بنوقابل پروگرام کو مزید شہروں میں وسعت دے رہے ہیں،جاوید قصوری
اشاعت کی تاریخ: 19th, January 2025 GMT
لاہور (نمائندہ جسارت) امیر جماعت اسلامی پنجاب وسطی محمد جاوید قصوری نے شیخوپورہ کے ضلعی شوریٰ کے اجلاس میں شرکت کی۔ تنظیمی، دعوتی اُمور کا جائزہ لیا، بنو قابل پروگرام کے حوالے سے تفصیلات طے کیں اور آئندہ کے اہداف کے حوالے سے رہنمائی کی۔ اس موقع پر نائب امیر صوبہ نصراللہ گورائیہ، امیر ضلع زاہد عمران کوروٹانہ، قیم ضلع انجینئر علی رحمان و دیگر اراکین ضلعی شوریٰ بھی موجود تھے۔ محمد جاوید قصوری نے اپنے خطاب میں کہا کہ موجودہ مہنگائی کے دور میں تعلیم حاصل کرنا غریب گھرانوں کے لیے مشکل ہوتا جا رہا ہے، اس لیے الخدمت فائونڈیشن کے تعاون سے نوجوانوں کو مفت آئی ٹی کورسز فراہم کر رہے ہیں، ’’بنو قابل پروگرام‘‘ کے تحت گزشتہ سال 50 ہزار سے زائد طلبہ و طالبات کو مختلف کورسز میں تربیت دی جا چکی ہے، بے روزگار نوجوانوں کی آئی ٹی کے ذریعے ٹریننگ اور ہنر مندی کے ذریعے بے روزگاری ختم کرنے کا جامع پلان تیار کیا ہے، اب اس پروگرام کو مزید شہروں تک وسعت دی جا رہی ہے۔ انہوں نے کہا کہ پروگرام کے کورسز کو سندھ ٹیکنیکل ایجوکیشن بورڈ اور پنجاب بورڈ آف ٹیکنیکل ایجوکیشن سمیت دیگر اہم تکنیکی اداروں سے منسلک کیا گیا ہے تاکہ طلبہ کو جاری کردہ سرٹیفیکیٹس کو قومی اور عالمی سطح پر موثر بنایا جا سکے، ان کورسز کی تربیت پیشہ ور آئی ٹی ماہرین کی زیر نگرانی دی جا رہی ہے، نوجوان نسل کی صحیح اور درست سمت رہنمائی سے انہیں بہتر مستقبل دیا جا سکتا ہے۔ ملکی موجودہ صورتحال پر تشویش کا اظہار کرتے ہوئے محمد جاوید قصوری نے کہا کہ حکمرانوں نے عوام سے جینے کا حق چھین لیا، لوگوں کے صبر کا پیمانہ لبریز ہو چکا، لاوا پھٹنے والا ہے، حکومت میں شامل جماعتیں جاگیرداروں، وڈیروں اور کرپٹ سرمایہ داروں کی پشتیبان ہیں، حکمرانوں نے اپنے مفاد کے لیے ہمیشہ ملک کا سودا کیا اور عوام کو تکلیفیں دیں، چوکیدار بدلتے ہیں، کرپٹ نظام اپنی جگہ قائم ہے، مہنگائی، بے روز گاری، بجلی و گیس کے بلوں کی وجہ سے لوگوں کی نیندیں اُڑ گئیں، کرپشن اور سودی نظام نے ملک کا بیڑہ غرق کر دیا۔
.ذریعہ: Jasarat News
کلیدی لفظ: جاوید قصوری
پڑھیں:
معروف اداکار و کامیڈین جاوید کوڈو کے انتقال پر وزیراعظم کا اظہار افسوس
ویب ڈیسک: سٹیج اور ٹی وی کے معروف اداکار و کامیڈین جاوید کوڈو وزیر اعظم شہباز شریف نے اظہار افسوس کیا اور مرحوم کی بلندی درجات اور اہل خانہ کیلئے صبر کی دعا کی۔
انہوں نے کہا کہ جاوید کوڈو جو کہ اپنے چھوٹے قد اور قدآوراداکاری کی وجہ سے مشہور تھے، ان کی وفات سے میڈیا انڈسٹری میں ایسا خلاء پیدا ہوگیا ہے جو شاید کبھی پر نہ ہو، مشکل کی اس گھڑی میں ہماری تمام تر ہمدردیاں مرحوم کے اہل خانہ کے ساتھ ہیں۔
لاہور پریس کلب ہاؤسنگ سکیم ایف بلاک میں بجلی کی تنصیب کا افتتاح
وزیر اعلیٰ پنجاب مریم نواز شریف نے منفرد اداکار جاوید کوڈو کے انتقال پر اظہار افسوس کرتے ہوئے سوگوار خاندان سے دلی ہمدردی و اظہار تعزیت کیا ہے۔
یاد رہے کہ اداکار و کامیڈین جاوید کوڈو 63 برس کی عمر میں لاہور میں انتقال کر گئے ہیں۔اہل خانہ کے مطابق جاوید کوڈو طویل عرصے سے علیل اور جنرل ہسپتال لاہور میں زیر علاج تھے۔
جاوید کوڈو نے 1980 کی دہائی میں اپنے فنی سفر کا آغاز کیا اور اپنی منفرد اداکاری، مزاحیہ انداز اور چھوٹے قد کی وجہ سے جلد ہی عوام میں مقبولیت حاصل کر لی، انہوں نے 150 سے زائد اردو و پنجابی فلموں، سیکڑوں سٹیج ڈراموں اور ٹی وی شوز میں اپنی صلاحیتوں کے جوہر دکھائے۔
سندھ حکومت اپنی اداؤں پر غور کرے: وزیر اطلاعات پنجاب
اداکار جاوید کوڈو نے سوگواران میں بیوہ، دوبیٹے اور ایک بیٹی چھوڑی، مرحوم کی نماز جنازہ آج مغلپورہ میں ادا کی جائے گی۔
جاوید کوڈو کے انتقال پر فلم، ٹی وی اور سٹیج سے وابستہ فنکاروں نے گہرے رنج و غم کا اظہار کیا اور انکی فنی خدمات کو خراج تحسین پیش کیا ہے۔
ڈی جی خان: رشتے سے انکار پر لڑکی قتل