جمہوریت میں مضبوط اپوزیشن کا کردار نہایت اہم ہوتا ہے، اجے ماکن
اشاعت کی تاریخ: 18th, January 2025 GMT
کانگریس کے خزانچی نے کوٹلہ مارگ پر واقع کانگریس پارٹی کے نئے دفتر کی خصوصیات بیان کرتے ہوئے کہا کہ اندرا بھون کو جدید سہولیات اور تاریخی ورثے کے عکاس کے طور پر تعمیر کیا گیا ہے۔ اسلام ٹائمز۔ انڈین نیشنل کانگریس نے حال ہی میں دہلی میں اپنے نئے ہیڈکوارٹر "اندرا بھون" کا باضابطہ افتتاح کیا تھا، جس میں پارٹی نے سرگرمیوں کا آغاز کر دیا ہے۔ کانگریس کے خزانچی اجے ماکن جنرل سیکریٹری برائے مواصلات جے رام رمیش اور میڈیا و تشہیر کے چیئرمین پون کھیڑا نے آج اندرا بھون میں مشترکہ پریس کانفرنس سے خطاب کیا۔ اجے ماکن نے کوٹلہ مارگ پر واقع کانگریس پارٹی کے نئے دفتر کی خصوصیات بیان کرتے ہوئے کہا کہ اندرا بھون کو جدید سہولیات اور تاریخی ورثے کے عکاس کے طور پر تعمیر کیا گیا ہے۔ کانگریس کو 19 نومبر 2007ء کو اس زمین کا الاٹمنٹ ملا تھا، جبکہ 2009ء میں اس کا سنگ بنیاد رکھا گیا۔ تعمیراتی کام مکمل ہونے کے بعد 14 جنوری 2025ء کو کمپلیشن کم اوکیوپینسی سرٹیفکیٹ جاری ہوا اور 15 جنوری کو کانگریس پارٹی نے یہاں کام شروع کر دیا۔
انہوں نے بتایا کہ اندرا بھون کو ایک ایسے مرکز کے طور پر ڈیزائن کیا گیا ہے جو نہ صرف پارٹی کا انتظامی مرکز ہوگا بلکہ اس کی جمہوری اقدار اور تاریخی ورثے کا آئینہ دار بھی ہے۔ انہوں نے کہا کہ یہ پانچ منزلہ عمارت 2100 مربع میٹر کے رقبے پر محیط ہے، اس میں 276 نشستوں کا آڈیٹوریم، مختلف میٹنگ رومز اور کانفرنس ہال موجود ہیں۔ یہاں تمام فرنٹل تنظیموں اور پارٹی کے سیلز کے عہدیداروں کے لئے نشستوں کا بندوبست کیا گیا ہے۔ اس کے علاوہ اس جدید عمارت میں 134 درخت، 8675 پودے اور 264 آرٹ ورک اور تصاویر آویزاں ہیں۔
اجے ماکن نے مزید بتایا کہ دفتر میں موجود کیفیٹیریا کو نند لال بوس کی مشہور پینٹنگز سے آراستہ کیا گیا ہے، جو 1938ء میں مہاتما گاندھی کے کہنے پر ہری پورا کانگریس سیشن میں تیار کی گئی تھیں۔ مہاتما گاندھی نے اس اجلاس کو ہندوستانی ثقافتی ورثے کی عکاسی کے لئے ترتیب دیا تھا، جو آزادی کی جدوجہد کا استعارہ تھا۔ پریس کانفرنس میں اجے ماکن نے کہا کہ کسی بھی جمہوریت میں مضبوط اپوزیشن کا کردار نہایت اہم ہوتا ہے۔ انہوں نے کہا کہ "اندرا بھون" نہ صرف کانگریس کی جمہوری جدوجہد بلکہ ملک کے آئینی اصولوں کی حفاظت کے عزم کی علامت ہے۔
ذریعہ: Islam Times
کلیدی لفظ: اندرا بھون کیا گیا ہے اجے ماکن کہا کہ
پڑھیں:
نکاح اور طلاق
دنیا کی تاریخ میں ہمیشہ سے یہ ہوتا رہا ہے یا یوں کہئیے کہ تاریخ ہمیشہ سے اپنے آپ کو یوں دہراتی رہی ہے کہ جب پندرہ فی صد اشرافیہ کے ہاتھوں تنگ آکر عوامیہ ’’بجنگ آمد‘‘ ہوجاتی ہے اورکوئی تحریک اٹھتی ہے اس کے خلاف اٹھتی ہے تو پہلے تو اشرافیہ اپنی طاقت کے زعم میں اسے ’’کمی کمین‘‘ لوگوں کی بستی سمجھ کر مذاق اڑاتی ہے لیکن جب وہ تحریک پھیلنے لگتی ہے تو اسے ہزار روکنے کی کوشش کرتی ہے۔
اس میں بھی ناکام ہوجاتی ہے اورتحریک کامیاب ہوجاتی ہے تو یوٹرن لے کر اس کے ساتھ ہوجاتی ہے اوراپنے جدی پشتی کثرت استعمال سے مضبوط دماغوں سے کام لے کر ہراول دستے میں پہنچ جاتی ہے اوراس تحریک کو اپنے ڈھب پر لاکر موڑ لیتی ہے جس طرح کوئی شریف آدمی کسی غنڈے بدمعاش سے تنگ آکر اس پر کوئی ہتھیار تان لے اور بدمعاش اپنی چالاکی سے اسے پھسلا کر اس کا ہتھیار چھین کر اسی پر استعمال کرتا ہے ۔ بنوامیہ کی سربراہی پر مبنی اشرافیہ اسی ڈگر پر روانہ ہوئی جیسے تاریخ میں ہوتا رہا، وہی بادشاہ وہی عمال وہی طور طریقے ، صرف نام بدلے گئے۔ چنانچہ اسلامی معاشرہ بھی دو طبقوں میں بٹ گیا ، اصل اسلام کے داعی اور پیروکار تو کنارہ کش ہوکر اہل طریقت بن گئے ۔
