ڈاکٹر عافیہ صدیقی کی امریکی صدر بائیڈن سے معافی کی درخواست ، برطانوی میڈیا
اشاعت کی تاریخ: 19th, January 2025 GMT
واشنگٹن : برطانوی میڈیا کے مطابق، ڈاکٹر عافیہ صدیقی نے امریکی صدر جوبائیڈن سے درخواست کی ہے کہ وہ اپنے عہدے سے سبکدوش ہونے سے پہلے ان کی سزا معاف کر دیں۔ ڈاکٹر عافیہ صدیقی امریکا میں ایک متنازعہ عدالتی فیصلے کی وجہ سے 86 سال کی قید کی سزا کاٹ رہی ہیں۔
ڈاکٹر عافیہ نے اپنے وکیل کے ذریعے برطانوی میڈیا سے بات کرتے ہوئے کہا کہ انہیں امید ہے کہ انہیں بھلا نہیں دیا گیا اور ایک دن انہیں رہا کر دیا جائے گا۔ انہوں نے کہا کہ وہ ناانصافی کا شکار ہیں اور ہر دن ان کے لیے اذیت بھرا ہے، لیکن انہیں یقین ہے کہ ایک دن وہ اس تکلیف سے آزاد ہو جائیں گی۔
ان کے وکیل کلائیو اسٹافورڈ بھی اس بات پر پرامید ہیں کہ ڈاکٹر عافیہ کو صدارتی معافی مل سکتی ہے، اور انہوں نے کہا کہ ایسا نہ صرف صدر بائیڈن سے، بلکہ ٹرمپ انتظامیہ کے دوران بھی ممکن ہو سکتا ہے۔
یاد رہے کہ امریکی صدر جوبائیڈن کا دور صدارت آج ختم ہو رہا ہے اور 20 جنوری کو نومنتخب صدر ڈونلڈ ٹرمپ حلف اٹھائیں گے۔ رپورٹس کے مطابق، بائیڈن نے اپنے بیٹے سمیت 39 افراد کو صدارتی معافی دے دی ہے۔
.ذریعہ: Nai Baat
کلیدی لفظ: ڈاکٹر عافیہ
پڑھیں:
سشمیتا سین کی سابقہ بھابھی مالی مشکلات کے باعث کپڑے بیچنے پر مجبور ہوگئیں
ممبئی(نیوز ڈیسک) بالی وڈ کی معروف فلم اسٹار سشمیتا سین کی سابقہ بھابھی چارو اسوپا مالی مشکلات کے باعث آن لائن شلوار قمیض اور ساڑھیاں فروخت کرنے پر مجبور ہوگئیں۔
انڈین میڈیا کی رپورٹس کے مطابق چارو اسوپا ٹیلی ویژن کی اداکارہ اور سشمیا سین کی سابقہ بھابھی ہیں جو حال ہی میں بیٹی زیانا کے ہمراہ ریاست راجستھان میں اپنے آبائی شہر بیکانیر منتقل ہوئیں۔
سوشل میڈیا پلیٹ فارمز پر چارو اسوپا کی ایک ویڈیو سامنے آئی جس میں وہ آن لائن شلوار قمیض اور ساڑھیاں فروخت کر رہی ہیں، ایسے میں صارفین نے ان کے مالی حالات پر سوال اٹھایا۔
چارو اسوپا نے میڈیا سے گفتگو میں تصدیق کی کہ انہوں نے آن لائن کپڑے فروخت کرنے کا کام شروع کیا ہے۔
ٹیلی ویژن کی اداکارہ نے کہا کہ میں اپنے آبائی شہر بیکانیر شفٹ ہوگئی ہوں اور فی الحال والدین کے ساتھ رہائش پذیرا ہوں، زیانہ اور مجھے یہاں منتقل ہوئے ایک ماہ سے زیادہ کا عرصہ ہوگیا ہے۔
انہوں نے بتایا کہ ممبئی میں رہنا اب آسان نہیں کیونکہ وہاں رہائش مہنگی ہے، میرا ماہانہ 1 سے 1.5 لاکھ روپے خرچہ ہے جس میں گھر کا کرایہ اور دیگر چیزیں شامل ہیں۔
مالی حالات کے بارے میں ان کا کہنا تھا کہ جب آپ کچھ نیا شروع کرتے ہیں تو ہر کوئی جدوجہد کرتا ہے تو پھر میرے معاملے میں کیا فرق ہے؟ میں آرڈر لینے سے لے کر پیکج بھیجنے تک اسٹاک حاصل کرنے تک سب کچھ خود کر رہی ہوں۔
اداکارہ نے بتایا کہ جب میں اداکاری کیلیے ممبئی آئی تھی تو یہ بھی آسان نہیں تھا، میں نے نام بنانے کیلیے بہت جدوجہد کی، اب میں سوچتی ہوں کہ میں اپنے بچے پر توجہ مرکوز کروں اور نئے کاروبار پر توجہ دوں۔
چارو اسوپا معروف بالی وڈ اداکارہ سشمیتا سین کے بھائی راجیو سین کی سابقہ اہلیہ ہیں جن کی طلاق کا معاملہ سرخیوں میں رہا تھا، سابق جوڑے کی ایک بیٹی زیانا ہے جو والدہ کے ساتھ رہتی ہیں۔
سابق شوہر سے متعلق چارو اسوپا نے کہا کہ وہ ہمیشہ بیٹی سے ملنے آتے ہیں، ممبئی چھوڑنے سے پہلے میں نے انہیں اپنے منصوبوں کے بارے میں اطلاع دی تھی۔
آن لائن کپڑے بیچنے کی وجہ بتاتے ہوئے ان کا کہنا تھا کہ یہ ایسا نہیں ہے کہ میں کسی بڑے پروجیکٹ کی شوٹنگ کر رہی ہوں بلکہ زیانا پر توجہ مرکوز کرنا چاہتی ہوں اور میں یہاں سے ڈیجیٹل مواد کی شوٹنگ بھی کر سکتی ہوں، اگر مجھے شوٹ کیلیے سفر کرنا پڑے تو گھر واپس آنے کا سب سے اچھا حصہ یہ ہے کہ میں زیانا کو ہمیشہ نانی کے ساتھ چھوڑ جاؤں۔
مزیدپڑھیں:پی ٹی آئی سوشل میڈیا ایکٹوسٹ کوجسمانی ریمانڈ پر پولیس کے حوالے کر دیا گیا
آئی پی یو اسمبلی، چیئرمین سینٹ کا سماجی انصاف کیلئے عالمی پارلیمانی اتحاد کا مطالبہ