بشریٰ بی بی کو جس سیل میں رکھا گیا اس کا مریم نواز سے کیا تعلق ہے؟
اشاعت کی تاریخ: 17th, January 2025 GMT
بانی چیئرمین پاکستان تحریک انصاف عمران خان اور ان کی اہلیہ بشریٰ بی بی کو 190 ملین پاؤنڈز کیس میں بالترتیب 14 اور 5 سال قید کی سزا سنائی گئی ہے، جس کے بعد بشریٰ بی بی کو اڈیالہ جیل میں اس سیل میں منتقل کیا گیا ہے جہاں تحریک انصاف کے دور حکومت میں موجودہ وزیراعلیٰ پنجاب مریم نواز شریف کو رکھا گیا تھا۔
یہ بھی پڑھیں: عمران خان اور بشری بی بی کے خلاف توشہ خانہ ریفرنس ہے کیا؟
میڈیا رپورٹس کے مطابق 190 ملین پاؤنڈز ریفرنس میں سزا کے بعد بشریٰ بی بی کو اڈیالہ جیل میں سیل منتقل کر دیا گیا ہے، جہاں ان کا طبی معینہ بھی کیا گیا، جس کی رپورٹ کے مطابق بشریٰ بی بی تندرست ہیں، دوسری جانب عمران خان چونکہ پہلے ہی اڈیالہ جیل میں ہیں، اس کیس میں سزا کے بعد وہ اسی سیل میں قید ہیں جہاں پہلے تھے۔
بشریٰ بی بی کو بائیو میٹرک کے بعد خواتین وارڈ سے منسلک ٹیوٹا ہال میں رکھا گیا ہے جہاں انہیں پہلے پابند سلاسل کیا گیا تھا، یہ وہی ہال ہے جہاں پی ٹی آئی دور حکومت میں مریم نواز کو قید رکھا گیا تھا۔
یہ بھی پڑھیں: القادر ٹرسٹ کیس فیصلے کے بعد مذاکرات پر کیا اثر پڑے گا؟
میڈیا رپورٹس کے مطابق بشریٰ بی بی کو اڈیالہ جیل میں ادویات بھی فراہم کر دی گئیں، ضروری سامان بھی ان کی بیرک میں پہنچا دیا گیا جس میں کپڑے، جوتے، چادریں، کھانے پینے کی اشیا، بیڈ شیٹس، تکیے اور دیگر چیزیں شامل ہیں۔
واضح رہے کہ احتساب عدالت نے 190 ملین پاؤنڈز کیس میں سابق وزیراعظم عمران خان کو 14 سال قید اور 10 لاکھ روپے جرمانے، جبکہ ان کی اہلیہ بشریٰ بی بی کو 7 سال قید اور 5 لاکھ روپے جرمانے کی سزا سنائی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
190 ملین پاؤنڈز we news اڈیالہ جیل القادر ٹرسٹ کیس بشریٰ بی بی پی ٹی آئی تحریک انصاف عمران خان مریم نواز.ذریعہ: WE News
کلیدی لفظ: 190 ملین پاؤنڈز اڈیالہ جیل القادر ٹرسٹ کیس پی ٹی ا ئی تحریک انصاف مریم نواز اڈیالہ جیل میں ملین پاؤنڈز مریم نواز رکھا گیا بی بی کو کے بعد
پڑھیں:
مریم نواز کا اوکاڑہ میں میڈیکل کالج کے قیام کا اعلان
وزیراعلیٰ پنجاب مریم نواز شریف نے اوکاڑہ میں میڈیکل کالج کے قیام کا اعلان کیا ہے۔
یونیورسٹی آف اوکاڑہ میں ہونہار اسکالرشپ پروگرام سے خطاب کرتے ہوئے کہا وزیراعلیٰ پنجاب مریم نواز شریف نے کہا کہ وہ اسکالر شپ حاصل کرنے والے طلبا اور ان کے والدین کو مبارکباد پیش کرتی ہیں۔ ’اسکالرشپ حاصل کرنے پر جتنے طلبا اور ان کے والدین خوش ہیں، ان سے زیادہ دل کی گہرائیوں سے میں خوش ہوں۔‘
یہ بھی پڑھیں: حکومت پنجاب چھوٹی فیکٹریاں لگانے کے لیے لوگوں کو زمین رعایت پر دے گی، مریم نواز
مریم نواز نے کہا کہ مجھے پتا تھا کہ پنجاب میں ہونہار بچوں کی کمی نہیں ہے، اوکاڑہ میرے اور نواز شریف کے دل کے بہت قریب شہر ہے، کوئی چھوٹا بڑا نہیں ہوتا، سب برابر ہیں۔
انہوں نے کہا کہ میرے تین بچے ہیں، جتنا میں ان کے لیے سوچتی ہوں، جتنا ان کی ایچیومنٹ پہ خوش ہوتی ہیں، اس سے زیادہ ان طلبا کی ایچیومنٹ پر خوشی ہوتی ہوں، جو یہاں بیٹھے ہیں، میرا اور طلبا کے دلوں کے درمیان جو رشتہ بن گیا ہے، ایمانداری سے کہتی ہوں کہ یہ میری زندگی کا قیمتی ترین سرمایہ ہے۔
یہ بھی پڑھیں: ’حادثات میں اضافہ ہوگا‘ مریم نواز کی جانب سے بائیکرز کی الگ لین بنانے پر صارفین کے تبصرے
ان کا کہنا تھا کہ وہ بہت ساری جگہوں پر گئیں، ڈی جی خان میں اس سال اسکالرشپ کا پیرکو آخری تقریب ہوگی، میں پریشان ہوگئی تھی کہ اب میں طلبا سے کیسے ملاقات کروں گی، میں نے جنوری کا مہینہ طلبا کے لیے وقف کیا ہے۔
وزیراعلیٰ پنجاب نے کہا کہ اب وہ لیپ ٹاپ لے کے طلبا کے پاس آئیں گی، انہوں نے ذاتی طور پر طلبا کے لیے لیپ ٹاپ پسند کیے ہیں، لیپ ٹاپ کی پہلی کھیپ آگئی ہے، یہ لیپ ٹاپ بغیر کسی تفریق کے طلبا کو دیے جائیں گے، طلبا کو جدید ترین کور آئی سیون لیپ ٹاپ دیے جائیں گے۔
یہ بھی پڑھیں: حسان نیازی کا مستقبل تباہ ہوگیا، مریم نواز نے ایسا کیوں کہا؟
انہوں نے کہا کہ جہاں طلبا کو اسکلولز، کالجز جانے کے لے ای بائیکس کی ضرورت ہے تو وہاں طلبا کو ای بائیکس بالکل مفت دی جائیں گی۔
مریم نواز نے اوکاڑہ یونیورسٹی میں بورڈنگ فیسلٹی کا اعلان بھی کیا اور یونیورسٹی سے متصل انڈر پاس کی تعمیر کا وعدہ بھی کیا، انہوں نے اسی سال اوکاڑہ میں میڈیکل کالج کے قیام کا وعدہ بھی کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسکالرشپ اوکاڑہ لیپ ٹاپ مریم نواز میڈیکل کالج وزیراعلٰی پنجاب یونیورسٹی
وزیراعلی مراد علی شاہ کی صاحبزادی کی شادی،ڈاکٹر شام سندر کے آڈوانی اور بھائیوں کی شرکت