سیف اور کرینہ کی اے آئی سے تیار کردہ تصویر وائرل
اشاعت کی تاریخ: 19th, January 2025 GMT
ممبئی(شوبز ڈیسک)بالی ووڈ کی مشہور جوڑی سیف اور کرینہ کی اے آئی سے تیار کردہ تصویر سوشل میڈیا پر تیزی سے وائرل ہونے لگی۔
بھارتی میڈیا رپورٹ کے مطابق مذکورہ تصویر بالی ووڈ کے سینئر اداکار و سیاستدان شتروگن سنہا کی جانب سے شیئر کی گئی ہے۔
سوشل میڈیا پر تصویر وائرل ہوئی تو مداحوں کو یہ لگا کہ تصویر اصلی ہے مگر بعد میں حقیقت معلوم ہوئی کہ کرینہ اور سیف کی یہ تصویر آرٹیفیشل انٹیلیجنس کی مدد سے تیار کی گئی ہے۔
اداکار شتروگن سنہا نے سوشل میڈیا پر اس تصویر کو شیئر کرتے ہوئے سیف علی خان کے ساتھ پیش آنے والے واقعے پر افسوس کا اظہار کیا ساتھ ہی جلد صحت یابی کے لیے دعا بھی کی۔
شتروگن سنہا نے شئیر کردہ تصویر کے کیپشن میں اپیل کرتے ہوئے لکھا کہ اس معاملے میں الزام تراشی سے گریز کیا جائے، پولیس کیس کو سلجھانے میں بہتر کام کر رہی ہے، کیس کو مزید الجھایا نہ جائے۔
خیال رہے کہ 16 جنوری کو ممبئی کے علاقے باندرہ میں واقع سیف علی خان کے گھر پر چوری کی کوشش کے دوران ان پر چاقو سے 6 بار حملہ کیا گیا۔
حملے کے بعد سیف علی خان کو ممبئی کے لیلاوتی اسپتال منتقل کیا گیا تھا، جہاں ان کی کامیاب سرجری ہوئی اور اب کی ان کی صحت میں بہتری آرہی ہے۔
مزیدپڑھیں:جاپان کے بزرگ جان بوجھ کر جیل کیوں جا رہے ہیں؟
ذریعہ: Daily Ausaf
پڑھیں:
سلمان خان کو گھر میں قتل کردیں گے، پولیس کو یہ پیغام کس نے پہنچایا؟
بھارت کے معروف اداکار سلمان خان کو ایک مرتبہ پھر جان سے ماردیے جانے کی دھمکی دی گئی ہے، دھمکی آمیز پیغام میں کہا گیا ہے کہ اداکار کو ان کے گھر میں قتل کر دیا جائے گا۔
بھارتی میڈیا کے مطابق سلمان خان کے قتل کی دھمکی ممبئی ٹریفک پولیس کے ہیلپ لائن کے واٹس ایپ نمبر پر دی گئی جس میں کہا گیا کہ اداکار کو ان کے گھر میں قتل کر دیں گے یا ان کی گاڑی میں بم رکھ کر اڑا دیں گے۔ ممبئی پولیس نے نامعلوم افراد کے خلاف مقدمہ درج کر لیا ہے اور اس کی تحقیقات جاری ہیں۔
میڈیا رپورٹس کے مطابق سلمان خان اپنے خاندان کے ساتھ باندرہ، ممبئی کے گیلیکسی اپارٹمنٹس میں رہائش پذیر ہیں۔ واضح رہے کہ گزشتہ سال سلمان کے گھر پر گولیاں چلائی گئی تھیں، جن کے پیچھے بشنوی گینگ کے شوٹرز ملوث تھے، جس کے بعد اداکار کی سیکیورٹی مزید سخت کر دی گئی تھی۔
یہ بھی پڑھیں: قتل کرنے کی کوشش کس نے کی؟ سلمان خان نے اہم بیان دے دیا
پچھلے 2 سالوں میں یہ پانچویں بار ہے کہ اداکار کو جان سے مارنے کی دھمکی دی گئی ہے۔ گزشتہ 2 برسوں کے دوران سلمان خان اور ان کے خاندان کے افراد، بشمول والد سلیم خان، کو متعدد بار جان سے مارنے کی دھمکیاں مل چکی ہیں۔
پچھلے سال ممبئی پولیس نے ایک منصوبہ بھی بے نقاب کیا تھا جس کے تحت اداکار کو ان کے پانویل فارم ہاؤس پر قتل کرنے کی کوشش کی جا رہی تھی۔ لارنس بشنوی گینگ کے شوٹرز مبینہ طور پر سلمان خان کا پیچھا کر رہے تھے اور ان پر حملے کا منصوبہ بنا رہے تھے۔ لارنس بشنوی نے کھلے عام اداکار کے خلاف اپنی نفرت کا اظہار کیا ہے، جو 90 کی دہائی کے کالے ہرن کے شکار کیس سے جڑی ہوئی ہے۔
یہ بھی پڑھیں: سلمان خان کے بعد اب شاہ رخ بھی نشانے پر، قتل کی دھمکی موصول
بشنوی برادری میں کالے ہرن کو مقدس سمجھا جاتا ہے۔ لارنس بشنوی نے مطالبہ کیا تھا کہ سلمان خان راجستھان جا کر کالے ہرن کو مارنے پر معافی مانگیں، ورنہ انہیں قتل کر دیا جائے گا۔ واضح رہے کہ عدالت نے اس کیس میں سلمان کو بری کر دیا ہے۔
ذرائع کے مطابق ممبئی پولیس نے اس نئی دھمکی کے سلسلے میں نامعلوم افراد کے خلاف مقدمہ درج کر لیا ہے اور وہ اس پیغام کی اصل جگہ اور بھیجنے والے کو تلاش کرنے کی کوشش کر رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ سلمان خان سلمان خان قتل سلمان خان کو قتل کی دھمکی
پی ایس ایل سے متعلق بیان؛ بورڈ بھی میدانِ جنگ میں کود پڑا