نئی صبح طلوع ہونے کے قریب !
اشاعت کی تاریخ: 19th, January 2025 GMT
سمجھ نہیں آرہی کہ ملک کا نظم ونسق کیسے چل رہا ہے کیونکہ سویلین ادارے (سارے نہیں ) اپنے فرائض ادا کرنے میں پر جوش نظر نہیں آتے ان میں جوش اس وقت پیدا ہوتا ہے جب انہیں اپنی جیب بھاری ہونے کا یقین ہو لہذا عوام کی خوب درگت بن رہی ہے۔
آپ نے کوئی بھی کام کروانا ہو جب تک رشوت نہیں دیں گے وہ کام نہیں ہو گا۔ سویلین محکموں میں بیٹھے ملازمین چٹے دن اپنی مرضی کرتے ہوئے نظر آتے ہیں۔شاید ان کی اوپر تک رسائی ہوتی ہے کیونکہ ان کے خلاف شکایت بھی کی جائے تو وہ کھوہ کھاتے میں چلی جاتی ہے۔
ہم دیکھتے چلے آ رہے ہیں کہ حکومتیں سیاسی معاملات کو تو بڑی گہری نظر سے دیکھتی ہیں اپنے راستے میں کوئی رکاوٹ ہو تو اسے دور بھی کرلیتی ہیں مگر مجال ہے لوگوں کے مسائل کو حل کرنے کی جانب سنجیدگی سے آئیں۔ اس وقت عوام کی بہتری سے متعلق جتنے بھی محکمے ہیں وہ بغیر کسی لالچ کے دوسرے لفظوں میں ’’ غیرسرکاری فیس‘‘ کے اپنے قلم کو جنبش نہیں دے رہے۔ آپ محکمہ پولیس کو دیکھ لیں وہ ڈنکے کی چوٹ پر اپنا خزانہ بھرنے میں مصروف نظر آتا ہے۔ ان سے جائز طریقے سے میٹر لگانا خاصا مشکل ہے مگر جب مٹھی گرم کر دی جائے تو مشکل آسان ہو جا تی ہے۔ اسی طرح پٹوار خانہ ہے اس میں بھی اندھیر مچا ہوا ہے دھڑلے سے ’’فیس‘‘ وصول کی جاتی ہے وگرنہ بندہ ساری عمر رْلتا ہے۔ مزکورہ محکموں کے علاوہ جو دیگر سویلین محکمے ہیں انہوں نے بھی لوگوں کا برا حال کر رکھا ہے۔ ویسے عوام بھی ان کے طرز عمل کے عادی ہو چکے ہیں وہ شور تو مچاتے ہیں مگر قانون کا سہارا نہیں لیتے ہو گا کہ انہیں ضروری سہولتیں دینا ہوں گی تنخواہوں میں اضافہ کرنا ہو گا۔ غریب لوگ تو پیٹ بھر کر کھانا بھی نہیں کھا سکتے ان میں سے تو ایسے بھی ہیں کہ انہیں روزانہ کی بنیاد پر محنت مشقت کرنا پڑتی ہے جو اگر انہیں میسر ہو‘ ضروری نہیں کیونکہ صنعتیں بند ہوتی جا رہی ہیں ملک کے بڑے بڑے سرمایہ کار دوسرے ملکوں میں جا رہے ہیں جس سے ذرائع پیداوار کم پڑ گئے ہیں اور غربت کے پھیلاؤ کا سبب بن رہے ہیں مستقبل قریب میں بھی صنعت کاری کا کوئی امکان نہیں لہذا آنے والے دنوں میں جو ہونے والاہے اس کا بخوبی اندازہ لگایا جا سکتا ہے یہی وجہ ہے کہ ہمارا نوجوان طبقہ ملک چھوڑنے کو ترجیح دے رہا ہے کیونکہ اسے موجودہ نظام سے شکوہ ہے ۔
