ملتان ٹیسٹ: ساجد خان اور نعمان علی کی شاندار بولنگ
اشاعت کی تاریخ: 18th, January 2025 GMT
ملتان: ملتان ٹیسٹ کے دوسرے روز پاکستانی بولرز ساجد خان اور نعمان علی کی عمدہ بولنگ کی بدولت ویسٹ انڈیز کی بیٹنگ لائن مشکلات کا شکار ہوگئی۔ پاکستان نے 230 رنز پر اپنی اننگز کا اختتام کیا، اور پھر ویسٹ انڈیز کی ٹیم کو بھی شدید مشکلات کا سامنا کرنا پڑا۔
ویسٹ انڈیز نے جب بیٹنگ کا آغاز کیا تو ساجد خان نے فوراً دباؤ ڈالنا شروع کر دیا اور ابتدائی چار وکٹیں حاصل کر کے ویسٹ انڈیز کو مشکل میں ڈال دیا۔ ساجد خان نے میکائیل لوئس کو ایک، کیاسی کارٹی کو صفر، کریک براتھویٹ کو 11 اور کیون ہوج کو 4 رنز پر آؤٹ کیا۔ اس کے بعد نعمان علی نے مزید ایک شاندار اسپیل کر کے ویسٹ انڈیز کی پانچویں وکٹ 34 رنز کے مجموعے پر حاصل کی، جب انہوں نے جسٹن گریویس کو 4 رنز پر آؤٹ کیا۔ نعمان علی نے اس کے بعد ٹریون املیچ اور ایلک ایتھنیز کو بھی 6، 6 رنز پر آؤٹ کیا۔
ویسٹ انڈیز کا اس وقت اسکور 51 رنز پر 7 وکٹوں کے نقصان پر محدود ہو چکا ہے، اور پاکستانی بولرز کا مکمل غلبہ قائم ہے۔
پاکستان نے دوسرے روز اپنے نامکمل اسکور 143 رنز سے دوبارہ شروع کیا، تاہم پہلے ہی سیشن میں وکٹوں کا گرنا شروع ہوگیا۔ سعود شکیل 84 اور سلمان آغا 7 رنز پر آؤٹ ہوئے، جبکہ محمد رضوان 71 رنز بنا کر پویلین واپس لوٹ گئے۔ رضوان کے بعد آنے والے نعمان علی بھی صفر پر آؤٹ ہوگئے اور خرم شہزاد 7 رنز بنا کر چلتے بنے۔ اس کے علاوہ کپتان شان مسعود 11، بابر اعظم 8، محمد ہریرہ 7 اور کامران غلام 5 رنز بنا سکے۔
ویسٹ انڈیز کے جیڈن سیلز اور جومیل ویریکن نے 3، 3 وکٹیں حاصل کیں، جبکہ کیون سنکلیئر نے 2 اور گداکیش موتی نے ایک کھلاڑی کو آؤٹ کیا۔
.ذریعہ: Nai Baat
پڑھیں:
ملتان ٹیسٹ: پاکستان نے دوسری اننگز میں 3 وکٹ پر 109 رنز بنالیے، برتری 202 رنز
ملتان ٹیسٹ: پاکستان نے دوسری اننگز میں 3 وکٹ پر 109 رنز بنالیے، برتری 202 رنز WhatsAppFacebookTwitter 0 18 January, 2025 سب نیوز
ملتان (آئی پی ایس )ملتان ٹیسٹ میچ کے دوسرے دن پاکستان نے دوسری اننگز میں 3 وکٹ پر 109 رنز بنالیے ہیں، یوں پاکستان کی ویسٹ انڈیز پر برتری 202 رنز ہوگئی ہے۔دوسرے دن کا کھیل کم روشنی کی وجہ سے روک دیا گیا ہے، سعود شکیل 2 اور کامران غلام 9 رنز کے ساتھ وکٹ پر موجود ہیں۔دوسری اننگز میں پاکستان کی 3 وکٹ گرگئیں، کپتان شان مسعود 52، محمد ہریرہ 29 اور بابراعظم 5 رنز بناکر پویلین لوٹ گئے ہیں۔
