القادر ٹرسٹ کا قیام قانونی ہے یا غیرقانونی؟ نئے انکشافات سامنے آگئے
اشاعت کی تاریخ: 18th, January 2025 GMT
القادر ٹرسٹ سے متعلق نئے حیران کن انکشافات سامنے آگئے ہیں، جن کے مطابق یہ ایک محدود مدت کے لیے بنایا گیا ٹرسٹ تھا جس کا قانونی طور پر کوئی وجود نہیں تھا۔
انگریزی روزنامہ ’دی نیوز‘ کی ایک تحقیقاتی رپورٹ کے مطابق، القادر ٹرسٹ کو صرف 8 ماہ کے لیے ایک ٹرسٹ کے طور پر قائم کیا گیا تھا، آئی سی ٹی ٹرسٹ ایکٹ 2020 کے مطابق، اس ٹرسٹ کا کوئی وجود نہیں ہے، القادر ٹرسٹ کے صرف 2 ٹرسٹی ہیں جو کہ بانی پی ٹی آئی عمران خان اور ان کی اہلیہ بشریٰ بی بی ہیں۔
رپورٹ کے مطابق مطابق، دسمبر 2019 میں پی ٹی آئی رہنما بابر اعوان نے سب رجسٹرار آفس اسلام آباد میں القادر ٹرسٹ کو رجسٹر کیا۔ اس مقصد کے لیے ایک نیا آئی سی ٹی ٹرسٹ ایکٹ 2020 تیار کیا گیا جبکہ القادر ٹرسٹ کی رجسٹریشن سابقہ ٹرسٹ ایکٹ 1882 کے تحت ہوئی۔
یہ بھی پڑھیں: القادر ٹرسٹ کیس کا فیصلہ، ملک ریاض کو سزا کیوں نہ ہوئی؟
تحقیقاتی رپورٹ میں اس حوالے سے مزید بتایا گیا ہے کہ ٹرسٹ ایکٹ 1882 کے تحت القادر یونیورسٹی پروجیکٹ کی ٹرسٹ ڈیڈ میں واضح طور پر کہا گیا ہے کہ ٹرسٹیز 4 سے کم یا 500 سے زیادہ نہیں ہونے چاہئیں۔
ابتدائی طور پر اس کے ٹرسٹیز بابر اعوان اور زلفی بخاری تھے جنہیں 2021 میں اس وقت کے وزیراعظم عمران خان کی درخواست پر ہٹایا گیا اور ان کی جگہ ڈاکٹر عارف نذیر اور فرحت شہزادی (فرح گوگی) کو ٹرسٹی نامزد کیا گیا لیکن یہ دونوں ٹرسٹیز کے طور پر کبھی رجسٹرڈ نہیں ہوئے۔
نئے ایک کے تحت القادر ٹرسٹ کا کوئی وجود نہیں؟آئی سی ٹی ٹرسٹ ایکٹ 2020 کو 26 اگست 2020 کو لاگو کیا گیا اور ہر ٹرسٹ کے لیے لازمی قرار دیا گیا کہ وہ خود کو نئے ایکٹ کے تحت رجسٹر کرائیں، تاہم محکمہ صنعت اور لیبر کے سرکاری ریکارڈ کے مطابق القادر ٹرسٹ نے 2 سال کی تاخیر کے بعد یعنی 2023 میں رجسٹریشن کی درخواست جمع کرائی۔
یہ بھی پڑھیں: پی ٹی آئی کا 190 ملین پاؤنڈزکیس کے فیصلے کے خلاف اپیل دائر کرنے کا اعلان
رپورٹ میں کہا گیا ہے کہ القادر ٹرسٹ تاحال خود کو رجسٹرڈ کرانے میں ناکام رہا ہے جس سے ظاہر ہوتا ہے کہ القادر ٹرسٹ کا آئی سی ٹی ٹرسٹ ایکٹ 2020 کے تحت کوئی وجود نہیں ہے۔ اسکا مطلب ہے کہ نیا آئی سی ٹی ٹرسٹ ایکٹ نافذ ہونے تک القادر ٹرسٹ کو صرف 8 ماہ کے لیے ٹرسٹ کے طور پر رجسٹر کیا گیا تھا۔
