پاکستان کی معاشی و اقتصادی ترقی کیلئے ہمیں سیاسی اختلافات کو بھلا کر آگے بڑھنا ہوگا، ڈپٹی چیئرمین سینیٹ سیدال خان
اشاعت کی تاریخ: 19th, January 2025 GMT
پاکستان کی معاشی و اقتصادی ترقی کیلئے ہمیں سیاسی اختلافات کو بھلا کر آگے بڑھنا ہوگا، ڈپٹی چیئرمین سینیٹ سیدال خان WhatsAppFacebookTwitter 0 19 January, 2025 سب نیوز
اسلام آباد(آئی پی ایس )ڈپٹی چیئرمین سینیٹ سیدال خان نے کہا ہے کہ پاکستان کی مجموعی معاشی و اقتصادی ترقی کے لیے ہمیں سیاسی اختلافات کو بھلا کر آگے بڑھنا ہوگا،یہ وقت انتشار کا نہیں بلکہ اتفاق اور اتحاد کے ساتھ مسائل پر قابو پانے اور ان کا حل نکالنے کا ہے تاکہ عام آدمی کو ریلیف فراہم کیا جا سکے ۔ڈپٹی چیئرمین سینیٹ سیدال خان سے بلوچستان سے تعلق رکھنے والے عمائدین قبائلی رہنما اور مختلف مکاتب فکر سے تعلق رکھنے والے افراد نے ملاقاتیں کی۔
سینیٹ سیکرٹریٹ میڈیا ڈائریکٹوریٹ کی جانب سے اتوار کو جاری اعلامیہ کے مطابق ڈپٹی چیئرمین سینیٹ نے ملاقاتوں کے دوران اس بات پر زور دیا کہ پاکستان کی مجموعی معاشی و اقتصادی ترقی کے لیے ہمیں سیاسی اختلافات کو بھلا کر آگے بڑھنا ہوگا۔ انہوں نے کہا کہ یہ وقت انتشار کا نہیں بلکہ اتفاق اور اتحاد کے ساتھ مسائل پر قابو پانے اور ان کا حل نکالنے کا ہے تاکہ عام آدمی کو ریلیف فراہم کیا جا سکے ۔انہوں نے کہا کہ آج ہم تاریخ کے ایک اہم موڑ پر کھڑے ہیں اور ہمیں دانشمندی کے ساتھ فیصلے کرنے ہوں گے ، ملک کی ترقی اور خوشحالی کے لئے تمام سٹیک ہولڈرز کو تعمیری کردار ادا کرنا ہوگا ، قومی ، علاقائی اور بین الاقوامی چیلنجز کو سامنے رکھتے ہوئے سیاسی وابستگی سے بالا تر ہو کر مثبت کردار ادا کرنا ہوگا ۔
ڈپٹی چیئرمین سینیٹ نے کہا کہ وزیراعظم شہباز شریف نے اقتصادی اور معاشی سطح پر جو انقلابی اقدامات اٹھائے ہیں ان کے مثبت اثرات آنا شروع ہو گئے ہیں۔ انہوں نے کہا کہ معاشی سطح پر جن چیلنجز کا ہمیں سامنا ہے ان کا حل ڈھونڈنے کے لیے ایوان بالا اپنا کردار ادا کر رہا ہے۔انہوں نے کہا کہ وزیراعظم شہباز شریف نے بلوچستان کے لیے ایسے منصوبے متعارف کرانے کا فیصلہ کیا ہے جن کی بدولت صوبے میں روزگار کے مزید مواقع پیدا ہوں گے اور نوجوان نسل کو اس سے زیادہ سے زیادہ فائدہ حاصل ہوگا ۔انہوں نے نوجوانوں پر زور دیا کہ وہ اپنی توانائیاں اور صلاحیتیں مثبت طریقے سے استعمال کرتے ہوئے ملک کی معاشی اور سماجی خوشحالی کے لیے بروئے کار لائیں تاکہ ملک مجموعی طور پر ترقی کر سکے۔
.ذریعہ: Daily Sub News
کلیدی لفظ: انہوں نے کہا کہ پاکستان کی کے لیے
پڑھیں:
پاکستان کی معاشی ترقی 3 فیصد رہنے کا امکان، آئی ایم ایف کی آؤٹ لک رپورٹ جاری
NEWYORK:عالمی مالیاتی ادارہ (آئی ایم ایف) نے پیش گوئی کی ہے کہ رواں مالی سال میں پاکستان کی معاشی ترقی 3 فیصد رہنے کا امکان ہے اور اگلے مالی سال میں 4 فیصد رہے گی۔
آئی ایم ایف نے مالی سال 25-2024 کی نئی ورلڈ اکنامک آؤٹ لک رپورٹ جاری کردی ہے، جس میں بتایا گیا کہ رواں مالی سال بھارت کی معاشی ترقی 6.5 فیصد رہ سکتی ہے اور اگلے مالی سال میں بھارت کی معاشی ترقی 6.5 فیصد رہنے کا امکان ہے۔
رپورٹ کے مطابق رواں مالی سال امریکا کی معاشی ترقی 2.7 فیصد رہنے کا امکان ہے، جبکہ آئندہ مالی سال امریکا کی معاشی ترقی 2.1 فیصد رہنے کی پیش گوئی کی گئی ہے۔
اسی طرح چین کی معاشی ترقی 4.6 فیصد متوقع ہے جبکہ اگلے مالی سال چین کی معاشی ترقی معمولی کمی سے 4.5 فیصد رہنے کی پیش گوئی کی گئی ہے۔
آئی ایم ایف نے بتایا کہ برطانیہ کی رواں مالی سال معاشی ترقی 1.6 فیصد اور اگلے سال 1.5 فیصد رہنے کا امکان ہے۔
وہ ستارے جو تعلیم ادھوری چھوڑ کر اداکاری کی دنیا میں آئے اور آج کروڑوں کے مالک ہیں