شد آں کہ اہل نظر درکنارہ می رفتند
ہزار گونہ سخن دردہان و لب خاموش
یہ کہہ کر کہ
امورمصلحت ملک ’’خسرواں‘‘ دانند
گدائے گوشتہ نشینی تو حافظامخروش
اورجو لوگ ان ’’خسرواں‘‘ کے ساتھ ہوگئے وہ اہل شریعت کے مظالم اورعیاشیوں بدمعاشیوں کے لیے جوازات فراہم کرنے لگے ، ’’مال غنیمت‘‘ کا سیلاب آگیا چنانچہ ’’اشراف‘‘ کا یہ سلسلہ تخت کے لیے مصلے تک پھیل گیا، مساجد میں ایسے امام مروج ہوگئے جو پیچھے کھڑے ہوئے امرا کے لیے ان کے پسندیدہ مسئلے نکالنے لگے ۔ ظاہرہے کہ ایسی حالت میں علماء حق تو ایسا پیشہ اختیار نہیں کرسکتے تھے، اس لیے دین ان اماموں کے ہاتھ لگ گیا جن کا مبلغ علم چند سورتیں، دعائیں، کان میں اذان اورشادی غمی سے متعلق مروجہ امور اوربہت ساری بے سروپا کہانیوں پر مبنی ہوتا تھا جو ’’بینگن‘‘ کے نہیں ’’خان‘‘ کے ملازم ہوتے تھے ۔
ان ہی دنوں میں نکاحوں اورطلاقوں سے متعلق طرح طرح کے مسائل مروج کردیے گئے۔ سب سے پہلے چار نکاحوں کے مسئلے کو لیتے ہیں جو امیر لوگوں کا پسندیدہ شغل ہے ورنہ عام لوگوں کے لیے تو ایک شادی کرنا اورایک بیوی کو پالنا مشکل ہوتا ہے ۔سب سے پہلے تو یہ بتانا ضروری ہے کہ یہ ’’حکم‘‘ نہیں ’’اجازت‘‘ ہے اوروہ بھی نہایت ہی مشروط اورقطعی ایک ہنگامی اورمخصوص صورت حال میں ۔چار شادیوں کی یہ اجازت سورۃ النساء میں دی گئی ہے لیکن اس اجازت والی آیت سے آگے اور پیچھے جو اصل مسئلہ بیان کیاگیا اورجس صورت حال میں یہ اجازت دی گئی اس کو یکسر فراموش کردیاگیا ہے ۔
یہ سورہ اس وقت نازل ہوئی جب ایک جنگ میں بہت سارے مسلمان شہید ہوگئے اوراپنے پیچھے بیوائیں اوریتیم بچے چھوڑ گئے۔ ایسی حالت میں ہمارے مشرقی ممالک میں بلاتفریق مذہب و ملت یہ روایت چلی آرہی ہے کہ مرنے والوں کی بیویاں اوربچے قریبی عزیز کی ذمے داری ہوجاتے ہیں ، بھائی، چچا زاد بھائی، ماموں یا چچا ہی ان کامالک سرپرست اورمختار ہوتا ہے ۔ انسان جسے خدا نے احسن تقویم پر پیدا کیا ہے جب اسفلہ سافلین میں گرتا ہے تو وہ جانور بن جاتا ہے۔
حقیقت یہ ہے کہ عورتوں کے ساتھ جو ظلم ہوئے ہیں اورمردوں کو جو جوازات فراہم کیے گئے ہیں وہ نہایت درد ناک اورخون کے آنسو رلانے والی تاریخ ہے ۔تازہ ترین واقعہ ہے کہ مشورکردار اسامہ بن لادن کے والد جناب لادن جو سعودیہ کے منظورنظر ٹھیکیدار اورسرمایہ دار تھے ، حرمین میں بھی کاموں کے ٹھیکے اورشاہی عمارات کے ٹھیکے بھی اکثر ان کوملتے تھے، وہ اپنے 83 ویں نکاح کے لیے اپنے طیارے میں جارہے تھے کہ جہاز کریش ہوگیا اوروہ ترائیسویں خاتون ان کی سرپرستی سے محروم رہ گئی۔
اب شاید آپ سوچ رہے ہوں گے کہ ’’چار‘‘ میں ترائیس کاجواز کہاں سے اورکیسے پیدا ہوگیا تو تمام حل موجود ہیں ۔ ترکی کے سلطان عبدالحمیدکو جب اقتدار سے محروم کیاگیا تو اس کے حرم میں لگ بھگ ساڑھے چارسو کنیزیں تھیں ، تفصیلات جاننے کے لیے ان ہی کنیزوں میں سے ایک ’’نشاط‘‘ کی کتاب ’’مائی حرم لائف‘‘ پڑھی جاسکتی ہے ۔
(جاری ہے)
گراں فروشوں کے خلا ف جاری مہم کو موثر بنا یا جاے گا‘کمشنرکراچی