اس حوالے سے ذرائع کا کہنا ہے کہ نئے ٹرسٹ ایکٹ 2020 کے تحت القادر ٹرسٹ کی دوبارہ رجسٹریشن کی درخواست ایک اینٹی کرپشن کے ادارے کی جانب سے پیش کی گئی منفی رپورٹس کی وجہ سے روک دی گئی تھی۔
القادر ٹرسٹ کو لکھے گئے خط میں کن اعتراضات کا ذکر تھا؟انڈسٹریز اینڈ لیبر ڈیپارٹمنٹ کی مجاز اتھارٹی نے اس بارے میں 13 اکتوبر 2023 کو القادر ٹرسٹ کے چیف فنانشل آفیسر کو ایک خط لکھا جس میں مختلف اعتراضات کی نشاندہی کی گئی تھی۔ خط میں بتایا گیا کہ میمورنڈم آف ایسوسی ایشن فراہم نہیں کیا گیا، ٹرسٹ کا پتہ رہائشی علاقے کا دیا گیا ہے اور منسلک سی این آئی سی کی نقول تصدیق شدہ نہیں ہیں۔
خط میں مزید کہا گیا کہ رجسٹریشن ایکٹ 1908 کے تحت منقولہ اور غیر منقولہ جائیداد کی رجسٹریشن کا ثبوت فراہم نہیں کیا گیا، معلومات کی تصحیح اور قانوی کارروائی سے متعلق حلف نامے فراہم نہیں کیے گئے، ملکیت یا کرائے کا ثبوت اور تصدیق شدہ یوٹیلیٹی بلز کی فوٹو کاپیاں غائب ہیں اور ہارڈ کاپی میں فراہم کردہ مالیاتی ڈیٹا آن لائن درخواست سے مطابقت نہیں رکھتا۔
یہ بھی پڑھیں: القادر ٹرسٹ کیس فیصلے کے بعد مذاکرات پر کیا اثر پڑے گا؟
مجاز اتھارٹی نے 21 نومبر 2023 کو القادر یونیورسٹی ٹرسٹ پروجیکٹ کو دوبارہ ایک خط بھیجا جس میں کہا گیا کہ پہلے خط میں مطلع کردہ خامیوں کو دور نہیں کیا گیا جس کی وجہ سے القادر ٹرسٹ کی درخواست میں تاحال کوئی پیشرفت نہیں ہوسکی ہے۔
القادر ٹرسٹ کے ایگزیکٹو ڈائریکٹر امجد الرحمان نے معاملے کے بارے میں وضاحت پیش کرتے ہوئے کہا ہے کہ القادر ٹرسٹ 1882 کے ایکٹ کے تحت قائم کیا گیا تھا اور اب بھی موجود ہے، زمین اور عمارتوں سمیت تمام اثاثے اس کے نام پر رجسٹرڈ ہیں، نئے ایکٹ کے تحت موجودہ رجسٹریشن کو اپ گریڈ کرنے کے لیے دوبارہ رجسٹریشن کے لیے درخواست دی ہے، اس معاملے پر القادر ٹرسٹ نے متعلقہ محکمہ کے خلاف عدالت میں درخواست دی ہے جو زیرالتوا ہے۔
انہوں نے کہا کہ چونکہ تمام اثاثے قانونی طور پر القادر ٹرسٹ کے نام پر رکھے گئے ہیں لہٰذا اس ٹرسٹ کا وجود منسوخ نہیں کیا جاسکتا، البتہ نئے ایکٹ کے تحت اس کی رجسٹریشن ایک لازمی امر ہے۔
