القادر ٹرسٹ کیس کے فیصلے نے پی ٹی آئی کے دوغلے پن کو عیاں کردیا، احسن اقبال
اشاعت کی تاریخ: 19th, January 2025 GMT
القادر ٹرسٹ کیس کے فیصلے نے پی ٹی آئی کے دوغلے پن کو عیاں کردیا، احسن اقبال WhatsAppFacebookTwitter 0 19 January, 2025 سب نیوز
اسلام آباد (آئی پی ایس )وفاقی وزیر منصوبہ بندی و ترقی احسن اقبال نے کہا ہے کہ 190ملین پاونڈ کیس کے فیصلے سے پاکستان تحریک انصاف کی منافقت اور دوغلا پن کھل کر سامنے آگیا۔وفاقی وزیر احسن اقبال نے ایک بیان میں کہا کہ یہ نہایت افسوس ناک اور شرم ناک امر ہے کہ پی ٹی آئی کے حامی عمران خان کی واضح کرپشن کا دفاع کرنے کی کوشش کر رہے ہیں۔
وفاقی وزیر نے کہا کہ عمران خان نے اپنی پوری سیاسی مہم کو کرپشن کارڈ کے گرد بنایا، شفافیت اور احتساب کے وعدوں پر لوگوں کو اپنی طرف مائل کیا، تاہم پی ٹی آئی کی دوغلاپن اور منافقت کھل کر سامنے آ گئی ہے، جب وہ اپنے رہنما کے 190ملین پاونڈز(تقریبا 64 ارب روپے)کے اسکینڈل پر آنکھیں بند کر لیتے ہیں۔احسن اقبال نے کہا کہ عوامی اعتماد کی اس بڑی خلاف ورزی کا سامنا کرنے کے بجائے وہ مذہب یا اینٹی اسٹیبلشمنٹ بیانیے کا سہارا لے کر تنقید سے بچنے کی کوشش کرتے ہیں۔وفاقی وزیر نے کہا کہ حقائق واضح اور ناقابل تردید ہیں، جن کے مطابق برطانیہ کی نیشنل کرائم ایجنسی نے 190 ملین پائونڈز پاکستان کو واپس کیے جو قومی خزانے میں عوامی فائدے کے لیے جمع ہونے تھے، اس رقم کو قومی خزانے میں جمع کرانے کے بجائے عمران خان نے یہ فنڈز اپنے اتحادی مشہور پراپرٹی ٹائیکون کو فائدہ پہنچانے کے لیے منتقل کیے۔
انہوں نے کہا کہ اس کے بدلے میں بانی پی ٹی آئی ذاتی فوائد حاصل کیے، چاہے ان فوائد کو نظرانداز بھی کر دیا جائے تاہم ریاستی فنڈز کو ذاتی مقاصد کے لیے منتقل کرنا ایک ناقابل معافی جرم ہے۔احسن اقبال نے کہا کہ یہ اسکینڈل صرف مالی بدعنوانی تک محدود نہیں ہے، بلکہ عوامی اعتماد کے ساتھ ایک سنگین دھوکا بھی ہے، جو رہنما خود کو کرپشن کے خلاف جدوجہد کا علمبردار کہتا تھا، وہ190 ملین پائونڈز کی میگا کرپشن میں ملوث پایا گیا۔ان کا کہنا تھا کہ یہ پی ٹی آئی اور اس کے حامیوں کی منافقت کی علامت ہے، جو اس طرح کی حرکتوں کا دفاع کرتے ہیں اور ان اصولوں کی کھلی خلاف ورزی بھی ہے جن کا وہ دعوی کرتے تھے۔وفاقی وزیر نے کہا کہ یہ صرف قیادت کی ناکامی نہیں، بلکہ اندھی عقیدت، شخصیت پرستی اور بے قابو طاقت کے خطرات کا واضح سبق ہے۔
.ذریعہ: Daily Sub News
کلیدی لفظ: احسن اقبال نے وفاقی وزیر پی ٹی آئی نے کہا کہ
پڑھیں:
القادر ٹرسٹ فیصلے کے بعد مذاکرات پر کیا اثر پڑے گا؟
پاکستان تحریک انصاف 26 نومبر کے ناکام احتجاج کے بعد سے قدرے کمزور پوزیشن میں نظر آتی ہے، اور دسمبر کے وسط میں پاکستان تحریک انصاف نے حکومت کے ساتھ مذاکرات پر مشروط آمادگی ظاہر کی۔
اس ہفتے پاکستان تحریک انصاف کی جانب سے حکومت کو تحریری صورت میں جو مطالبات پیش کیے گئے اُن میں اوّلین بانی پی ٹی آئی عمران خان کی رہائی کا مطالبہ تھا،القادر ٹرسٹ کے فیصلے کے بعد جس میں عمران خان صاحب کو 14 سال قید کی سزا سنائی گئی ہے۔
