190 ملین پاؤند کیس پر ایک دو دن میں ہائیکورٹ جائیں گے، سلمان اکرم
اشاعت کی تاریخ: 19th, January 2025 GMT
برطانوی عدالت کہتی ہے یہ دوطرفہ معاہدہ ہے اس میں حکومت پاکستان کا عمل دخل نہیں، سلمان اکرم راجہ - فوٹو: فائل
سیکریٹری جنرل پاکستان تحریک انصاف (پی ٹی آئی) سلمان اکرم راجہ نے کہا کہ 190 ملین پاؤنڈ ریفرنس سے متعلق برطانوی عدالت کہتی ہے یہ دوطرفہ معاہدہ ہے اس میں حکومت پاکستان کا عمل دخل نہیں۔ ہم 190 ملین پاؤند کیس پر ایک دو دن میں ہائیکورٹ جائیں گے۔
پی ٹی آئی کے رہنما نے پریس کانفرنس کرتے ہوئے کہا کہ معاہدے میں لکھا گیا یہ رقم اس لیے ریلیز کر رہے ہیں کہ حکومت پاکستان کے اکاؤنٹ میں ڈالیں گے۔
سلمان اکرم راجہ نے کہا این سی اے برطانیہ نے کہا کہ پیسے ریاست پاکستان کو دیے جائیں گے، اس ایک جملے کو لے کر کہا گیا کہ یہ پیسہ خزانے کے بجائے سپریم کورٹ میں گیا۔
یہ بھی پڑھیے مذاکرات اور القادر کیس کا آپس میں تعلق نہیں: سلمان اکرم راجہ سلمان راجہ کا مروت کی صلاحیت اور مروت کا راجہ کی حیثیت پر سوالانکا کہنا تھا کہ 6 نومبر 2019 کو پریس ریلیز اور معاہدہ کیا گیا، این سی اے برطانیہ نے معاہدے کو خفیہ رکھنے کا کہا، 6 نومبر کے فیصلے پر 29 نومبر کو عمل درآمد ہوچکا تھا۔
پی ٹی آئی سیکریٹری جنرل نے کہا کہ سرکارکی زمین جب مفت دی اس کی ادائیگی سرکار کو ہی ہوگی۔ تمام زمین کی ادائیگی کی رقم ریاست کو آنا تھی، باہر سے پیسہ سپریم کورٹ کے پاس آیا۔
انہوں نے کہا کہ 23 نومبر 2023 کو 171 ملین پاؤنڈ اسٹیٹ بینک میں گئے، 94 ارب روپے 9 جنوری کو وفاقی اور سندھ حکومت کو منتقل کیے گئے، کون کہتا ہے کہ ریاست پاکستان یا کسی اکائی کو ایک پیسے کا نقصان ہوا؟
.ذریعہ: Jang News
کلیدی لفظ: سلمان اکرم راجہ نے کہا کہ
پڑھیں:
تینوں بہنوں اور سلمان اکرم راجا کو عمران خان سے ملنے سے روک دیا گیا
پاکستان تحریک انصاف کے بانی عمران عمران خان کی بہنوں اور سلمان اکرم راجا کو عمران خان کے ساتھ ملاقات سے روک دیا گیا۔
عمران خان کی تینوں بہنیں ملاقات کے لیے اڈیالہ جیل پہنچیں، لیکن حکام کی جانب سے انہیں ملنے کی اجازت نہیں دی گئی، جس پر احتجاجاً علیمہ خان جیل کے باہر سڑک پر بیٹھ گئیں۔
یہ بھی پڑھیں عمران خان سے ملاقات کون کرے گا؟ فیصلہ پی ٹی آئی کی سیاسی کمیٹی کرے گی
آج اڈیالہ جیل میں ملاقاتوں کا دن تھا، اس موقع پر چیئرمین پی ٹی آئی بیرسٹر گوہر، سلمان اکرم راجا اور فیصل چوہدری سمیت دیگر قیادت اڈیالہ جیل پہنچی، جبکہ بشریٰ بی بی سے ملاقات کے لیے بھی ان کے فیملی ممبران اڈیالہ جیل آئے۔
علیمہ خان نے عمران خان سے ملاقات کے لیے نہ جانے دینے پر میڈیا سے گفتگو کرتے ہوئے کہاکہ اس بار ہم ملاقات کے بغیر واپس نہیں جائیں گے۔
انہوں نے کہاکہ ہمیں جہاں روکا گیا ادھر ہی بیٹھ جائیں گے، آج پولیس کا ناکہ جیل سے مزید دور کردیا گیا ہے، ہم سوچنے پر مجبور ہیں کہ آخر کیا وجہ ہے کہ ایک ماہ سے ملاقات نہیں کرائی جارہی۔
علیمہ خان نے کہاکہ پولیس کو واضح بتا دیا ہے کہ ہماری ملاقات نہ کرائی گئی تو واپس نہیں جائیں گے، ہم بحیثیت فیملی ملاقات کے لیے آئے ہیں اور پارٹی کو کہا ہے کہ وہ ہمارے لیے بات نہ کریں۔
عمران خان کی ہمشیرہ نے کہا کہ اگر کوئی ہمیں گرفتار کرنا چاہتا ہے تو کرلے، کوئی تماشا نہیں لگایا جائے گا۔
اس موقع پر پی ٹی آئی کے سیکریٹری جنرل سلمان اکرم راجا نے کہاکہ لگتا نہیں کہ آج بھی ملاقات کرائی جائے گی کیوں کہ انہوں نے راستے میں رکاوٹیں کھڑی کردی ہیں۔
انہوں نے کہاکہ ملاقات نہ کروا کر ہائیکورٹ کے احکامات کی مسلسل توہین کی جارہی ہے، ہم نے توہین عدالت کی درخواستیں دائر کی ہوئی ہیں لیکن شاید عدالت کو فرصت ہی نہیں مل رہی۔
انہوں نے مزید کہاکہ مجھے نہیں معلوم بیرسٹر گوہر مجھ پر کیوں تنقید کررہے ہیں، میں نے تو اصول کی بات کی کہ ملاقات کے لیے وہی جائےگا جس کا لسٹ میں نام ہوگا۔
سلمان اکرم راجا نے کہ آئندہ لسٹ کے بغیر ملاقات کرنے والے کو پارٹی سے منحرف سمجھا جائےگا، کچھ دوست اس لیے سیخ پا ہیں کہ میں نے لسٹ کے بغیر ملاقات کرنے والوں پر سوال کیوں اٹھایا۔
یہ بھی پڑھیں عمران خان سے ملاقات نہ ہونے تک علیمہ خان کا اڈیالہ جیل کے باہر بیٹھنے کا اعلان
یاد رہے کہ گزشتہ ہفتے عمران خان کی تینوں بہنوں کو ملاقات کی اجازت نہیں دی گئی تھی، پھر احتجاج پر دو بہنوں کو ملاقات کی اجازت ملی تو انہوں نے یہ کہہ کر اندر جانے سے انکار کردیا تھا کہ ہم تینوں نے اکٹھے ملاقات کرنی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اڈیالہ جیل بیرسٹر گوہر پاکستان تحریک انصاف پولیس پی ٹی آئی جیل حکام روک دیا گیا سلمان اکرم راجا عمران خان عمران خان بہنیں ملاقات وی نیوز
پروفیسر اور طالبہ کا مکالمہ ‘چند مزید پہلو