’ٹرسٹ کی درخواست میں کوئی کمی نہیں ہے‘القادر ٹرسٹ کے ایگزیکٹو ڈائریکٹر امجدالرحمان نے اس بات کی تصدیق کی ہے کہ بابر اعوان اور زلفی بخاری کو القادر یونیورسٹی پروجیکٹ ٹرسٹ سے نکالے جانے کے بعد فرحت شہزادی اور ڈاکٹر عارف نذیر بٹ کو نامزد کیا گیا تھا لیکن ٹرسٹی کے طور پر کبھی رجسٹر نہیں کیا گیا۔ تاہم پی ایس ای سی کی ضرورت کے طور پر ایک نیا ٹرسٹ رجسٹر کیا گیا (القادر یونیورسٹی ٹرسٹ انڈوومنٹ فنڈ برائے چیریٹی اور فنڈز کے مقاصد) جہاں فرحت شہزادی اور ڈاکٹر عارف نذیر بٹ کو عمران خان اور بشریٰ بی بی کے ساتھ اس کا ٹرسٹی بنایا گیا، اب جبکہ فرحت شہزادی کو بھی یہاں سے ہٹا دیا گیا ہے تو اب صرف ماہرین تعلیم ہی اس کے بورڈ آف ٹرسٹیز کا حصہ ہیں۔
یہ بھی پڑھیں: 190 ملین پاؤنڈ کیس: عمران خان کو 14، بشریٰ بی بی کو 7 سال کی سزا، القادر ٹرسٹ کی زمین بھی تحویل میں لینے کا حکم
انہوں نے مزید بتایا کہ ٹرسٹ ایکٹ 2020 کے تحت ہماری آئی سی ٹی لیبر انڈسٹریز کے پاس 2 درخواستیں ہیں، ایک ٹرسٹ رجسٹریشن کے لیے اور دوسری چیریٹی رجسٹریشن کے لیے، ٹرسٹ کی درخواست میں کوئی کمی نہیں ہے، تاہم محکمہ نے نئی درخواستیں جمع کرانے کا کہا ہے اور کچھ ترامیم بھی تجویز کی ہیں۔
امجدالرحمان نے کہا کہ ہم نے محکمے سے درخواست کی کہ وہ ہماری درخواست پر دوبارہ غور کریں کیونکہ درخواست دائر ہونے کے بعد پورٹل بند ہوجاتا ہے، ہمارے خیال میں اگر وہ ترامیم چاہتے ہیں تو ہم پورٹل کے ذریعے ضروری تبدیلیاں کرسکتے ہیں، ہم نے مجوزہ ترامیم کی ہارڈ کاپیاں محکمہ کو پہلے ہی جمع کرا دی ہیں، نئی درخواست دائر کرنے کے لیے پرانی درخواست کو حذف کرنے کی ضرورت ہوگی جو کہ ناممکن ہے کیونکہ اس حوالے سے ہمارا کیس اصل دائر کردہ درخواست پر مبنی ہے جو اسلام آباد ہائیکورٹ میں زیرالتوا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
190 ملین پاؤنڈ کیس wenews القادر ٹرسٹ بابر اعوان بانی پی ٹی آئی عمران خان بدعنوانی بشریٰ بی بی رجسٹریشن زلفی بخاری کرپشن.ذریعہ: WE News
کلیدی لفظ: 190 ملین پاؤنڈ کیس القادر ٹرسٹ بابر اعوان بانی پی ٹی ا ئی عمران خان بدعنوانی القادر یونیورسٹی ٹرسٹ ایکٹ 2020 کے القادر ٹرسٹ کو القادر ٹرسٹ کے کہ القادر ٹرسٹ کوئی وجود نہیں القادر ٹرسٹ کی نہیں کیا گیا ایکٹ کے تحت کیا گیا تھا کی درخواست بابر اعوان پی ٹی ا ئی کے طور پر کے مطابق نہیں ہے ٹرسٹ کا کہا گیا نئے ایک گیا ہے کے لیے گیا کہ کے بعد
پڑھیں:
لاہور میں اے آئی یونیورسٹی کا قیام، مستقبل کا تعلیمی منظرنامہ بدل رہا ہے، مریم نواز
