اسلام آباد میں بڑھتی ہوئی تجاوزات نے شہر کا حلیہ بگاڑ دیا
اشاعت کی تاریخ: 19th, January 2025 GMT
اسلام آباد (اے ایف بی) اسلام آباد قدرتی خوبصورتی اور جدید طرز تعمیر کے باعث دنیا میں منفرد مقام رکھتا ہے، لیکن بڑھتی ہوئی تجاوزات نے شہر کا حلیہ بگاڑ دیا۔ میڈیا رپورٹ کے مطابق وفاقی دارالحکومت کی شاہراہوں پر ریڑھی بانوں اور تجاوزات سے میلے کا سماں ہے، اسلام آباد کے کم و بیش تمام ہی مراکز اور چھوٹی بڑی مارکیٹس میں تجاوزات کی اقسام موجود ہیں، کوئی اپنے دکان کے سامنے فٹ پاتھ کو اپنی مالکیت مان کر من مانی کر رہا ہے تو کسی نے فٹ پاتھ بھی یومیہ بنیادوں پر کرایے پر دی ہوئی ہے۔ شہریوں کا کہنا ہے کہ انتظامیہ کی نااہلی، لاپروائی اور سست روی کے باعث راہگیروں کو پریشانیاں اُٹھانی پڑ رہی ہیں۔ کچھ کا ماننا ہے کہ کرایہ اور بجلی بلوں کے خرچے نہ ہونے کے باعث خریداروں کو سستی اشیا دستیاب ہوجاتی ہیں۔ شہریوں کا کہنا ہے کہ تجاوزات کے خلاف آپریشن صرف صاحب اقتدار کی آنکھوں میں دھول جھوکنے تک محدود ہے۔
.ذریعہ: Jasarat News
کلیدی لفظ: اسلام آباد
پڑھیں:
اسلام آباد کوخوبصورت بنانے کے لیے آذر بائیجان اورسی ڈی اے کے درمیان شانداراشتراک
رپورٹ: احتشام احمد فاروقی:
آذربائیجان اورکیپیٹل ڈیولپمنٹ اتھارٹی (سی ڈی اے) کے اشتراک سے ایک منفرد اور تخلیقی منصوبہ شروع کیا گیا ہے، جس کا مقصد اسلام آباد کی خوبصورتی میں اضافہ کرنا اور شہریوں کو فنونِ لطیفہ کی اہمیت سے روشناس کروانا ہے۔
پروجیکٹ ڈائریکٹر محمد داؤد نے وی نیوز سے خصوصی گفتگو کرتے ہوئے بتایا کہ یہ پروجیکٹ آذربائیجان اور سی ڈی اے کے اشتراک سے شروع کیا گیا ہے۔
یہ منصوبہ تکمیل کے لیے یہاں کی مقامی کمپنیوں ’ورکہ ہولیکس‘ اور ’ڈی آر سٹوڈیوز‘ کو دیا گیا ہے۔ اس منصوبے میں کامسیٹس یونیورسٹی، ویمن یونیورسٹی راولپنڈی سمیت جڑواں شہروں کی مختلف جامعات کے طلبا وطالبات حصہ لے رہے ہیں۔
یونیورسٹیز کے طلبا اسلام آباد کی مرکزی شاہراہ زیرو پوائنٹ پل کی نچلی دیواروں پر خوبصورت رنگوں کے ساتھ کیلیگرافی او نقش و نگارکے ذریعے اسلام آباد کو خوبصورت بنانے کے مشن پر ہیں۔
دوسری جانب اس پروجیکٹ میں حصہ لینے والی طالبات ودیان، ہیہان فاطمہ اور دیگر طلبا کا کہنا ہے کہ ہمارے لیے باعث فخر ہے کہ ہم اتنے بڑے پروجیکٹ کا حصہ ہیں۔
اس پروجیکٹ پر کام کے ذریعے ہم اپنی صلاحیتوں کو اجاگر کر کے خوشی محسوس کر رہے ہیں۔ طلبا کے لیے اس سے بڑا سنہری موقع کوئی نہیں ہو سکتا کہ ہمارا کام وفاقی دارلحکومت کی دیواروں پر پوری دنیا دیکھے گی۔
طلبا و طالبات کا کہنا ہے کہ یہ اقدام نہ صرف شہر کی تزئین و آرائش میں اہم کردار ادا کرے گا بلکہ نوجوانوں کی صلاحیتوں کو اجاگر کرنے کا ایک بہترین ذریعہ بھی ثابت ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آذربائیجان آرائش تخلیقی منصوبہ تزئین سی ڈی اے طالبات طلبا کیپیٹل ڈیولپمنٹ اتھارٹی کیلیگرافی نقش و نگار
میری آواز سنو