ساکنانِ شہرِ قائد کا عالمی مشاعرہ کراچی کی پہچان بن گیا
اشاعت کی تاریخ: 19th, January 2025 GMT
’ساکنانِ شہرِ قائد‘‘ کے زیرِ اہتمام سالانہ عالمی مشاعرہ ایکسپو سینٹر، گلشن اقبال میں منعقد کیاگیا. مشاعرے کی صدارت استادالاساتذہ پروفیسر سحر انصاری نے کی جبکہ ڈاکٹر عنبریں حسیب عنبر، وجیہ ثانی نے نظامت کے فرائض انجام دیئے۔ مشاعرہ، رات ۰۱ بجے سے صبح ۵ بجے تک جاری رہا۔ سامعین کی بڑی تعداد شعرا کے کلام سے محظوظ ہوئی اور خوب داد تحسین دی، شرکاءکا جوش وخروش دیدنی تھا۔ اس عالمی مشاعرے کی بنیادا?ج سے ۹۲برس پہلے مرحوم اظہر عباس ہاشمی نے رکھی ، جس کا تسلسل برقرار رکھ کرمحمود احمد خان اپنی ادب دوستی کا بین ثبوت دی رہے ہیں۔
مشاعرہ کانآغاز تلاوتِ کلامِ مجید اور نعت سرورِ کائنات ؐسے کیا گیا.
مشاعرے میں کراچی سے ڈاکٹر پیرزادہ قاسم رضا صدیقی، انور شعور، صابر ظفر، سید فراست رضوی، جاوید صبا، ڈاکٹر عقیل عباس جعفری، ڈاکٹر اقبال پیرزادہ، اختر سعیدی، فاضل جمیلی، خالد معین، ناصرہ زبیری، اقبال خاور، ڈاکٹر رخسانہ صبا، کاشف حسین غائر، وجیہ ثانی، نینا عادل، سیمان نوید، نعیم سمیر اور عبدالرحمٰن مومن، اسلام آباد سے افتخار عارف، شکیل جاذب، محبوب ظفر، عمران عامی، لاہور سے عباس تابش، حمیدہ شاہین، زاہد فخری، واجد امیر، شعیب بن عزیز، خیبر پختونخوا سے ناصر علی سید، کوئٹہ سے محسن شکیل، حیدرآباد سے امر پیرزادو، ملتان سے مبشر سعید، لسبیلہ ( بلوچستان )سیظہیر ظرف، بھارت سے وجے تیواری، لندن سے پروفیسر عقیل دانش، کینیڈا سیپروفیسر شاہدہ حسن، امریکا سے حمیرا رحمان، خالد عرفان اور تسنیم عابدی، فرانس سے ثمن شاہ شریک ہوئے. بھارتی شاعر وجے تیواری جب کلام سنانے ا?ئے تو ان کا بھر پور انداز میں استقبال کیا گیا، انہوں نے بھی خوب رنگ جمایااور سامعین کی فرمائش پوری کیں، ٹھیک ۲۱بجے شب ، نہایت ادب و احترام سے پاکستان کا قومی ترانہ سْنا گیا، اْس گھڑی پورے پنڈال میں ، پاکستان کے قومی پرچم، لہرارہے تھے۔ یہ ایک اچھی روایت ہے جس کی تقلید ہونی چاہیے۔
’’ساکنانِ شہرِ قائد‘‘ کے سرپرستِ اعلیٰ ، ممتاز شاعر، دانشور اور ماہرِ تعلیم، ڈاکٹر پیرزادہ قاسم رضا صدیقی نے مشاعرے کی کامیابی پر پوری ٹیم کو دلی مبارک باد اور خراجِ تحسین پیش کیا. اس موقع پر صدرِ مشاعرہ پروفیسر سحر انصاری نے کہا کہ عالمی مشاعروں نے کراچی کی تہذیبی زندگی کو متحرک اور فعال رکھا ہوا ہے۔ اس میں دو رائے نہیں کہ یہ پاکستان کا سب سے بڑا مشاعرہ ہوتا ہے۔ انہوں نے کہا کہ شدید سردی کے باوجود سامعین کی اتنی بڑی تعداد ایک معجزہ ہے اور مشاعرہ توقع سے زیادہ کامیاب رہا۔ تمام شعرائے کرام نے متاثر کن کلام سنایا۔ میں سامعین کی ادب نوازی اور شعر فہمی کی ضرور داد دوں گا کہ وہ صبح ۵ بجے تک پنڈال میں بیٹھے ہیں۔