ANKARA:پنجاب کی وزیر اعلیٰ مریم نواز نے ترکیے میں منعقدہ ڈپلومیسی فورم میں لڑکیوں کی تعلیم کے لیے عالمی سطح پر عہد پر زور دیتے ہوئے کہا ہے کہ لاہور میں اے آئی (آرٹیفیشنل انٹیلیجینس) یونیورسٹی کا قیام اور اے آئی پر مبنی تعلیم کے فروغ سے مستقبل کا تعلیمی منظرنامہ بدل رہا ہے۔
وزیراعلیٰ مریم نواز نے ترکیہ کے شہر انطالیہ میں ڈپلومیسی فورم 2025 فورم کے فورتھ ایڈیشن میں ‘خواب دیکھنے، ان کی تعبیر حاصل کر لینے اور کر دکھانے والے راہنماؤں’ کے اجتماع سے خطاب کیا اور اس سے اپنے لیے ایک اعزاز قرار دیا۔
مریم نواز نے کہا کہ ہم سب دنیا کو منصفانہ بنانے اور اجتماعی بہتری کی سوچ کے ساتھ یہاں جمع ہیں، ترکیہ کی خاتون اول محترمہ امینہ اردوان کو خراج تحسین پیش کرتے ہیں، معارف فاؤنڈیشن لائق تحسین ہے جس نے ایک فیصلہ کن مرحلے پر یہ اجلاس منعقد کیا ہے۔
انہوں نے کہا کہ پاکستان اور ترکیہ دو قومیں لیکن ان کے دل ملے ہوئے ہیں اور وہ ایک مشترکہ سوچ اور مقصد کے لیے متحد ہیں، پنجاب کے عوام کی طرف سے ترک بہن بھائیوں کے لیے محبت بھرا سلام اور یک جہتی کا پیغام لے کر آئی ہوں۔
ان کا کہنا تھا کہ میری حکومت بچوں، خواتین کی فلاح و بہبود اور انہیں تعلیم و ترقی کی فراہمی کے وعدے کی تکمیل کے لیے پورے جذبے، عزم اور محنت سے کام کر رہی ہے، خواتین اور بچوں کی سماجی بہتری کے بغیر کوئی معاشرہ ترقی نہیں کر سکتا۔
وزیراعلیٰ پنجاب نے کہا کہ مارچ 2024 میں عہدہ سنبھالنے کے بعد ان مضبوط بنیادوں پر کام کا آغاز کیا جو نواز شریف اور شہباز شریف اپنے پہلے ادوار میں تاریخی خدمت کرتے ہوئے قائم کر گئے تھے۔
ان کا کہنا تھا کہ ایک نئے جذبے اور رفتار سے معاشی ترقی، تعلیم، صحت کے انفرا اسٹرکچر کی بہتری کا آغاز کیا، 4 ہزار سے زائد پرائمری اسکولوں کو اپ گریڈ کیا، روایتی رکاوٹوں کو مٹا کر نئی بنیادیں تشکیل دے رہے ہیں۔
انہوں نے کہا کہ اس اقدام کا مقصد یقینی بنانا ہے کہ کوئی بچہ خاص طور پر دیہات میں تعلیم اور اسکول سے محروم نہ رہے، پنجاب بھر میں 6 ہزار اسکولوں میں ڈیجیٹل لرننگ رومز بنائے جا رہے ہیں، چاک کے بجائے ٹچ اسکرینز کا سفر شروع کر دیا گیا ہے۔
مریم نواز نے کہا کہ بند اسکولوں کو دوبارہ بحال کرکے علم کے گہواروں یں بدلا جا رہا ہے، 50 ہزار طلبہ کے لیے ہونہار اسکالرشپس کا آغاز کیا گیا تاکہ ہر طالب علم کا خواب حقیقت بنے۔
انہوں نے کہا کہ اسکول میں بچوں کو دودھ کی فراہمی، غذائیت کی کمی دور کرنے کا پروگرام شروع کیا گیا، معیاری تعلیم کے فروغ کے لیے 30 ہزار نئے اساتذہ میرٹ پر بھرتی کیے گئے۔
