے لئے مزید سیکٹرز مستقبل میں لانچ کرے گا۔
.ذریعہ: Daily Sub News
کلیدی لفظ: چیئرمین سی ڈی اے ایف ٹین
پڑھیں:
امت مسلمہ متحد ہو جائے تو فلسطین آج آزاد ہو سکتا ہے: طاہر محمود اشرفی
چیئرمین پاکستان علماء کونسل حافظ طاہر محمود اشرفی—فائل فوٹوچیئرمین پاکستان علماء کونسل حافظ طاہر محمود اشرفی کا کہنا ہے کہ امت مسلمہ متحد ہو جائے تو فلسطین آج آزاد ہو سکتا ہے۔
لاہور میں سیمینار سے خطاب کرتے ہوئے انہوں نے کہا کہ پاکستان فلسطین کے ساتھ کھڑا ہے۔
طاہر محمود اشرفی کا کہنا ہے کہ پاکستان میں اقلیتوں کو مکمل آزادی حاصل ہے۔
انہوں نے کہا کہ کرتار پور پاکستان میں مذہبی رواداری کی زندہ مثال ہے۔
پاک امریکا وزرائے خارجہ کے درمیان رابطہ، افغانستان میں امریکی اسلحہ کا معاملہ حل کرنے پر اتفاق