وفاق قیام پاکستان سے سندھ میں لوٹ مار کررہا ہے،قادر مگسی
اشاعت کی تاریخ: 19th, January 2025 GMT
نواب شاہ (نمائندہ جسارت )قیام پاکستان سے لے کر آج تک وفاق اور پنجاب نے سندھ میں لوٹ مار کی ہے، سندھ کو کمزور کرکے اسے ٹکڑے کرنے کی سازش کی جارہی ہے۔ ان خیالات کااظہارسندھ ترقی پسند پارٹی کے چیئرمین ڈاکٹر قادر مگسی نے ریگل چوک پردریائے سندھ پر کینال نامنظور جلسے سے خطاب کررہے ہیں۔ انہوںنے کہا کہ سندھ ہماری ماں اور سندھوں ہماری زندگی ہے جس کے لیے جدوجہدجاری ہے ،پاکستان کے قیام سے لے کر اب تک وفاق اور پنجاب کی سندھ سے لوٹ مار جاری ہے، حکمران عوام سے الیکشن میں ووٹ لیکر ایوانوں میں سودے بازی کرتے ہیں ، سندھ پر قبضہ کرکے اسے ٹکڑے کرنے کی سازش کی جارہی ہے،سندھ میں نئے صوبہ کی بات کی جاتی ہے ایم کیو ایم کے ڈاکٹر خالد مقبول صدیقی کا صوبہ کا بل سندھ اسمبلی میں موجود ہے،آرمی چیف جنرل عاصم منیر یا وزیراعظم کی آمد پر نئے صوبہ کے قیام کی بات کی جاتی ہے سندھ میں پیپلز پارٹی کی حکومت ہے مگر سندھ کے لوگ مایوس ہیں، آج سندھ کے نوجوان روزگار نہ ملنے کے سبب خودکشی پر مجبور ہیں ،نائب قاصد کی نوکری تک کے پیسے لیے جاتے ہیں ،تمام محکموں میں کرپشن کاراج ہے، پیپلز پارٹی اقتدار میں آکر اپنے لوگوں کو نوازنے میں مصروف ہے ،، تمام تر تکلیفوں کے بعد سندھ کا شہری تھک چکاہے پاکستان کی تعمیر پر سندھیوں نے بڑا دل کرکے سب قوموںکو بھائی کہہ کر خوش آمدید کہا، آصف علی زرداری نے سندھ کی 20 لاکھ ایکڑ زمین ہاریوں میں تقسیم کے نام پر بڑا ظلم شروع کیا ہے، زرداری صاحب اب سندھ کے لوگ مزید ظلم برداشت نہیں کرینگے ،ٹھٹھہ،کینجرجھیل،تھر ، کارونجھر سمیت سندھ کی قیمتی زمینوںپر قبضے کیے جارہے ہیں،چھ کروڑ عوام سندھ کے پانی پر پلتے ہیں، دریائے سندھ پر دوسرا بڑا ظلم دریا پر کینال تعمیر کرکے کیا جارہا ہے ،ہزاروں سالوں سے بہتے دریائے سندھ کے پانی کی تقسیم ہمیں قبول نہیں ،وفاقی حکومت کہتی ہے کہ دریائے سندھ پر چھ کینال تعمیر کرینگے ،آج سے پہلے بھی منصفانہ تقسیم کے نام پر ڈیم اور کینال تعمیر کیے گئے مگر انصاف کے تقاضے پورے نہیں کیے گئے اگر دریائے سندھ پر یہ کینال تعمیر ہوئے تو سکھر کے بعد دریائے سندھ میںپانی نہیں ہوگا ،سندھ کے لوگوں سے کہتا ہوں کینالوں کی تعمیر روکنے کے لیے جدوجہد کرو،کینال کی تعمیرات روکنے کے لیے ہم سب کو ملکر سندھ کے حق کے لیے لڑنا ہوگا ،ہم آصف علی زرداری، شہباز شریف سمیت ہر اس شخص سے لڑینگے جو دریائے سندھ کا پانی فروخت کرنا چاہتا ہے، پیپلز پارٹی کہتی ہے کہ ہم دریائے سندھ پر کینال کی تعمیر کے خلاف ہیں پیپلز پارٹی نے آجتک سندھ اسمبلی میں کینال منصوبہ کے خلاف قرارداد پیش نہیں کی مسلم لیگ کی حکومت آصف علی زرداری اور بلاول بھٹو کی وجہ سے قائم ہے اگر آج پیپلز پارٹی وفاقی حکومت سے الگ ہو جائے تو حکومت گر جائیگی مگر پیپلز پارٹی سندھ سے مخلص نہیں ہے ۔
.ذریعہ: Jasarat News
کلیدی لفظ: دریائے سندھ پر پیپلز پارٹی کینال تعمیر کی تعمیر سندھ کے کے لیے
پڑھیں:
پارا چنار میں امن وامان کو سبوتاژ کرنے کی کوشش کرنے والے شرپسندوں سے آہنی ہاتھوں سے نمٹنا ہوگا،بلاول بھٹو زرداری
چیئرمین پاکستان پیپلز پارٹی بلاول بھٹو زرداری نے کہا ہے کہ پارا چنار میں امن و امان کو سبوتاژ کرنے کی تاک میں بیٹھے شرپسندوں سے آہنی ہاتھوں سے نمٹنا ہوگا۔
پی پی پی چیئرمین بلاول بھٹو زرداری نے بیان میں پاراچنار جانے والے امدادی قافلے پر دہشت گردوں کے حملے کی مذمت کرتے ہوئے 3 ڈرائیورز اور 2 اہلکاروں کی شہادت پر اظہارِ افسوس کیا۔
بلاول بھٹو زرداری نے حملے میں ملوث مجرموں کو فوری طور پرقانون کی گرفت میں لانے کا مطالبہ کیا۔ چیئرمین پیپلز پارٹی نے کئی ہفتے گزرنے کے باوجود خیبرپختونخوا حکومت کی جانب سے پارا چنار میں حالات کو معمول پر لانے میں ناکامی پر تشویش کا اظہار بھی کیا۔
موجودہ کیس میں کسی پر فوج کو کام سے روکنے پر اکسانے کاالزام ہے؟جسٹس جمال مندوخیل کا استفسار