ان کا کہنا تھا کہ اکیسویں صدی کے تقاضوں کو پورا کرنے کے لیے اساتذہ کی پیشہ ورانہ تربیت کا پروگرام شروع کیا گیا ہے، اے آئی پر مبنی لرننگ پلیٹ فارمز مہیا کیے گئے تاکہ جدید دنیا کی رفتار کے ساتھ ہمارے بچے اور بچیاں ترقی کریں۔
انطالیہ میں منعقدہ بین الاقوامی کانفرنس سے خطاب میں انہوں نے کہا کہ لاہور میں پاکستان کی پہلی اے آئی یونیورسٹی کا قیام اور اے آئی پر مبنی تعلیم کا فروغ مستقبل کا تعلیمی منظرنامہ بدل رہا ہے۔
وزیر اعلی مریم نواز نے قصور کی ندا اور اس کے شوہر، جنوبی پنجاب کے اکرام کی تعلیم کا واقعہ بھی سنایا جنہیں پنجاب حکومت کے تعلیم دوست اقدامات سے فائدہ ہوا۔
انہوں نے کہا کہ پہلی 'نواز شریف انٹرنیٹ سٹی' ڈیجیٹل پاکستان کا نیا چہرہ بنے گی، تعلیم صرف نصابی مواد نہیں بلکہ زخموں کو بھرنے اور محرومیوں کو ختم کرنے کی دوا بھی ہے۔
مریم نواز کا کہنا تھا کہ پنجاب کی ہر بچی کو تعلیم دینا مریم نواز شریف کا مشن ہے۔
وزیراعلیٰ پنجاب مریم نواز نے اپنے خطاب میں فلسطینی، کشمیری، افغان اور سوڈان کے بچوں کا بھی حوالہ دیا اور کہا کہ فلسطین کے ملبے تلے معصوم بچے دفن ہیں، افغانستان میں بچیوں پر تعلیم کے دروازے بند ہیں، مقبوضہ جموں و کشمیر کے بچے تعصبات اور ظلم کا شکار ہیں، سوڈان میں خوراک کے لیے میلوں چلنا پڑتا ہے۔
انہوں نے کہا کہ یہ وہ مسائل ہیں جو تمام انسانیت بالخصوص ہم سب کے لیے باعث فکر و تشویش ہیں لیکن ہم سب کو مل کر ان مسائل کے حل کے لیے کام کرنا ہوگا، ہم ان کی آواز بنیں گے جن کی آواز دبا دی گئی ہے۔
مریم نواز نے کہا کہ بچیوں کی تعلیم کے لیے عالمی اتحاد کی ضرورت ہے، آئیں عزت و وقار کی سفارت کاری کا آغاز کریں، خارجہ تعلقات میں انسانیت کو اولیت دی جائے، مراکش سے ملتان، دہلی سے ڈھاکہ تک لڑکیوں کی تعلیم کے لیے عالمی عہد کریں۔
وزیراعلیٰ پنجاب نے کہا کہ ترکیہ کی یونیورسٹیوں کو پنجاب میں اپنی تعلیمی خدمات کے آغاز کی دعوت دیتی ہوں۔
مریم نواز نے ترک زبان میں شکریہ ادا کیا اور کہا کہ ہم صرف لیڈر نہیں، نجات دہندہ بن کر آئے ہیں، اصلاحات سے ہی نیا مستقبل تعمیر ہو سکتا ہے، پاک-ترک دوستی دلوں کو ملانے اور نسلوں تک قائم رہنے والا رشتہ ہے جو ہمیشہ مضبوط سے مضبوط تر ہوتا رہے گا۔
آئی پی یو اسمبلی، چیئرمین سینٹ کا سماجی انصاف کیلئے عالمی پارلیمانی اتحاد کا مطالبہ