190ملین پاؤنڈ کیس میں سزا سے متعلق قانونی ماہرین کی ملی جلی رائے
اشاعت کی تاریخ: 19th, January 2025 GMT
اسلام آباد:
سابق وزیراعظم عمران خان کا 190 ملین پاؤنڈز کیس میں منصفانہ ٹرائل ملا اور ان کے مناسب کارروائی کی گئی ہے یا نہیں۔ اس حوالے سے قانونی ماہرین نے ملی جلی رائے کا اظہار کیا ہے۔
سابق ایڈیشنل اٹارنی جنرل طارق محمود کھوکھر کا کہنا ہے کہ عمران خان کا ٹرائل، ان پر فرد جرم اور ان کو دی گئی سزا آزادی، اہلیت اور غیر جانبداری سے عاری عدالت کی جانب سے آئی ہے۔
اس طرح ہمارے آئین کے آرٹیکل 10اے اور شہری اور سیاسی حقوق کے بین الاقوامی معاہدے (ICCPR) کے آرٹیکل 14 کی خلاف ورزی کی گئی ہے۔ پاکستان نے اس عالمی معاہدے کی توثیق کر رکھی ہے۔
طارق کھوکھر نے مزید کہا اس طرح کا غیر منصفانہ طریقہ کار ہی مقدمے کو شروع سے ہی کالعدم قرار دینے کے لیے کافی ہیں۔ انہوں نے کہا مقدمہ کے جج ناصر جاوید رانا مہذب اقوام اور اسلامی فقہ کی طرف سے تسلیم شدہ قانون کے بنیادی اصولوں کے لیے ایک قابل نفرت کردار ہے۔ 2005 میں ایس سی پی نے انہیں پولیس کا آلہ کار، غیر قانونی احکامات پاس کرنے والا، جھوٹی گواہی دینے والا اور دوسروں کی طرف سے جھوٹی گواہی لینے والا، بدتمیز اور عدالتی خدمات کے لیے نااہل قرار دیا تھا۔
دریں اثنا عبدالمعیز جعفری ایڈووکیٹ کا خیال ہے کہ یہاں اختیارات کے غلط استعمال کا ایک ٹھوس کیس تھا کہ اس کا جواب دیا جاتا لیکن عمران خان ایسا کرنے میں ناکام ہوئے۔ وہ اپنے دفاع میں صرف یہ پیش کرنے میں کامیاب رہے ہیں کہ وہ ایک کرکٹ اسٹار ہیں اور ان کی انسان دوست اقدامات کی ایک تاریخ ہے۔
ایک خیراتی ادارہ بنانے کا ان کا ارادہ ایک طرف تو کابینہ کے فیصلے کے ذریعے بزنس ٹائیکون کو اس کی رقم واپس دینے اور دوسری طرف اعتماد کی بنا پر ان سے زمین اور عطیات لینے کے درمیان گٹھ جوڑ کو ختم نہیں کر سکتا۔
حافظ احسان احمد ایڈووکیٹ نے تاہم کہا ہے کہ تمام حقائق قانونی طور پر یہ ظاہر کرتے ہیں کہ ملزمان کی جانب سے کابینہ، این سی اے، حتیٰ کہ سپریم کورٹ کے سامنے سنگین قانونی خلاف ورزیاں اور غلط بیانی کی گئی تھی۔
اس کے نتیجے میں رقم کو دوسرے نجی اکاؤنٹ میں منتقل کرکے "بے ایمانی" اور "بد نیتی پر مبنی" ایڈجسٹمنٹ کی گئی۔
قانونی ماہر نے بتایا کہ نیب آرڈیننس کے سیکشن 32 کے تحت ملزمان کو 30 دن کے اندر اسلام آباد ہائیکورٹ کے ڈویژن بنچ کے سامنے سزا کو چیلنج کرنے کا قانونی حق حاصل ہے۔
.ذریعہ: Express News
کلیدی لفظ: کی گئی
پڑھیں:
ریاست لوزیانا میں امیگریشن جج نے کولمبیا یونیورسٹی کے محمود خلیل کو ملک بدر کرنے کا حکم سنادیا
نیویارک(اردوپوائنٹ اخبارتازہ ترین-انٹرنیشنل پریس ایجنسی۔12 اپریل ۔2025 )امریکی ریاست لوزیانا میں امیگریشن جج کی طرف سے سنائے گئے فیصلے میں کہا گیا ہے کہ کولمبیا یونیورسٹی سے گریجویشن کرنے والے محمود خلیل کو ملک سے نکالا جا سکتا ہے کیوں کہ انہیں امریکی قومی سلامتی کے لیے خطرہ قرار دیا گیا ہے. قبل ازیں وکلا نے فلسطین کی حمایت میں کیے جانے والے مظاہروں میں شرکت کرنے والے طالب علم محمود خلیل کی ملک بدری کی قانونی حیثیت پر دلائل دیے تھے امیگریشن جج جیمی ای کومینز نے جینا میں ہونے والی سماعت کے دوران کہا کہ حکومت کا یہ مو¿قف کہ خلیل کی امریکہ میں موجودگی سے ممکنہ طور پر سنگین خارجہ پالیسی کے نتائج پیدا ہو سکتے ہیں ان کی ملک بدری کے لیے درکار قانونی شرائط پوری کرتا ہے.(جاری ہے)
جج کا کہنا تھا کہ حکومت نے واضح اور قائل کر والے شواہد کے ذریعے یہ ثابت کر دیا کہ انہیں ملک سے نکالا جا سکتا ہے امیگریشن عدالت میں سماعت کے بعد محمود خلیل کے وکیل مارک وین ڈر ہاﺅٹ نے نیو جرسی کے ایک وفاقی جج کو بتایا کہ محمود خلیل چند ہفتے میں امیگریشن اپیلز بورڈ میں اپیل دائر کریں گے ان کا کہنا تھا کہ فوری طور پر کچھ ہونے والا نہیں. مقدمے کی سماعت کے اختتام پر جج سے مخاطب ہوتے ہوئے محمود خلیل نے یاد دلایا کہ قبل ازیں رواں ہفتے شروع ہونے والی سماعت کے دوران انہوں نے کہا تھا کہ اس عدالت کے لیے اس سے زیادہ کچھ اہم نہیں کہ کسی کو اس کے قانونی حقوق اور بنیادی انصاف فراہم کیے جائیں . خلیل محمود نے کہا کہ جو کچھ ہم نے آج دیکھا اس میں نہ تو وہ اصول موجود تھے اور نہ ہی پورے عمل میں ایسا کچھ نظر آیایہی وجہ ہے کہ ٹرمپ انتظامیہ نے مجھے عدالت میں پیش ہونے کے لیے میرے خاندان سے ایک ہزار میل دور بھیجا محمود خلیل جو امریکہ میں قانونی طور پر مقیم ہیں کو8مارچ کو وفاقی امیگریشن اہلکاروں نے ان کے یونیورسٹی کی ملکیت والے اپارٹمنٹ کی لابی سے گرفتار کیا. یہ صدر ڈونلڈ ٹرمپ کے اس اعلان کے تحت پہلی گرفتاری تھی جس کا انہوں نے وعدہ کیا یہ کارروائی ان طلبہ کے خلاف کی جا رہی ہے جنہوں نے غزہ میں جارحیت کے خلاف یونیورسٹیوں میں ہونے والے احتجاج میں حصہ لیا.
شمالی وزیرستان میں تیل و گیس کا نیا ذخیرہ دریافت