9 مئی اور 26 نومبر کے حوالے سے پاکستان تحریک انصاف کے عدالتی کمیشن بنانے کے مطالبات بھی بظاہر پورے ہوتے نظرنہیں آتے کیونکہ حکومتی مؤقف یہ ہے کہ ان واقعات کے حوالے سے مقدمات عدالتوں میں زیر التوا ہیں، اس لیے عدالتی تحقیقاتی کمیشن نہیں بنایا جاسکتا۔
اگر دیکھا جائے تو 26 نومبر کی ناکامی کے بعد القادر ٹرسٹ مقدمے میں عمران خان کو سزا سنائے جانے کے بعد پاکستان تحریک انصاف کو خاصا دھچکا پہنچا ہے۔
اس ساری صورتحال میں کیا حکومت اور پاکستان تحریک انصاف کے درمیان مذاکرات کا جاری رہنا ممکن ہے؟ اور پاکستان تحریک انصاف کا مؤقف کیا ہے؟
پاکستان تحریک انصاف کے سینیٹر اور معروف قانون دان بیرسٹرعلی ظفر نے وی نیوز سے گفتگو کرتے ہوئے کہا کہ اس مقدمے کے فیصلے سے مذاکرات پر کوئی اثر نہیں پڑے گا، مذاکرات چلتے رہیں گے اور ہم اپنی عدالتی جنگ بھی لڑتے رہیں گے۔
اُنہوں نے اُمید ظاہر کی کہ اس فیصلے کے خلاف ہائیکورٹ میں اپیل دائر کریں گے اور اگلے 10 دن میں یہ فیصلہ ختم ہو جائے گا، عمران خان بھی یہی کہتے ہیں کہ مذاکرات میں انہوں نے اپنے لیے کچھ نہیں مانگا، وہ اپنے مقدمات لڑتے رہیں گے اور انصاف کے لیے کوشش کریں گے۔
پاکستان تحریک انصاف کے چیئرمین بیرسٹر گوہرعلی خان نے کہا کہ بانی پی ٹی آئی کی ہدایت کے مطابق مذاکرات جاری رہیں گے لیکن اگر ایک ہفتے میں ہمارے مطالبات پر پیشرفت نہیں ہوتی تو یہ مذاکرات ختم بھی ہوسکتے ہیں۔
مذاکرات کا جاری رہنا مشکل نظر آتا ہے، ابصار عالممعروف صحافی اور تجزیہ نگار ابصار عالم نے وی نیوز سے گفتگو کرتے ہوئے کہا کہ مذاکرات جاری رہنے کا امکان بہت کم ہے کیونکہ حکومت نے پی ٹی آئی کا تجویز کردہ عدالتی کمیشن بنانے سے تو انکار کر دیا ہے، حکومت کا کہنا ہے کہ کیونکہ مقدمات عدالتوں میں چل رہے ہیں اس لیے کمیشن نہیں بن سکتا، دوسری طرف پی ٹی آئی کی جانب سے ایک ہفتے کی ڈیڈلائن دی گئی ہے تو بظاہر مذاکرات کا جاری رہنا مشکل نظر آتا ہے۔
ابصار عالم نے کہا کہ مذاکرات کے ساتھ ساتھ ٹریک ٹو یا بیک گراؤنڈ میں جو ڈپلومیسی چل رہی ہے اُس میں چیزیں کتنی کامیابی حاصل کرپاتی ہیں یہ دیکھنا پڑے گا، لیکن اِس کے لیے عمران خان کو اپنی احتجاج اور پروپیگنڈا کے طریقوں سے پیچھے ہٹنا پڑے گا کیونکہ اس وقت مخالفین کا پلڑا بھاری نظر آرہا ہے۔
انہوں نے کہا کہ القادر ٹرسٹ ایسا مقدمہ ہے جس کا تناظر بین الاقوامی ہے اور جس مقدمے میں برطانوی نیشنل کرائم ایجنسی تحقیقات کر چُکی ہے تو باقی مقدمات کے برعکس، اس مقدمے میں پاکستان تحریک انصاف کے پاس پروپیگنڈا کرنے کا مارجن کم ہے، جیسے دیگر مقدمات کے بارے میں وہ ہمیشہ سے یہ تاثر دیتے رہے ہیں کہ یہ یہ مقدمات غلط قائم کئے گئے ہیں لیکن اِس مقدمے کے بارے میں وہ یہ نہیں کہہ سکتے۔
انہوں نے کہا کہ ملک ریاض اور علی ریاض اس مقدمے کی وجہ سے برطانیہ نہیں جاسکتے۔