ذریعہ: Jasarat News
کلیدی لفظ: سامعین کی
پڑھیں:
ہیم ٹیکسٹائل میں 65ممالک کے 3000نمائش کنندگان کی شرکت
جرمنی (کامرس رپورٹر)اب تک کی سب سے بڑی پاکستانی نمائش، جس میں 275 نمائش کنندگان نے ہیئم ٹیکسٹائل فرینکفرٹ جرمنی میں پاکستانی ٹیکسٹائل کی نمائندگی کی۔ 65 ممالک کے 3000 سے زائد نمائش کنندگان میں سے پاکستان تیسرے نمبر پر رہا جہاں سب سے زیادہ نمائش کنندگان تھے۔ ان نمائش کنندگان نے گھریلو ٹیکسٹائل کی مصنوعات کی ایک شاندار رینج پیش کی، جن میں بیڈ شیٹس، تولیے، کچن لائنین، اور ڈیکور ایٹو فیبریکس شامل تھیں، جنہوں نے عالمی خریداروں اور صنعت کے رہنماؤں کی اہم توجہ حاصل کی۔روایتی منڈیوں سے آگے کی توسیع پاکستانی نمائش کنندگان کا ہیئم ٹیکسٹائل 2025 میں شرکت کا ایک اہم مقصد اپنی مارکیٹ کی رسائی کو روایتی یورپی گاہکوں تک محدود رکھنے سے آگے بڑھانا تھا۔ نمائش کنندگان نے عالمی خریداروں کے ساتھ تعلقات مضبوط کرنے اور ابھرتی ہوئی منڈیوں میں داخل ہونے کے لیے بات چیت کی۔ ان کی شرکت نے پاکستان کی جدت کی جانب عزم اور گھریلو ٹیکسٹائل میں اعلی معیار کو برقرار رکھنے کا عہد ظاہر کیا۔رہنمائی دینے والے صنعتی کھلاڑی پاکستانی ٹیکسٹائل کے اہم صنعتکاروں جیسے آل کریم، گل احمد، ٹاولرز، لکی ٹیکسٹائل، صداقت اور آدم جی انٹرپرائزز نے ہال 8 اور 9 میں اپنے مصنوعات پیش کیں۔ ان اہم کمپنیوں نے پاکستان کی گھریلو ٹیکسٹائل کی صنعت کی جامع صلاحیتوں کو اجاگر کیا، جس میں جدید ڈیزائنز سے لے کر پائیدار پیداوار کے طریقے شامل ہیں۔ٹی ڈی اے پی کا اہم کردارپاکستان کی ہیئم ٹیکسٹائل 2025 میں مضبوط موجودگی میں ٹریڈ ڈویلپمنٹ اتھارٹی آف پاکستان (TDAP) کا اہم کردار تھا۔ ٹی ڈی اے پی نے 64 کمپنیوں کی شرکت کو ہم آہنگ کیا، جن میں متعدد چھوٹی اور درمیانے درجے کی کمپنیاں شامل تھیں، یہ یقینی بناتے ہوئے کہ پاکستانی ٹیکسٹائل پروڈیوسرز کی ایک متنوع رینج کو عالمی خریداروں کے ساتھ بات چیت کرنے کا موقع ملا۔ ٹی ڈی اے پی کی کوششیں پاکستان کے ٹیکسٹائل سیکٹر کی عالمی سطح پر نمائش کو بڑھانے میں اہم ثابت ہوئیں۔مستقبل کی طرف دیکھتے ہوئے ہیئم ٹیکسٹائل 2025 میں پاکستانی نمائش کنندگان کی کامیاب شرکت عالمی منڈیوں میں پاکستانی گھریلو ٹیکسٹائل مصنوعات کی بڑھتی ہوئی طلب کو ظاہر کرتی ہے۔ اس کامیابی کو دیکھتے ہوئے، نمائش کنندگان مزید مارکیٹ کے مواقع تلاش کرنے اور اپنے موجودہ تعلقات کو مضبوط کرنے کا ارادہ رکھتے ہیں۔ اس ایونٹ نے پاکستان کی عالمی ٹیکسٹائل صنعت میں اہم کھلاڑی کے طور پر صلاحیت کو اجاگر کیا اور ملک کی جدت، معیار، اور پائیدار طریقوں کے لیے عزم کی توثیق کی۔
جیکسن سے گلاکٹی خاتون‘نیوکراچی میں کچراکنڈی سے لاش ملی