ملتان ٹیسٹ: اس پچ پر میچ 3 دن میں ختم ہوسکتا ہے، محمد رضوان
اشاعت کی تاریخ: 18th, January 2025 GMT
قومی کرکٹ ٹیم کے اسٹار بیٹر محمد رضوان نے کہا ہے کہ ملتان ٹیسٹ میں جس طرح کی پچ تیار کی گئی ہے یہ میچ 3 دن میں ختم ہوسکتا ہے۔
ویسٹ انڈیز کے خلاف ملتان ٹیسٹ کے پہلے دن کے اختتام پر پریس کانفرنس میں محمد رضوان نے کہا کہ اس سے پہلے اس طرح کی پچز نہیں بنی تھیں، بال زیادہ اسپن ہورہی ہے جس کی وجہ سے بیٹرز کو مشکل ہورہی ہے، ہم آہستہ آہستہ خود کو اس پچ کے لیے تیار کررہے ہیں اور سیکھ رہے ہیں، سب کو سمجھنا ہوگا کہ آگے کی کرکٹ مشکل ہوگی۔
یہ بھی پڑھیں: ملتان ٹیسٹ، پہلے روز کا کھیل ختم، پاکستان کے ویسٹ انڈیز کے خلاف 143 رنز پر 4 کھلاڑی آؤٹ
انہوں نے کہا کہ پلیئرز کو بقیہ کرکٹ کی تیاری کے لیے رکھا گیا ہے، اگر اس میچ میں ہر روز 90، 90 اوورز ہوجائیں تو یہ میچ 3 دن میں ختم ہوسکتا ہے۔ محمد رضوان نے یہ بھی کہا کہ ایسی پچ پر ہدف مقرر نہیں کرسکتے، کوشش کریں گے کہ پچ کی صورتحال کے مطابق اچھے رنز بنائیں۔
محمد رضوان نے کہا کہ حال ہی میں ہم نے 4 پیسرز کے ہمراہ جنوبی افریقہ کا ٹور کیا، میزبان ٹیم کے 120 اور 125 کی اسپیڈ رکھنے والے فاسٹ بولرز نے ہمیں مشکل میں ڈالا، اس کی وجہ یہی تھی کہ وہاں سیم ہورہا ہے، انہوں نے اپنے ملک کی کنڈیشنز کا فائدہ لیا۔
یہ بھی پڑھیں: ویسٹ انڈیز کے خلاف پہلے ٹیسٹ کے لیے پاکستان کی پلیئنگ الیون، کون کون شامل ہے؟
انہوں نے کہا اب ہمیں ویسٹ انڈیز کے خلاف اپنے ہی ملک میں مشکلات کا سامنا ہے کیونکہ اس سے قبل ہم ایسی کنڈیشنز میں نہیں کھیلے، آسٹریلیا بھی ایسے ہی کرتا ہے اور مخالف ٹیم کو ڈراپنگ پچ پر کھلاتا ہے، انڈیا بھی اپنی فیور کے لیے اسپن پچ تیار کرتا ہے۔
محمد رضوان کا کہنا تھا کہ ابھی تک تو ہم پاکستان میں رہتے ہوئے یہاں نہیں کھیل رہے تھے، ہمارے میچز دبئی میں ہوتے تھے، اگر ہم اپنے ملک کی چیزوں کا فائدہ نہیں اٹھا سکتے تو سیکھنے کی ضرورت ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
3 دن wenews پاکستان پچ ختم کنڈیشنز کھیل محمد رضوان ملتان ٹیسٹ میچ ویسٹ انڈیز.ذریعہ: WE News
کلیدی لفظ: پاکستان کنڈیشنز کھیل محمد رضوان ملتان ٹیسٹ میچ ویسٹ انڈیز ویسٹ انڈیز کے خلاف محمد رضوان نے ملتان ٹیسٹ کے لیے کہا کہ نے کہا
پڑھیں:
ویسٹ انڈیز کے خلاف پہلے ٹیسٹ کے لیے پاکستان کی پلیئنگ الیون
پاکستان اور ویسٹ انڈیز کے درمیان 19 برس بعد ہوم سیریز منعقد ہورہی ہے، 2 ٹیسٹ میچوں کی سیریز کا آغاز کل سے ملتان کرکٹ اسٹیڈیم میں ہورہا ہے، پہلے ٹیسٹ میچ کا آغاز صبح ساڑھے 9 بجے ہوگا۔
پاکستان کرکٹ بورڈ نے ویسٹ انڈیز کے خلاف پہلے ٹیسٹ میچ کے اسکواڈ کا اعلان کردیا ہے، قومی ٹیم میں 3 اسپنر نعمان علی، ساجد خان، ابرار احمد اور ایک فاسٹ بالر خرم شہزاد کو شامل کیا گیا ہے۔
یہ بھی پڑھیں: پاکستان، ویسٹ انڈیز ٹیسٹ سیریز ٹرافی کی رونمائی، دونوں کپتان جیت کے لیے پرجوش
پاکستان ٹیم کپتان شان مسعود، محمد رضوان، بابراعظم، کامران غلام، سعود شکیل، سلمان علی آغا، ساجد خان، نعمان علی، ابرار احمد اور فاسٹ بالر خرم شہزاد ٹیم پر مشتمل ہے۔
Pakistan's playing XI for the first Test ????????
Mohammad Huraira to make his debut tomorrow ????#PAKvWI | #RedBallRumble pic.twitter.com/MkpKaEsdsm
— Pakistan Cricket (@TheRealPCB) January 16, 2025
امام الحق اور ڈیبیو کرنے والے بلے باز محمد ہریراہ قومی ٹیم کی جانب سے اوپننگ کرسکتے ہیں۔
یاد رہے کہ ویسٹ انڈیز نے پاکستان کی سرزمین پر 21 ٹیسٹ میچز کھیلے ہیں، ان میں سے صرف چار میں فتح حاصل ہوئی اور 9 میں ہار کو گلے لگایا جبکہ 8 میچز ڈرا رہے۔
یہ بھی پڑھیں: ٹیسٹ میچ میں حاضری کا ریکارڈ ٹوٹ گیا، کتنے شائقین تھے؟
پاکستان کی سر زمین پر ویسٹ انڈیز کا ریکارڈ خراب ہے، دنوں ٹیموں کے درمیان سات ٹیسٹ سیریز ہوئیں جس میں صرف ایک بار 1980 میں کامیابی ملی۔
پاکستان اور ویسٹ انڈیز کے درمیان ملتان میں ہونے والی ٹیسٹ سیریز آئی سی سی ٹیسٹ چیمپئن شپ کا حصہ ہے، ملتان میں گزشتہ سال اکتوبر میں پاکستان نے انگلینڈ کو دوسرے ٹیسٹ میچ میں 152 رنز سے شکست دی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آئی سی سی پاکستان پی سی بی ٹیسٹ سیریز کرکٹ ملتان ویسٹ انڈیز
شی زانگ کی ڈنگری کاؤنٹی میں 6.8 شدت کے زلزلے میں ہلاک ہونے والے ہم وطنوں کے لیے سوگ