پولیس نے سیف علی خان پر حملہ کرنے والے گرفتار شخص کو ہندو بتانے کے بعد بنگلہ دیشی مسلمان قرار دے دیا
اشاعت کی تاریخ: 19th, January 2025 GMT
بالی ووڈ سپر اسٹار سیف علی خان پر چاقو کے وار سے حملہ کرنے والے ملزم کو ممبئی پولیس نے گرفتار کیا جس کی شناخت 31 سالہ آکاش کنوجیا کے نام سے ہوئی تھی، ملزم کو چھتیس گڑھ سے ٹرین میں سفر کرتے ہوئے گرفتار کیا گیا۔
لیکن اب بھارتی میڈیا کا نیا دعویٰ سامنے آیا ہے جس میں انہوں نے گرفتار ملزم کو ہندو بتانے کے بعد بنگلہ دیشی مسلمان قرار دے دیا۔
بھارتی میڈیا کے مطابق گرفتار ملزم کا نام محمد شریف الاسلام شہزاد بتایا گیا جو تھانے میں ایک ہاؤس کیپنگ ایجنسی کے ساتھ کام کرتا تھا، ہیرانندانی اسٹیٹ کے علاقے میں میٹرو کی تعمیراتی سائٹ کے قریب لیبر کیمپ سے گرفتار کیا گیا۔
بھارتی میڈیا نے پہلے ملزم کا نام آکاش کنوجیا بتایا لیکن اب دعویٰ کر رہا ہے کہ سیف علی خان پر حملہ کرنے والے شخص کا نام محمد شریف الاسلام شہزاد ہے۔
بھارتی میڈیا کے مطابق ممبئی پولیس کے ایک اہلکار نے انکشاف کیا کہ حملہ آور محمد شریف الاسلام شہزاد سے ملنے والی دستاویزات سے ظاہر ہوتا ہے کہ وہ بنگلہ دیش کا شہری ہے جو غیر قانونی طور پر بھارت میں داخل ہوا تھا۔ دلچسپ بات یہ ہے کہ ملزم نے متعدد ناموں کا استعمال کیا جن میں بیجوئے داس، وجے داس، محمد الیاس اور بی جے شامل ہیں۔
بھارتی پولیس کا مزید کہنا تھا کہ ملزم گزشتہ سات آٹھ ماہ سے ممبئی اور تھانے میں مختلف مقامات پر کام کر رہا تھا۔ پولیس نے بتایا کہ گرفتاری سے چند روز قبل وہ ایک کنٹریکٹر کے ساتھ تعمیراتی جگہ پر کام کر رہا تھا۔
پولیس نے بتایا کہ سیف علی خان پر حملے کے بعد ملزم مسلسل نیوز چینلز دیکھ رہا تھا اور خبروں کو ٹریک کر رہا تھا، پولیس نے مزید کہا کہ اس نے گرفتاری کے ڈر سے اپنا فون بھی بند کر دیا تھا۔
واضح رہے کہ سیف علی خان کو بدھ اور جمعرات کی درمیانی شب ان کے باندرہ ویسٹ کے گھر میں ایک شخص نے چاقو سے وار سے نشانہ بنایا تھا۔ 54 سالہ اداکار کو ان کے گھر پر ہونے والے حملے میں ان کی گردن اور ریڑھ کی ہڈی کے قریب سمیت متعدد وار کے زخم آئے جس کے بعد انہیں آٹو رکشہ میں لیلاوتی اسپتال لے جایا گیا، جہاں اس کی ہنگامی سرجری کی گئی بعد ازاں ڈاکٹروں نے ان کی جان خطرے سے باہر بتائی۔
.ذریعہ: Daily Mumtaz
کلیدی لفظ: سیف علی خان پر بھارتی میڈیا پولیس نے رہا تھا کے بعد کر رہا
پڑھیں:
نامعلوم شخص کا بھارتی اداکار سیف علی خان پر حملہ، نرس زخمی ، ملزم فرار ہونے میں کامیاب
بمبئی (نیوزڈیسک) معروف بھارتی اداکار سیف علی خان کے گھر میںنامعلوم شخص داخل، ملزم نے سیف علی خان پر حملہ کردیا، حملے میںسیف علی خان بال بال بچ گئے . بھارتی میڈیا کے مطابق حملہ آور سیف کے چھوٹے بیٹے جہانگیر علی خان (جیہ) کے کمرے میں داخل ہوا اور ایک کروڑ روپے کا مطالبہ کردیا
بھارتی میڈیا کی ایک رپورٹ کے مطابق سیف علی خان اور کرینہ کے گھر پر کام کرنے والی ایک نرس نے پولیس کو حملے کی مزید تفصیلات بتائی ہیں،جس میں بتایا گیا کہ حملہ آور نے زبردستی ان کے گھر میں داخل ہو کر ایک کروڑ روپے کا مطالبہ کیا اور پھر اس نے نرس اور سیف علی خان دونوں پر حملہ کر دیا۔
نرس کے مطابق حملہ آور ایک دبلے پتلے جسم کا مالک اور گہرے رنگت کا شخص تھا اور اس کی عمر 30 سال کے قریب تھی، انہوں نے کہا کہ وہ اس کمرے میں داخل ہوا جہاں سیف علی خان کا بیٹا جہانگیر علی خان سو رہا تھا۔
نرس نے پولیس کو بتایا کہ حملہ آور ایک لاٹھی اور ایک تیز دھار بلیڈ سے لیس تھا، اس نے نرس سے ایک کروڑ روپے کا مطالبہ کیا اور انکار کرنے پر اس پر حملہ کیا، جس سے اس کے کلائیوں اور ہاتھوں پر زخم آئے۔
اس ہنگامے سے دوسری ملازمہ جونو جاگ گئی اوراس نے شور مچایا جس پر سیف علی خان موقع پر پہنچے، اپنے خاندان کی حفاظت کے لیے سیف علی خان نے چور کا سامنا کیا لیکن اس دوران زخمی ہو گئے، ایک اور عملے کی رکن گیتا بھی خاندان کی حفاظت کی کوشش کے دوران زخمی ہوئیں، حملہ آور اضافی عملے کے پہنچنے سے پہلے ہی فرار ہو گیا۔
تاہم جوائنٹ کمشنر ستیہ نارائن چوہدری نے اس دعوے کی تردید کرتے ہوئے کہا کہ حملہ آور نے ایک کروڑ روپے کا مطالبہ کیا تھا اور کہا کہ یہ چوری کا کیس ہے، ممبئی پولیس کے زون 9 ڈی سی پی دکشت گڈام جو سیف علی خان پر ہونے والے حملے کی تحقیقات کررہے ہیں۔
انہوں نے کہا کہ ملزم کو جلد از جلد گرفتار کرنے کی ہر ممکن کوشش کر رہے ہیں، ایک ملزم کی شناخت ہو چکی ہے، وہ سیڑھیوں کا استعمال کر کے داخل ہوا تھا اور ٹیمیں اسے گرفتار کرنے کے لیے مختلف پہلوں پر کام کر رہی ہیں۔
غزہ: اسرائیلی بمباری سے گزشتہ 24 گھنٹوں میں 50 فلسطینی شہید