چیمپئنز ٹرافی پر فول پروف سیکیورٹی فراہمی کی جائے گی، کمشنر کراچی
اشاعت کی تاریخ: 17th, January 2025 GMT
اجلاس میں فیصلہ کیا گیا کہ میگا ایونٹ کے موقع پر شہر کو سجایا جائے گا، کھلاڑیوں کی تصاویر اور اسکیچز نصب کیے جائیں گے۔ چیمپئنز ٹرافی 2025ء کو کامیاب اور یادگار بنانے کے لیے متعلقہ اداروں کو ہدایت جاری کر دی گئی ہیں۔ اسلام ٹائمز۔ کمشنر کراچی سید حسن نقوی نے کہا کہ چیمپئنز ٹرافی 2025ء کے انعقاد کے موقع پر فول پروف سیکیورٹی فراہمی کی جائے گی۔ کمشنر کراچی کی زیر صدارت اس حوالے سے ایک اجلاس منعقد ہوا۔ اس موقع پر پاکستان کرکٹ بورڈ کے نمائندے ارشد خان نے اجلاس کو بریفنگ دی اور بتایا کہ میگا ایونٹ 19 فروری سے شروع ہو کر 9 مارچ کو اختتام پذیر ہوگا۔ اجلاس میں فیصلہ کیا گیا کہ میگا ایونٹ کے موقع پر شہر کو سجایا جائے گا، کھلاڑیوں کی تصاویر اور اسکیچز نصب کیے جائیں گے۔ چیمپئنز ٹرافی 2025ء کو کامیاب اور یادگار بنانے کے لیے متعلقہ اداروں کو ہدایت جاری کر دی گئی ہیں۔ کراچی انتظامیہ نے چیمپئنز ٹرافی 2025ء کو کامیاب اور یاد گار بنانے کے لیے خصوصی اقدامات کرنے کا فیصلہ کیا ہے۔
اس موقع پر سیکورٹی کے خصوصی اقدامات کئے جا رہے ہیں متعلقہ اداروں نے سیکورٹی اقدامات کےلیے منصوبہ بندی شروع کردی ہے۔ کراچی انتظامیہ نے میچز کے انعقاد کو شہریوں کی توقعات کے مطابق اور پارکنگ و گراؤنڈ تک پہنچنے کے لیے خصوصی سہولتیں فراہم اور انتظامات کرنے کا فیصلہ کیا ہے۔ واضح رہے کہ ایونٹ میں 8 ٹیمیں حصہ لیں گی، جن کے درمیان مجموعی طور پر 15 میچز کھیلے جائیں گے۔ گروپ اے میں پاکستان، بھارت، نیوزی لینڈ اور بنگلا دیش شامل ہیں جبکہ گروپ بی میں جنوبی افریقہ، آسٹریلیا، افغانستان اور انگلینڈ کی ٹیمیں حصہ لیں گی۔ چیمپئنز ٹرافی کا افتتاحی میچ 19 فروری کو کراچی میں پاکستان اور نیوزی لینڈ کے درمیان ہوگا۔
ذریعہ: Islam Times
کلیدی لفظ: چیمپئنز ٹرافی 2025ء فیصلہ کیا کے لیے
پڑھیں:
بھارت نے چیمپئنز ٹرافی کے لیے اسکواڈ کا اعلان کردیا
آئی سی سی چیمپئنز ٹرافی 2025 کے لیے بھارت کے 15 رکنی اسکواڈ کا اعلان کردیا گیا ہے۔
انٹرنیشنل کرکٹ کونسل (آئی سی سی) چیمپئنز ٹرافی 2025 کے لیے بھارتی ٹیم کے کپتان روہت شرما اور چیف سلیکٹر اجیت اگرکر نے پریس کانفرنس میں اسکواڈ کا اعلان کیا۔
بھارت کے اسکواڈ میں کپتان روہت شرما، نائب کپتان شبمن گل، ویرات کوہلی، جسپریت بمراہ، ہاردیک پانڈیا، کے ایل راہول، کلدیپ یادیو، یشسوی جیسوال، رویندرا جڈیجا، محمد شامی، شریاس ایئر، رشبھ پنت، اکشر پٹیل، ارشدیپ سنگھ اور واشنگٹن سندر شامل ہیں۔
واضح رہے کہ چیمپئنز ٹرافی 2025 پاکستان اور یو اے ای میں شیڈول ہے، ایونٹ کا آغاز 19 فروری سے کراچی میں پاکستان اور نیوزی لینڈ کے میچ سے ہوگا۔
سپریم کورٹ کا ہر جج آزاد ہے، ججز پر تنقید ہونی چاہیے لیکن تعمیری تنقید ہو، جسٹس یحییٰ آفریدی