بات ہو رہی تھی سرکاری محکموں کی کہ وہ عوام کو آسانیاں فراہم کرنے کے بجائے تکالیف پہنچانے میں مصروف ہیں اور اپنی خواہشات پوری کر رہے ہیں ان کے نزدیک جب اقتداری لوگ بہتی گنگا میں ہاتھ دھو رہے ہیں تو اور بار بار دھو رہے ہیں تو پھر وہ کیوں پیچھے رہیں‘ انہیں بھی پیٹ لگا ہوا ہے۔کبھی کبھی حکومت ان کے گرد گھیرا بھی تنگ کرتی ہے تاکہ اْس کی اِس ’’ادا‘‘کو پزیرائی مل سکے۔ بس یہی چکر ہے جو ستتر برس سے جاری ہے اور خوشحالی آنے میں نہیں آرہی۔
حکمران لوگوں کے مسائل ختم نہیں کر سکے۔اب تو چاروں طرف سے ان پر (عوام) الم ومصائب کا سایہ گہرا ہو چکا ہے کیونکہ انہیں جہاں مسائل کا سامنا ہے وہاں وہ ایک جانے انجانے خوف میں بھی مبتلا ہیں کہ انہیں شکوہ و شکایت کی اجازت بھی نہیں حیرانی یہ ہے کہ حکومت با آواز بلند سب اچھا کی گردان الاپے جا رہی ہے اور یہ تاثر دے رہی ہے کہ اگر وہ نہ ہوئی تو ملک کنگال ہو جائے گا ترقی رک جائے گی وغیرہ وغیرہ۔ یعنی اگر عمران خان آگیا تو ان کی یہ حالت بھی ایسی نہیں رہے گی لہذا اس کا ساتھ دیا جائے مگر عوام ہیں کہ اس کی کسی بات کسی دلیل اور کسی منطق کا اثر نہیں لے رہے۔ان کا نقطہ نظر یہ ہے کہ ان کے دن خان کے آنے ہی سے پھریں گے انہیں حقیقی آزادی کا احساس تب ہی ہو گا معیشت ان کے اقتدار میں آنے ہی سے اپنے پاؤں پر کھڑی ہو گی۔
لگتا ہے کہ آنے والے دنوں میں ’’پرندہ‘‘ کھلی فضا میں سانس لے سکے گا ( اگرچہ اسے سزا ہو چکی ہے مگر یہاں دیکھتے ہی دیکھتے منظر بدل جاتے ہیں) کیونکہ یہ بات ہر کسی کو معلوم ہے کہ غالب اکثریت والی سیاسی جماعت ہی ملک کو سیاسی و معاشی استحکام دے سکتی ہے مشکل فیصلے بھی وہی کر سکتی ہے۔
بہر کیف ڈونلڈ ٹرمپ خان کو اپنا ’’بیلی‘‘ سمجھتے ہیں لہٰذا وہ اسے اقتدار میں بھی دیکھنا چاہتے ہیں مگر ان کے سیاسی مخالفین انہیں پسند نہیں کرتے کہ وہ ’’سٹیٹس کو‘‘ کو قائم رکھنا چاہتے ہیں لہٰذا وہ سر توڑ کوشش کر رہے ہیں کہ یہ چمن یونہی رہے مگر انہیں علم ہونا چاہیے کہ غریب عوام کی بس ہو چکی ہے وہ موجودہ نظام کو بدلنا چاہتے ہیں لہٰذا نئی صبح طلوع ہونے کے قریب ہے !