اس سے قبل پہلی اننگز میں ویسٹ انڈیز کی پوری ٹیم 137 رنز پر پویلین لوٹ گئی، گرین کیپ پہلی اننگز میں 230 رنز آوٹ ہوئی تھی، جواب میں ساجد خان اور نعمان علی نے ویسٹ انڈیز کی اننگز کو صرف 25 اعشاریہ 2 اوورز میں بھی ہی سمیٹ دیا۔ویسٹ انڈیز کے میکائیل لوئس 1 رن پر، کیاسی کارٹی صفر پر، کریک براتھویٹ 11 رنز پر اور کیون ہوج 4 رنز پر ساجد خان کا شکار بن گئے۔
بعدازاں جسٹن گریویس 4 اور ٹیون املاچ 6 رنز بنا کر نعمان علی کا شکار بنے۔اس کے بعد 51 رنز پر ویسٹ انڈیز کی ساتویں، 66 رنز پر آٹھویں اور 91 رنز پر نویں وکٹ بھی نعمان علی کے حصے میں آئی۔پاکستان کے لیے آخری وکٹ ابرار احمد نے حاصل کی۔
اس سے قبل ملتان ٹیسٹ کے دوسرے دن پاکستان ٹیم پہلی اننگ میں 230 رنز بنا کر آٹ ہو گئی۔پاکستان ٹیم کی جانب سے سعود شکیل اور محمد رضوان نے پہلی نا مکمل اننگ کا دوبارہ آغاز کیا جس کے بعد پاکستان کی پانچویں وکٹ 187 اور چھٹی وکٹ 197 رنز پر گر گئی۔سعود شکیل 84 اور سلمان آغا 2 رنز بنا کر آٹ ہوئے۔ اس دوران محمد رضوان نے ایک اینڈ سے رنز بنانے کا سلسلہ جاری رکھا۔
بعدازاں پاکستان کی ساتویں اور آٹھویں وکٹ 200 رنز پر گری، نعمان علی صفر اور محمد رضوان 71 رنز بنا کر آٹ ہوئے۔پاکستان کی نویں وکٹ 225 رنز پر گری، خرم شہزاد 7 رنز بنا کر آٹ ہوئے جبکہ قومی ٹیم کی آخری وکٹ 230 رنز پر گری، ساجد خان 18 رنز بنا کر آٹ ہوئے جبکہ ابرار احمد صفر پر ناٹ آٹ رہے۔
پاکستان ٹیم نے پہلی اننگ میں مجموعی طور پر 68.5 اوورز بیٹنگ کی۔ ویسٹ انڈیز کے جیڈن سیلز اور جومیل وریکین نے 3،3 جبکہ کیون سنکلیئر 2 اور گداکیش موتی نے ایک کھلاڑی کو آٹ کیا۔ گزشتہ روز کھیل کا اختتام پاکستان ٹیم نے 4 وکٹ پر 143 رنز کے ساتھ کیا تھا۔
پہلے روز شان مسعود 11، محمد ہریرہ 6، بابر اعظم 8 اور کامران غلام 5 رنز بنا کر آٹ ہو گئے تھے جس کے بعد محمد رضوان اور سعود شکیل نے پارٹنر شپ قائم کر کے اسکور 4 وکٹ پر 143 رنز تک پہنچایا تھا۔پہلے ٹیسٹ میں شان مسعود، بابر اعظم، کامران غلام، سعود شکیل، محمد رضوان، سلمان علی آغا، ساجد خان، نعمان علی، خرم شہزاد، ابرار احمد اور محمد ہریرہ ٹیم میں شامل ہیں۔ واضح رہے کہ ویسٹ انڈیز کی ٹیم دسمبر 2006 کے بعد پہلی بار ٹیسٹ سیریز کھیلنے کے لیے پاکستان کا دورہ کر رہی ہے۔
سکیورٹی فورسز کا بلوچستان میں آپریشن، 27 دہشتگرد ہلاک