ایک سوال کے جواب کہ گزشتہ روز آرمی چیف سے ملاقات کے بعد پاکستان تحریک انصاف کی قیادت بڑی پرجوش نظر آرہی تھی، ابصار عالم نےکہا کہ ایسا حکومت اور اسٹیبلشمنٹ کے درمیان غلط فہمیاں پھیلانے کے لیے دانستہ کیا جاتا ہے، کیونکہ حکومت اور اپوزیشن دونوں چاہتے ہیں کہ اسٹیبلشمنٹ ان کی سائیڈ پر ہو۔ اور پی ٹی آئی قیادت کا ملاقات کے بعد پرجوش ردعمل حکومتی حلقوں میں پریشانی پھیلانے کے لیے بھی ہوسکتا ہے، اسی لیے اسٹیبلشمنٹ کو ذرائع کے ذریعے سے خبر جاری کروانا پڑی کہ ملاقات میں صرف سیکیورٹی معاملات پر بات ہوئی۔
مذاکرات پی ٹی آئی کا دانشمندانہ فیصلہ ہے، احمد بلال محبوبپاکستان انسٹی ٹیوٹ آف لیجسلیٹو ڈویلپمنٹ اینڈ ٹرانسپیرنسی کے صدر احمد بلال محبوب نے وی نیوز سے گفتگو کرتے ہوئے کہا کہ عمران خان کو سزا سنائے جانے سے پاکستان تحریک انصاف اور حکومت کے درمیان جاری مذاکرات پر کوئی فرق نہیں پڑے گا، یہ بات حکومت بھی کہہ چُکی ہے اور پی ٹی آئی بھی۔دوسری بات یہ ہے کہ سزا کا فیصلہ عدالت سے آیا ہے اور عدالت ہی کے ذریعے اِس فیصلے کو بدلا جا سکتا ہے۔
ایک سوال کے جواب میں کہ عدالتی فیصلوں میں حکومت کس طرح سے پاکستان تحریک انصاف کی مدد کر سکتی ہے، احمد بلال محبوب نے کہا کہ حکومت کا اگر ارادہ ہو کہ وہ عمران خان اور پاکستان تحریک انصاف کو سہولیات دینا چاہتی ہے تو وہ بنی گالا کو سب جیل قرار دے سکتی ہے جہاں عمران خان آرام سے رہ سکتے ہیں، دوسرے یہ کہ جب یہ مقدمے ہائی کورٹ کے سطح پر آئیں تو حکومتی پراسیکیوشن اِن کی سختی سے مخالفت نہ کرے۔
اُنہوں نے کہا کہ پی ٹی آئی نے بہت سارے طریقے آزما کے دیکھ لیا، اُنہوں نے ہنگامے کرلیے، احتجاج کرلیا لیکن جب انہیں محسوس ہوا کہ حکومت اور اسٹیبلشمنٹ دباؤ میں آنے کو تیار نہیں اور اس سب سے انہیں کچھ حاصل نہیں ہوا تو اس کے بعد انہوں نے اپنا لائحہ عمل بدلنے کے بارے میں سوچا۔
’کوئی کھڑکی دروازہ تلاش کرنے کی کوشش اچھی چیز ہے‘پی ٹی آئی کی مذاکرات پر آمادگی کے بارے میں بات کرتے ہوئے اںہوں نے کہا کہ انہیں لگتا ہے یہ ان کا اندازہ ہے کہ پی ٹی آئی کی سوچ میں تبدیلی ایک تو 26 نومبر کے ناکام احتجاج سے آئی دوسرے جنرل فیض حمید کی گرفتاری اور تفتیش کے بعد جو چیزیں سامنے آئیں، ہوسکتا ہے اُنہیں وہ چیزیں دکھائی گئی ہوں اور وہ اتنی نقصان دہ ہوں کہ پی ٹی آئی نے بیک ڈور ڈپلومیسی اختیار کرلی ہو۔ لیکن جو بھی ہے مذاکرات ایک خوش آئند فیصلہ ہے، دیوار کو ٹکر مارنے کی بجائے کوئی کھڑکی دروازہ تلاش کرنے کی کوشش اچھی چیز ہے۔
پی ٹی آئی قیادت اور اسٹیبلشمنٹ ملاقات؛ ایسی ملاقاتوں کے نتائج دو چار مہینے بعد سامنے آتے ہیں؛ ندیم افضل چنوی نیوز کے سوال کہ گزشتہ روز پی ٹی آئی قیادت، اسٹیبلشمنٹ سے ملاقات کے بعد بہت پُراُمید اور پرجوش نظر آرہی تھی تو کیا یہ خوشی بے معنی تھی، سابق وفاقی وزیر ندیم افضل چن نے کہا ایسی ملاقاتوں کے نتائج دو چار مہینوں بعد سامنے آتے ہیں۔
انہوں نے کہا کہ میں سمجھتا ہوں کہ جو کوئی بھی اِس وقت ملک کے لئے نہیں سوچ رہا وہ قومی مجرم ہے۔ حکومت اور اپوزیشن دونوں کو اپنی انا چھوڑ کر مذاکرات کرنے چاہیئں، مذاکرات کے مستقبل کے حوالے سے بات کرتے ہوئے اُن کا کہنا تھا کہ سیاست میں مذاکرات تو ہمیشہ چلتے رہتے ہیں اور یہ چلتے رہنے چاہئیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
کراچی: انٹرمیڈیٹ سال اول کے پرچوں کی سکروٹنی فیس ختم کر دی گئی