گلشن اقبال‘حب چوکی‘بریگیڈ میں3افراد ٹریفک حادثات کاشکار
اشاعت کی تاریخ: 19th, January 2025 GMT
کراچی ( اسٹاف رپورٹر ) شہر قائد کے مختلف علاقوں میں حادثات وواقعات میں بچے سمیت 6افراد جاںبحق ہوگئے دیگر واقعات میں خاتون اور بچوں سمیت 18افراد زخمی ہوئے ۔ تفصیلات کے مطابق زمان ٹاؤن تھانے کی حدود کورنگی نمبر 6 51 سی میں واقع گھر سے نوجوان کی پھندا لگی لاش ملی۔ نوجوان کی شناخت22 سالہ فیضیاب ولد محمد ارشد کے نام سے ہوئی۔ کورنگی اللہ والا ٹاؤن KDA سوسائٹی کے قریب گھر سے پھندا لگی 42 سالہ عدنان کی لاش ملی ۔ گلشن اقبال کے علاقے حسن اسکوائر کارپیٹ مارکیٹ کے قریب ٹریفک حادثے میں 35سالہ شخص جاں بحق ہوگیا ۔ بوٹ بیسن کے علاقے کلفٹن عبداللہ شاہ غازی مزار کے قریب تیز رفتار گاڑی کی ٹکر سے 4 سالہ راہگیر بچہ عفان ولد عرفان جاں بحق ہوگیا ۔ حب چوکی باوانی المائدہ ریسٹورنٹ کے قریب ٹریفک حادثے میںایک شخص جاں بحق 02 افراد زخمی ہوئے ۔ جاں بحق شخص کی شناخت 40سالہ ارشد ولد حاجی گل من اور زخمیوں کی شناخت 30سالہ اسلم ولد محمد حفیظ ،محمد صادق کے ناموں سے ہوئی ۔جاں بحق اور زخمیوں کو سول ہسپتال منتقل کر دیا گیا ۔ بریگیڈ تھانے کی حدو صدر میں ٹریفک حادثے میں 36 سالہ زخمی ہونے والا نوجوان آج جناح اسپتال میں دوران علاج دم توڑ گیا۔
.ذریعہ: Jasarat News
کلیدی لفظ: کے قریب
پڑھیں:
آرمی چیف‘ بیرسٹر گوہر ملاقات وزیراعظم کی اجازت سے ہوئی ہو گی: احسن اقبال
اسلام آباد (نوائے وقت رپورٹ) وفاقی وزیر منصوبہ بندی احسن اقبال نے اڑان پاکستان پروگرام پر خصوصی بریفنگ میں کہا ہے کہ بھارت‘ چین‘ جاپان‘ بنگلہ دیش اور ملائیشیا نے ترقی دس سالہ پروگرام سے کی ہے۔ صحافی نے سوال کیا کہ کیا آپ کی حکومت نے بھی پی ٹی آئی کی طرح دس سالہ اقتدار کا منصوبہ بنا لیا ہے۔ احسن اقبال نے کہا کہ ہماری حکومت نے دس سالہ اقتدار میں رہنے کا کوئی منصوبہ نہیں بنایا۔ پانی و خوراک کی کمی‘ سیلاب سے نمٹنے کیلئے طویل المدتی پالیسیوں کی ضرورت ہے۔ ایک ہزار زرعی گریجویٹس کو چین سے تربیت دلوائیں گے۔ گریڈ 20 کے 30 افسران کو چین کی ترقی کا جائزہ لینے کیلئے خصوصی دورے پر بھیجا۔ ان افسران کی رپورٹ کی روشنی میں سی پیک فیز ٹو کا آغاز کریں گے۔ ملک میں اسمبلیوں کو مدت پوری کرنی چاہئے۔ صحافی نے سوال کیا کہ کیا آپ تسلیم کر رہے ہیں کہ پی ٹی آئی حکومت کو مدت پوری نہ کرنے دینا غلطی تھی؟۔ احسن اقبال نے کہا کہ پی ٹی آئی حکومت نہ جاتی تو ملک دیوالیہ ہو جاتا۔ اگر بیرسٹر گوہر اور علی امین گنڈا پور آرمی چیف سے ملے ہیں تو یہ وزیراعظم کی اجازت سے ہوا ہو گا۔
جیکسن سے گلاکٹی خاتون‘نیوکراچی میں کچراکنڈی سے لاش ملی