ٹنڈوجام میں بازار گندے پانی میں ڈوب گئے
اشاعت کی تاریخ: 18th, January 2025 GMT
ٹنڈوجام (نمائندہ جسارت) گندے پانی کی سیوریج لائن ایک بار پھر پھٹ گئی جس کی وجہ سے شہر بھر میں پانی جمع ہو گیا اور تجارتی مارکیٹ رستم شہید روڈ، شاہی بازار، عبدالستار ایدھی چوک، اسٹیشن روڈ، تالپور محلہ سمیت دیگر علاقے پانی میں ڈوب گئے جس کی وجہ سے کاروباری مراکز بند ہو گئے اور تجارتی مارکیٹ کھل نہ سکیں، جبکہ مساجد کے سامنے پانی جمع ہونے سے نمازِ جمعہ کی ادائیگی کے لیے نمازیوں کو شدید مشکلات کا سامنا کرنا پڑا۔ شہر یوں کے مطابق گندے پانی کی سیوریج لائن سال میں دو چار دفعہ پھٹتی رہتی ہے لیکن بلدیہ والے نئی لائن ڈالنے کی کوشش نہیں کرتے بلکہ پرانی لائن کو صحیح کرکے پیسے ضائع کرتے ہیں۔ انہوں نے کہا لائن کو ڈالے ہوئے 40 سال سے زیادہ عرصہ ہو چکا، اس کی مدت ختم ہو چکی ہے لیکن اس کے باوجود نئی لائن نہیں ڈالی جا رہی۔ جماعت اسلامی کے کونسلر طاہر اُسامہ اور عبدالحمید شیخ نے کہا کہ شہریوں کو سال میں جس طرح سال میں ، 3 دفعہ اس لائن کی وجہ سے پریشان سے گزرنا پڑتا ہے، وہ نہایت افسوس ناک ہے۔ ان سے میٹھے پانی کا منصوبہ تو اب تک پورا نہیں ہو سکا تو کم از کم سیوریج لائن کے مسئلے کو حل کرکے عوام کی مشکلات کو حل اور پرانی سیوریج لائن کی جگہ نئی لائن ڈالی جائے۔
.ذریعہ: Jasarat News
کلیدی لفظ: سیوریج لائن
پڑھیں:
سندھ اور پنجاب کے درمیان پانی کا جھگڑا آج کا نہیں 150 سال پرانا ہے، سعید غنی
کراچی میں تقریب سے خطاب کرتے ہوئے وزیرِ بلدیات سندھ نے کہا کہ کراچی میں لوگوں کو شناخت کر کے مارا جاتا تھا، شہر میں جو دہشت گردی ہوئی وہ دنیا کے کم شہر ہوں گے جہاں ہوئی ہوگی، نفرتوں کی سیاست کے نقصانات آج تک بھگت رہے ہیں۔ اسلام ٹائمز۔ وزیرِ بلدیات سندھ سعید غنی کا کہنا ہے کہ پنجاب اور سندھ کا پانی کا جھگڑا آج کا نہیں 150 سال سے چل رہا ہے۔ کراچی میں تقریب سے خطاب کرتے ہوئے انہوں نے کہا کہ 1991ء کا معاہدہ سندھ کے ساتھ زیادتی ہے، پھر بھی کہتے ہیں اس پر ہی عمل کرلو۔ سعید غنی کا کہنا ہے کہ پنجاب میں پانی کی کمی ہے، 12 لاکھ ایکڑ زمین کیسے آباد کریں گے۔ صوبائی وزیر نے کہا کہ کراچی میں جیسی دہشت گردی ہوتی تھی ویسی شاید ہی کہیں ہوئی ہوگی، کراچی کا ماضی دہشت گردی سے متعلق بہت خوفناک ہے، کچھ سال پہلے شہر کے بدترین حالات تھے۔ ان کا مزید کہنا ہے کہ کراچی میں لوگوں کو شناخت کر کے مارا جاتا تھا، شہر میں جو دہشت گردی ہوئی وہ دنیا کے کم شہر ہوں گے جہاں ہوئی ہوگی، نفرتوں کی سیاست کے نقصانات آج تک بھگت رہے ہیں۔ انہوں نے یہ بھی کہا کہ ہماری کامیابی یہ ہوگی کہ جب عہدے سے ہٹایا جائے تو ہم سے بہتر لوگ عہدے پر آئیں، ہمیں نظم و ضبط پیدا کرنا ہوگا۔
خلیل الرحمان ہنی ٹریپ کیس کی سماعت کل تک ملتوی