.ذریعہ: Nai Baat
کلیدی لفظ: کہ انہیں میں بھی رہے ہیں نہیں ا ہیں کہ
پڑھیں:
امریکی انٹرنیٹ صارفین میں چینی ایپ’’ ریڈ نوٹ ‘‘کی مقبولیت
بیجنگ:حالیہ دنوں چین کی ایک سوشل ایپ “شیاؤہونگ شو،’یعنی ‘ریڈ نوٹ‘شمالی امریکہ میں ایپل ایپ اسٹور سے مفت سافٹ ویئر ڈاؤن لوڈ کی فہرست میں سرفہرست ہے۔ اعداد و شمار کے مطابق 8 سے 14 جنوری تک امریکہ میں موبائل ایپ ڈاؤن لوڈز میں نوٹ” کی ڈاوئن لوڈنگ میں گزشتہ سات دنوں کے مقابلے میں 20 گنا سے زائد کا اضافہ ہوا اور 2024 کے اسی عرصے کے مقابلے میں یہ اضافہ 30 گنا سے زیادہ ہے۔ امریکہ میں “ریڈ نوٹ ” کی اس اچانک مقبولیت کی وجہ کیا ہے؟ اس کی براہ راست وجہ یہ ہے کہ 19 تاریخ کے بعد ٹک ٹاک پر پابندی کا نفاذ ہو سکتا ہے جس کی وجہ سے اس ایپ سے محبت کرنے والے امریکی انٹرنیٹ صارفین ریڈ نوٹ پر منتقل ہو رہے ہیں۔یہ صارفین خود کو’ٹک ٹاک پناہ گزین‘ کہتے ہیں۔ دوسری جانب ریڈ نوٹ پر پیش کیے جانے والے تازہ اور دلچسپ مواد اور موضوعاتی تعاملات نے امریکی انٹرنیٹ صارفین کی کافی توجہ حاصل کی ہے ۔ کچھ لوگوں نے کومینٹس میں لکھا کہ وہ سمجھ نہیں پا رہے کہ امریکی حکومت یہ کیوں کہہ رہی ہے کہ ٹک ٹاک قومی سلامتی کے لیے خطرہ ہے، انہیں امید ہے کہ ریڈ نوٹ “کراس کلچرل کمیونیکیشن” کا ایک اہم وسیلہ بن جائے گا ۔ریڈ نوٹ کی مقبولیت یہ بھی ظاہر کرتی ہے کہ چین اور امریکہ کے عوام ایک دوسرے کو سمجھنے اور بات چیت کرنے کی خواہش رکھتے ہیں. اس سے کوئی فرق نہیں پڑتا کہ امریکہ میں کچھ سیاست دان چین کی ترقی کو روکنے کی اپنی جتنی بھی کوشش کریں اور چین کے تشخص کو بدنام کریں،لیکن دو ملکوں کے درمیان عوامی تبادلوں کی خواہش کو روکا نہیں جا سکتا۔ دوسری جنگ عظیم کے دوران امریکی فلائنگ ٹائیگرز کی جانب سے چینی عوام کی مزاحمتی جنگ کی حمایت سے لے کر ’پنگ پانگ ڈپلومیسی ‘تک کے تاریخی واقعات یہ ظاہر کرتے ہیں کہ تاریخ، ثقافت اور نظام کے لحاظ سے چین اور امریکہ کے درمیان اختلافات کے باوجود، دونوں عوام ایک دوسرے کے لئے دوستانہ جذبات رکھتے ہیں، جو چین امریکہ تعلقات کی طویل مدتی اور مستحکم ترقی کے لئے توانائی کا ذریعہ ہیں ۔ “چین اور امریکہ کے تعلقات کی امید عوام میں ہے، بنیاد لوگوں میں ہے، مستقبل نوجوانوں میں ہے، اور توانائی علاقائی تبادلوں میں ہے۔” ماضی پر نظر ڈالیں تو عوام کے درمیان تبادلے نے چین اور امریکہ کے تعلقات کو بار بار نچلی سطح سے واپس لا کر درست سمت دی ہے ۔ آج دونوں ممالک کے عوام نے ایک بار پھر اپنے اقدامات سے یہ ثابت کر دیا ہے کہ چین امریکہ تعلقات کے دروازے عوام نے کھولے ہیں اور ایک بار یہ دروازے مکمل کھل جائیں تو دوبارہ بند نہیں ہوں گے ۔
مظفرآباد، بجلی کی غیر اعلانیہ لوڈشیڈنگ نے کاروبار زندگی مکمل طور پر جام کر دیا