حکومت کی نئی ریگولیشن پالیسی جاری، عازمین حج کے لیے سیکیورٹی کلیئرنس لازمی قرار
اشاعت کی تاریخ: 18th, January 2025 GMT
پاکستان کی وزارت مذہبی امور نے نجی حج سکیموں کے لیے نئی ریگولیشن پالیسی متعارف کرادی ہے جس کے تحت 30 لاکھ روپے سے زیادہ مالیت کے حج پیکجز کا انتخاب کرنے والے عازمین کو اپنی سیکیورٹی کلیئرنس کرانا لازمی ہو گی۔
وزارت مذہبی امور کے مطابق اس پالیسی کے اجرا کا مقصد شفافیت کو یقینی بنانا اور اسلام کے سب سے اہم مذہبی فریضہ میں سے ایک میں فنڈز کے غلط استعمال کو روکنا ہے۔
وزارت کی جانب سے جاری اعلامیے کے مطابق نظرثانی شدہ پالیسی کے تحت مہنگے نجی حج پیکج کا انتخاب کرنے والے عازمین حج کے نام فیڈرل بورڈ آف ریونیو (ایف بی آر) کو بھیجے جائیں گے۔
نئی پالیسی کے تحت ایف بی آر مہنگے نجی حج پیکجز کا انتخاب کرنے والے عازمین کے اثاثوں اور ٹیکس ہسٹری کی تحقیقات کرائے گا۔
پالیسی کے تحت ان تمام افراد کے نام سیکیورٹی ایجنسیوں کو بھیجے جائیں گے تاکہ ان کے مجرمانہ ریکارڈ یا کسی اورجرم سے متعلق معلومات اکٹھی کی جا سکیں۔ سیکیورٹی کلیئرنس حاصل کرنے کے بعد ہی ایسے عازمین کو اپنے حج انتظامات کے ساتھ آگے بڑھنے کی اجازت دی جائے گی۔
مزید یہ کہ 30 لاکھ روپے کی حد سے زیادہ حج پیکج پیش کرنے والی کمپنیوں کو وزارت مذہبی امور کی منظوری کے لیے اپنے پیکجز کے بارے میں تفصیلی معلومات جمع کرانا ہوں گی۔ وزارت قواعد و ضوابط کی تعمیل کو یقینی بنانے کے لیے قیمتوں اور متعلقہ اخراجات کی جانچ پڑتال اور منظوری دے گی۔
نئی پالیسی پرعمل درآمد کی نگرانی کے لیے وزارت نے محمد حکیم خٹک کو فوکل پرسن مقرر کیا ہے۔
واضح رہے کہ گزشتہ ہفتے وزارت مذہبی امور نے نجی حج ٹور آپریٹرز کے ساتھ معاہدہ کیا تھا جس کے تحت انہیں حج بکنگ شروع کرنے کی اجازت دی گئی تھی۔ ٹور آپریٹرز کو اب 31 جنوری تک بکنگ قبول کرنے کی اجازت ہے۔
تاہم 30 لاکھ روپے سے زیادہ مالیت کے حج پیکجز کے لیے حج فارمولیشن کمیٹی سے منظوری لازمی ہوگی۔ نئی پالیسی کا مقصد حج کےعمل کو ہموار کرنا اور شفافیت کو یقینی بنانا ہے جبکہ نجی حج خدمات کی بڑھتی ہوئی طلب کو بھی پورا کرنا ہے۔
محدود کوٹے کے لیے حج درخواستوں کی وصولی کا عمل بھی گزشتہ ہفتے شروع ہوا تھا۔ درخواستیں پہلے آئیے، پہلے پائیے کی بنیاد پر قبول کی جائیں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایف بی آر بکنگ ٹور آپریٹرز جانچ پڑتال حج ریگولیشن فارمولیشن کمیٹی فیڈرل بورڈ آف ریونیو نئی پالیسی وزارت مذہبی امور.ذریعہ: WE News
کلیدی لفظ: ایف بی ا ر ٹور ا پریٹرز ریگولیشن فارمولیشن کمیٹی فیڈرل بورڈ ا ف ریونیو نئی پالیسی
پڑھیں:
حکومت کا وزارت سائنس کے چھ ادارے بند کرنے کا فیصلہ،وفاقی حکومت کی رائٹ سائزنگ کمیٹی نے وزارت سائنس کے چار اداروں کو ضم کرنے کی بھی منظوری دے دی
حکومت کا وزارت سائنس کے چھ ادارے بند کرنے کا فیصلہ،وفاقی حکومت کی رائٹ سائزنگ کمیٹی نے وزارت سائنس کے چار اداروں کو ضم کرنے کی بھی منظوری دے دی WhatsAppFacebookTwitter 0 18 January, 2025 سب نیوز
اسلام آباد (آئی پی ایس )وفاقی حکومت کی رائٹ سائزنگ کمیٹی نے وزارت سائنس کے 6 ادارے بند کرنے اور چار اداروں کو ضم کرنے کی منظوری دے دی۔ رائٹ سائزنگ کمیٹی نے وزارت سائنس کے صرف 6 اداروں کو کم افرادی قوت کے ساتھ برقرار رکھنے کا فیصلہ کیا ہے بقیہ ختم اور ضم کردیے جائیں گے۔
وزارت سائنس سے رائٹ سائزنگ سے متعلق سفارشات پر عمل درآمد رپورٹ 20 جولائی تک طلب کرلی گئی۔دستاویز کے مطابق کونسل فار ورکس اینڈ ہاسنگ ریسرچ، پاکستان کونسل فار سائنس اینڈ ٹیکنالوجی کو بند کرنے، پاکستان کونسل فار ریونیوبل انرجی ٹیکنالوجی کو ضم یا ختم کرنے، نیشنل انسٹی ٹیوٹ آف الیکٹرانکس کو ضم یا ختم کرنے کی، سائنٹیفک ٹیکنالوجیکل ڈویلپمنٹ کارپوریشن کو ختم کرنے کی ہدایت جاری کردی گئیں۔
رائٹ سائزنگ کمیٹی نے پاکستان حلال اتھارٹی کے تھرڈ پارٹی جائزے کی ہدایت کردی، پاکستان اسٹینڈرڈز اینڈ کوالٹی کنٹرول اتھارٹی اور پاکستان انجینئرنگ کونسل کو ڈیجیٹلائز کرنے کی ہدایت کردی۔ نسٹ کو معیار بہتر کرنے اور 100 یونیورسٹیوں میں جگہ بنانے کا پلان پیش کرنے کی ہدایت کی گئی ہے۔ نیشنل یونیورسٹی آف ٹیکنالوجی کو پانچ سال میں خود کفالت کے حصول کا پلان پیش کرنے، پاکستان کونسل فار سائنٹیفک اینڈ انڈسٹریل ریسرچ کی کارکردگی جانچنے کے لئے تھرڈ پارٹی جائزے اور کمیٹی کی وزارت سائنس و ٹیکنالوجی میں اسٹاف کی شرح میں نصف کمی کی ہدایت کی گئی ہے۔
بھارتی میڈیا کے دانت کھٹے: سندھ فارنسک لیب کو عالمی سطح پر تسلیم کرلیا گیا